गुजरातने दिलेल्या धावांचा पाठलाग करताना मुंबईची चांगलीच दमछाक झाली. मुंबईकडून सुर्यकुमार यादव वगळता अन्य फलंदाजांना चमकदार कामगिरी करता आली नाही. मुंबईला केवळ 160 धावा करता आल्या. शिवाय मुंबईचे 6 फलंदाज बाद झाले. गुजरातच्या गोलंदाजांनी सुरूवाती पासूनच मुंबईच्या फलंदाजांवर अंकूश ठेवला होता. सुर्यकुमार यादव ही 48 धावा काढून बाद झाला. त्याने आपल्या खेळीत चार चौकार आणि एक षटकार लगावला. त्याला प्रसिद्ध कृष्णाने आऊट केले. कर्णधार हार्दीक पांड्याही जास्त काही करू शकला नाही. तो 11 धावांवर बाद झाला. गुजरातकडून मोहम्मद सिराज आणि प्रसिद्ध कृष्णा यांनी प्रत्येकी दोघांना आऊट केले.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
गुजरातने दिलेल्या टार्गेटता पाठलाग करताना मुंबईची सुरूवात चांगली झाली नाही. रोहित शर्माने पुन्हा एकदा निराशा केली. तो केवळ आठ धावा करून बाद झाला. त्याला मोहम्मद शिराजने क्लिन बोल्ड केले. रोहित बरोबर सलामीला आलेल्या रायन रिकलटन याला ही जास्त धावा करता आल्या नाहीत. त्याला सहा धावांवर मोहम्मद शिराजनेच बोल्ड केले. त्यानंतर तिलक वर्मा आणि सुर्यकुमार यादवने डाव सावरला. तिलक वर्मा 36 चेंडूत 39 धावा करून बाद झाला. त्याला प्रसिद्ध कृष्णाने बाद केले. तिलकने आपल्या खेळीत 3 चौकार आणि 1 षटकार लगावला. रॉबिन मिंझ याला ही जास्त काळ खेळपट्टीवर राहाता आलं नाही. तो केवळ 3 धावा करू शकला.
ट्रेंडिंग बातमी - MI vs GT: गुजरातने मुंबई समोर ठेवले 197 धावांचे टार्गेट, आता रोहितवर सर्वांची नजर
त्या आधी फलंदाजी करताना गुजरात टायटन्स कडून साई सुदर्शन याने शानदार बॅटींग केली. त्याने सर्वाधिक धावा करताना अर्ध शतकही झळकावले. त्याने 41 चेंडूत 63 धावा केल्या. त्यात त्याने चार चौकार आणि दोन षटकार लगावले. त्याला ट्रेंट बोल्ड याने बाद केले. सुदर्शनच्या खेळी मुळे गुजरातला वीस षटकात 196 धावा करता आल्या. गुजरातने 8 विकेटच्या मोबदल्यात 196 धावा केल्या. मुंबई इंडियन्स विरुद्ध गुजरात टायटन्स यांच्यात आयपीएलचा सामना रंगला. मुंबईचा कर्णधार हार्दीक पांड्याने नाणेफेक जिंकत प्रथम बॉलिंग करण्याचा निर्णय घेत गुजरातला बॅटींगसाठी पाचारण केले होते.
गुजरातची सुरूवात चांगली झाली. साई सुदर्शन आणि कर्णधार शुबमन गिल यांनी आठ ओव्हर्समध्ये 78 धावांची सलामी दिली. शुभमन गिलला हार्दीक पांड्याने आऊट करत तंबूत परत पाठवलं. शुबमन गिलने 27 चेंडूत 38 धावा केल्यात त्यात 4 चौकार आणि 1 षटकारचा समावेश आहे. त्यानंतर आलेल्या जोस बटलर याने ही चांगली फलंदाजी करत 24 चेंडूत 39 धावा केल्या. त्यात त्याने 5 चौकार आणि 1 षटकार लगावला. मुंबईकडून हार्दिक पांड्याने चार षटकात 29 धावा देत दोन जणांना बाद केले आहे. तर त्याला ट्रेंट बोल्ड, दिपक चाहर, मुजीब उर रहमान यांची चांगली साथ मिळाली. यांनी प्रत्येकी एक गडी बाद केला.
Track Latest News Live on Marathi.NDTV.com and get news updates from India and around the world
