सौरभ वाघमारे, प्रतिनिधी
Dr. Shirish Valsangkar Death Case : सोलापूरचे प्रसिद्ध न्यूरोलॉजिस्ट डॉ. शिरीष वळसंगकर यांनी काही दिवसांपूर्वी आत्महत्या केली होती. सोलापूर शहरच नाही तर परिसरात डॉ. वळंसगकर प्रसिद्ध होते. त्यांच्यासारख्या निष्णात न्यूरोसर्जननं हा टोकाचा निर्णय घेतल्यानं सर्वांनाच धक्का बसला. या आत्महत्या प्रकरणात सोलापूर पोलिसांनी 720 पानांचे आरोपपत्र सोलापूर कोर्टात सादर केले आहे
काय आहे आरोपपत्र?
डॉ. वळसंगकर यांच्या एस पी इन्स्टिट्यूट ऑफ न्यूरोसायन्सेसच्या प्रशासकीय अधिकारी असलेल्या मनिषा मुसळे यांनी आत्महत्येस प्रवृत्त केले,असं पोलिसांनी या आरोपपत्रात स्पष्ट केले आहे. 18 एप्रिल 2025 रोजी डॉ. वळसंगकर यांनी सोलापूरच्या मोदी परिसरातील त्यांच्या निवासस्थानी स्वतःच्या परवानाधारक रिव्हॉल्व्हरने डोक्यात गोळी झाडून आत्महत्या केली. त्यांच्या खिशात सापडलेल्या सुसाइड नोटमध्ये मुसळे यांच्यामुळे आर्थिक बाबींवरून तीव्र तणाव असल्याचा आरोप केला होता.
पोलिस तपासात एस पी इन्स्टिट्यूट ऑफ न्यूरोसायन्सेसमध्ये मोठ्या आर्थिक गैरव्यवहारांचा खुलासा झाला आहे. यामध्ये मुसळे यांची प्रशासकीय भूमिका महत्त्वाची होती. लाखो रुपयांचे संशयास्पद बँक व्यवहार माने यांच्याशी संबंधित खात्यांशी जोडले गेले, ज्यामुळे डॉ. वळसंगकर यांच्या तणावाला कारणीभूत ठरले. पोलिसांनी 42 साक्षीदारांचे जबाब नोंदवले, आणि आरोपपत्रात मुसळे यांनी केलेल्या आर्थिक गैरव्यवहारांचे आणि त्यांच्या अधिकार काढून घेतल्यानंतर डॉक्टर आणि रुग्णालयाची बदनामी करण्याच्या धमक्यांचे पुरावे समाविष्ट आहेत. कोर्टात आरोपपत्रावर सुनावणी सुरू झाली आहे.
( नक्की वाचा : Kolhapur News : महिन्याभरापूर्वीच लग्न, 'ती' चूक महागात आणि बाथरुममध्ये सापडले जोडप्याचे मृतदेह )
या प्रकरणात मनिषा माने यांना 20 एप्रिल 2025 रोजी अटक करण्यात आली होती, आणि सुरुवातीला 23 एप्रिल 2025 पर्यंत पोलिस कोठडीत ठेवण्यात आले, त्यानंतर त्यांना मॅजिस्ट्रेट कोठडीत पाठवण्यात आले. 14 मे 2025 रोजी आणखी दोन दिवसांसाठी त्यांची कोठडी वाढवण्यात आली.
याबाबत सुत्रांनी दिलेल्या माहितीनुसार रुग्णालयातील 27 कर्मचाऱ्यांनी माने विरुद्ध तक्रारी दाखल केल्या, ज्यामुळे त्यांच्या आर्थिक गैरव्यवहारांच्या आरोपांना पुष्टी मिळते. प्रहार संघटनेने या प्रकरणात सीआयडी चौकशीची मागणी केली आहे, ज्यामुळे आणखी गुंतागुंत असू शकते.
Track Latest News Live on Marathi.NDTV.com and get news updates from India and around the world
