Vidhan Parishad Election 2025 : विधानसभा निवडणुकांनंतर रिक्त झालेल्या विधानपरिषदेच्या पाच जागांसाठी निवडणूक जाहीर झाली आहे. 27 मार्च रोजी विधानपरिषदेसाठी मतदान प्रक्रिया पार पडणार आहे. भाजपच्या तीन, राष्ट्रवादी अजित पवार गटाच्या एक आणि शिवसेना शिंदे गटाच्या एका आमदारासाठी ही निवडणूक होणार आहे. मात्र निवडणुकीआधी अजित पवारांची डोकेदुखी वाढली आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
विधानपरिषद निवडणूक लागलेल्या पाच रिक्त जागांमधील एक जागा अजित पवार राष्ट्रवादी काँग्रेस यांना मिळणार आहे. या एका जागेसाठी राष्ट्रवादी काँग्रेस पक्षाचे मुख्य प्रवक्ते आनंद परांजपे, माजी आमदार झिशान सिद्दिकी यांची नावे प्रामुख्याने चर्चेत आहेत. तर दुसरीकडे राज्यपाल नियुक्त 6 अधिकृत जागांपैकी अजित पवार यांना देखील एक जागा मिळणार आहे.
(नक्की वाचा- Exclusive : संतोष देशमुखांचा पोस्टमॉर्टम रिपोर्ट समोर, मन सून्न करणारी माहिती समोर)
राष्ट्रवादीच्या एका जागेसाठी अजित पवारांकडे तब्बल 100 पेक्षा जास्त इच्छुक आले आहेत. अनेक इच्छुकांमुळे अजित पवार, सुनील तटकरे, प्रफुल पटेल या प्रमुख नेत्यांची डोकेदुखी वाढवणार आहे. विधानपरिषदेसाठी अजित पवार यांनी अनेकांना शब्द दिले आहेत. आता जागा कमी आणि इच्छुकांची संख्या जास्त यामुळे अजित पवारांची कोंडी होण्याची शक्यता आहे.
(नक्की वाचा - Political News : फडणवीस सरकारचा आणखी एक निर्णय, एकनाथ शिंदेंना धक्का)
गेल्या काही दिवसात शरद पवार राष्ट्रवादी काँग्रेस तसेच इतर पक्षातून अजित पवारांनी अनेकांना पक्षप्रवेश दिले आहेत. तर भविष्यात देखील देण्याच्या हालचाली सुरू आहे. अशावेळी प्रत्येकाला पद देणं शक्य नाही. यामुळे अजित पवारांची डोकेदुखी अधिकच वाढण्याची शक्यता आहे.
