Beed Crime : बीडमधून पुन्हा एकदा थरकाप उडवणारी घटना समोर आली आहे. बीडमधील मस्साजोगचे सरपंच संतोष देशमुख यांची हत्या प्रकरणानंतर राज्यभरातून संताप व्यक्त करण्यात आला होता. त्यानंतर बीडमधून वारंवार गुन्हेगारीच्या घटना समोर येत आहेत. त्यानंतर पुन्हा एकदा महाराष्ट्राला हादरवणारा प्रकार समोर आला आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
बीडच्या केज तालुक्यातील वरपगाव येथील एका विद्यालयासमोर हा धक्कादायक प्रकार घडला आहे. 'तुमची मुलगी मला द्या' म्हणत शिक्षकालाच एका गावगुंडाने जबर मारहाण केल्याची घटना घडली आहे. विशेष म्हणजे हा सर्व प्रकार बंदुकीच्या धाकावर करण्यात आला आहे.
नक्की वाचा - Trimbakeshwar News : त्र्यंबकेश्वरमध्ये भररस्त्यात साधुची हत्या, धक्कादायक CCTV समोर
यानंतर याच शिक्षकाच्या गाडीवर ट्रॅक्टर घालत मोठे नुकसान देखील केलं. बाजीराव डोईफोडे असं या शिक्षकाचे नाव असून आता या शिक्षकावर बीडच्या खाजगी रुग्णालयात उपचार सुरू आहेत. या प्रकरणात अद्याप पोलिसात गुन्हा दाखल झालेले नाही.
