पुणे: माझ्या लग्नाला का आला नाही? म्हणत पिस्तूल दाखवत 6 ते सात जणांकडून कुटुंबाला मारहाण केल्याची धक्कादायक घटना पुण्यामध्ये घडली आहे. पुण्याच्या सासवड पोलीस स्टेशनमध्ये यासंबंधी गुन्हा नोंद झाला असून याप्रकरणी पाच जणांना अटक करण्यात आली आहे. फिर्यादी केतकी धनंजय झेंडे यांनी दिलेल्या तक्रारीनंतर ही कारवाई करण्यात आली आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
फिर्यादीने दिलेल्या तक्रारीनुसार, 24 मे रोजी महाराजा लॉन्स सासवड हडपसर येथे फिर्यादीच्या चुलत भावाचा साखरपुडा होता. या कार्यक्रमाला नवरदेवाला जाण्यासाठी फिर्यादीची मर्सीडीज गाडी नियोजित करण्यात आली होती. फिर्यादीसह भाऊ सुनील कोलते, धर्मराज कोलते, मलिनी कोलते, सारीका यादव, निलेश यादवसह पती योगेश यादव असे सर्व नातेवाईक हजर होते.
हा कार्यक्रम सुरु असतानाच याठिकाणी चुलत भाऊ संकेत यादव विनय यादव, दिलिप यादव सुनिता यादव शुभांगी दौंडकर अक्षता यादव भुजंग यादव महेश यादव यांच्यासह इतर आरोपी पोहोचले. यापैकी एकाने फिर्यादीकडे 7/05/2025 रोजी माझ्या लग्नाला आला नाहीत मग आज या साखरपुड्याला कसे आलात? असे म्हणत अंगावर धावून आले. यापैकी अक्षता यादव, सुनिता यादव, शुभागी दौंडकर यांनी दोन्ही भावांना बेदम मारहाण केली.
तसेच दिलिप व विनय यादव यांनी कंबरेचा पिस्टल काढुन जिवे मारण्याची धमकी दिली. या झटापटीत एक सोन्याचा हार गहाळ झाल्याचेही फिर्यादीने म्हटले आहे. याप्रकरणी दिलिप सोपान यादव, विनय यादव, भुजंग यादव, महेश यादव, संकेत यादव, रितेश यादव, एकनाथ खैगरे, नामदेव दत्ता खेंगरे, अक्षता यादव, सुनिता यादव, शुभांगी दौंडकर सर्वजण राहणार सासवड यांच्याविरोधात गुन्हा दाखल करण्यात आला आहे. पोलिसांनी पाच जणांना अटक केल्याचेही सांगण्यात येत आहे.
