Sarpanch Bapu Andhale Murder Case : राष्ट्रवादी काँग्रेस शरद पवार गटाचे नेते जितेंद्र आव्हाड यांनी काही दिवसांपूर्वी महादेव गित्ते याचा एक व्हिडिओ एक्स वर ट्विट केला होता. या ट्विट नंतर परळीतील सरपंच बापू आंधळे खून प्रकरण पुन्हा एकदा चर्चेत आलं. महादेव गित्तेच्या व्हिडिओनंतर त्याची पत्नी मीरा गित्ते समोर आल्या आहेत. सरपंच बापू आंधळे खून प्रकरणात वाल्मीक कराडवर कलम 307 अंतर्गत गुन्हा दाखल करुन गुन्हा दाखल करावा अशी मागणी त्यांनी 'NDTV मराठी' शी बोलताना केली.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
'मी जितेंद्र आव्हाड यांचे आभार मानते त्यांनी पुन्हा एकदा हा मुद्दा समोर आणला. आव्हाड यांनी सांगितलेलं सर्व काही खरं आहे त्यात काही खोटं नाही.सरपंच बापू आंधळे प्रकरणात वाल्मीक कराड यांचं जे नाव वगळण्यात आलं. कराडवर पुन्हा कलम 307 अंतर्गत गुन्हा दाखल करुन त्याची शिक्षा त्याला मिळाली पाहिजे, अशी मागणी मीरा गित्ते यांनी केलीय. आपण या प्रकरणात पोलीस अधिक्षकांची भेट घेतली असून त्यांना देखील ही बाब कळवली आहे', असं त्यांनी सांगितलं.
'माझ्या पतीचे ऑपरेशन झाले असताना ते जेलमध्ये असताना त्यांना हॉस्पिटल डॉक्टर देण्यात आले नाही. मात्र वाल्मीक कराड याचे पोट दुखले तर त्यांना आयसीयू मध्ये दाखल करण्यात आले..माझ्या पतीची एकदा तरी तपासणी करायला पाहिजे होती..माझ्या पतीला जे उपचार देण्यात आले त्याचे पुरावे मला द्या', अशी मागणी त्यांनी राज्य सरकारकडं केली आहे.
( नक्की वाचा : Walmik Karad Property : वाल्मिक कराडची संपत्ती किती, कुठे आणि कोणाच्या नावावर? आकडा पाहून धक्काच बसेल! )
आव्हाड यांनी केलं होतं ट्विट
राष्ट्रवादी काँग्रेस शरद पवार गटाचे नेते जितेंद्र आव्हाड यांनी परळीतील मयत सरपंच बापू आंधळे खून प्रकरणाशी संबंधित एक व्हिडीओ ट्विट केला आहे. हा व्हिडिओ महादेव गित्ते याचा असून 29 जून 2024 रोजी परळी तालुक्यातील मरळवाडीचे सरपंच बापू आंधळे यांच्या खुनाशी संबंधित आहे.
२९/०६/२०२४ रोजी माहादेव गित्ते याच्यावर वाल्मीक कराड च्या सांगण्यावरून हल्ला झाला जखमी इसमाचा आंबेजोगाई मेडिकल कॅालेज मधे उपचार घेत आसताना दि ०२/०७/२०२४ रोजी महादेव गित्ते याने बनवलेला व्हीडीओ pic.twitter.com/iqSb0TWpk4
— Dr.Jitendra Awhad (@Awhadspeaks) January 23, 2025
सरपंच आंधळे यांच्यावर झालेल्या गोळीबारादरम्यान महादेव गित्ते याच्यावर देखील गोळीबार झाला होता. यात तो जखमी झाला होता. यादरम्यान रुग्णालयात दाखल केले असता महादेव गित्ते याने व्हिडिओ चित्रेत केला होता. ज्यात गित्तेने घडलेला प्रकार सांगितला आहे.
Track Latest News Live on Marathi.NDTV.com and get news updates from India and around the world
