Dalit Girls : उत्तर प्रदेशातील प्रयागराज पोलिसांनी केरळमधील एका दहशतवादी गटाचा (टेरर मॉड्यूल) पर्दाफाश केला आहे. या गटाचे कार्यपद्धती अत्यंत धोकादायक होती. हा गट दलित मुलींना फूस लावून धर्मांतर करण्यास प्रवृत्त करत असे, त्यानंतर त्यांना जिहादी प्रशिक्षण देऊन दहशतवादी बनवत असे. मात्र, या दहशतवाद्यांकडून एक चूक झाली आणि ती त्यांच्यावरच भारी पडली. एक दलित मुलगी त्यांच्या तावडीतून पळून जाण्यात यशस्वी झाली. त्यानंतर त्यांच्या संपूर्ण नेटवर्कचा खुलासा झाला. पोलिसांनी आतापर्यंत एका महिलेसह दोन जणांना अटक केली आहे. एका आरोपीचा शोध सुरू असून, या संपूर्ण नेटवर्कचाही तपास केला जात आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
काय आहे प्रकरण?
गंगा नगरचे पोलीस उपायुक्त (डीसीपी) कुलदीप सिंह गुनावत यांनी सांगितले की, या प्रकरणात दरकशा बानो आणि मोहम्मद कैफ नावाच्या दोन जणांना अटक करण्यात आली आहे. पीडित मुलीला केरळहून प्रयागराजला आणून 'वन स्टॉप सेंटर'मध्ये ठेवण्यात आले आहे.
26 जून रोजी पीडित मुलीच्या आईने फुलपूर पोलीस ठाण्यात तक्रार दाखल केली होती. त्यात दरकशा बानोने त्यांची १५ वर्षांची मुलगी 8 मे रोजी फूस लावून आपल्यासोबत घेऊन गेल्याचे म्हटले होते. त्यानंतर मोहम्मद कैफने त्या अल्पवयीन मुलीला बाईकवरून प्रयागराज जंक्शनपर्यंत पोहोचवले. या दरम्यान, त्याने मुलीसोबत छेडछाडही केली. त्यानंतर बानो तिला ट्रेनने आधी दिल्लीला घेऊन गेली आणि तिथून केरळला घेऊन गेली, जिथे तिने अल्पवयीन मुलीला काही संशयित लोकांशी भेटवले.
( नक्की वाचा : Instagram वर मुलीला प्रेमाच्या जाळ्यात अडकवलं, लाखो रुपये लुबाडले, जबरदस्तीनं केलं धर्मांतर! )
पोलिसांनी दलित अल्पवयीन मुलीला कसे शोधले?
गुनावत यांनी पुढे सांगितले, “केरळमध्ये संशयित लोकांनी त्या अल्पवयीन मुलीला पैशांचे आमिष दाखवून तिचे धर्मांतर केले आणि तिला दहशतवादी कारवायांमध्ये सामील होण्यासाठी दबाव टाकू लागले. मात्र, ती कशीतरी त्यांच्या तावडीतून सुटून केरळमधील त्रिशूर रेल्वे स्थानकावर पोहोचली. तिथे स्थानिक पोलिसांच्या मदतीने अल्पवयीन मुलीने आपल्या आईशी संपर्क साधला.
पोलिसांच्या तपासात समोर आले आहे की, दरकशा बानो आणि मोहम्मद कैफ यांची एक संघटित टोळी आहे, जी दलित अल्पवयीन मुलींना फूस लावून दहशतवादी आणि राष्ट्रविरोधी कारवायांमध्ये ढकलण्याचे काम करते. या टोळीबद्दल अधिक माहिती गोळा करण्यासाठी पोलिसांची तीन पथके स्थापन करण्यात आली आहेत.”
अल्पवयीन मुलगी काय म्हणाली?
अल्पवयीन मुलीने एनडीटीव्हीला सांगितले की, या टोळीत अनेक महिला सदस्य आहेत. तिच्या शेजारी राहणारी एक महिला तिची मैत्रीण होती. तिनेच तिला फिरण्याच्या बहाण्याने केरळला पाठवले. तिथे नेऊन त्यांनी तिला जिहादचे प्रशिक्षण देणे सुरू केले. ती कशीतरी तिथून पळून गेली आणि कुटुंबाला फोन केला.
या प्रकरणाच्या गौप्यस्फोटानंतर संपूर्ण उत्तर प्रदेशात खळबळ उडाली आहे. पोलीस आता प्रयागराजपासून केरळपर्यंत या प्रकरणाचा तपास सुरु केलाय. पोलीस दहशतवाद्यांशी संबंधित प्रत्येक व्यक्तीचा शोध घेत आहेत. या प्रकरणात आम्हाला अजूनही अज्ञात व्यक्तीकडून धमकीचे फोन येत आहेत, अशी माहिती पीडित कुटुंबीयांनी दिली.
Track Latest News Live on Marathi.NDTV.com and get news updates from India and around the world
