दारु पिणे हा काही लोकांचा जिव्हाळ्याचा विषय आहे. दारूचा विषय जरी निघाला तरी असा तळीरामांना हायसं वाटतं. दारू म्हणजेच सर्वस्व आणि दारू म्हणजेच जिवन असं काहीसं या लोकांचं असतं, असं म्हटलं तर वावगं ठरणार नाही. त्यामुळे दारू पिण्याची लहर आल्यानंतर ते कहर केल्या शिवाय राहत नाहीत. त्यासाठी हे तळीराम काही करण्याची तयारी ठेवतात. अशीच एक धक्कादायक घटना छत्रपती संभाजीनगरमध्ये घडला आहे. दारू चोरीचा हा प्रकार सीसीटीव्हीत कैद झाल्यानंतर तर सर्वच जण चक्रावले आहेत.
छत्रपती संभाजीनगर जिल्ह्यातील बिडकीन परिसरात ही धक्कादायक दारू चोरीची घटना उघडकीस आली आहे. सोमपुरी रोडवर शासनमान्य देशी दारूचे दुकान आहे. या दारुच्या दुकानात मोठ्या प्रमाणात दारूचा साठा होता. शिवाय या दुकानातच अनेक तळीराम येत असतात. मात्र दुकान बंद झाल्यानंतर तिथे कोणी नव्हते. हीच गोष्ट एका तळीरामाने हेरली. काही करून दारू चोरायची असा त्याने प्लॅन केला. पण ते करायचे कसे याचा विचार त्याच्या मनात सुरू होता. त्याच वेळी त्याला एक भन्नाट आयडीया सुटली.
त्याने थेट दारू दुकानाच्या भिंतीलाच छिद्र पाडले. त्यातून त्याने देशी दारूच्या दुकानात प्रवेश केला. त्यानंतर तो जणू राजा असल्याच्या आविर्भावात त्या दुकानात वावरू लागला. हे सर्व काही सीसीटीव्ही मध्ये कैद होत होतं. याचं मात्र भान त्याला नव्हतं. दुकानातून त्याने तब्बल 1 लाख 15 हजार 800 रुपयांचा मुद्देमाल लंपास केला. ही चोरी करत असताना प्रत्येक क्षण सीसीटीव्हीमध्ये कैद होत होता. दारू मालक सकाळी आल्यानंतर त्याला चोरीचा प्रकार लक्षात आला. पोलिसांनी फुटेजच्या आधारे आरोपींचा शोध सुरू केला आहे. या प्रकरणी बिडकीन पोलिस ठाण्यात गुन्हा दाखल करण्यात आला आहे.
Track Latest News Live on Marathi.NDTV.com and get news updates from India and around the world
