IND Vs NZ Champions Trophy Final: दुबई आंतरराष्ट्रीय स्टेडियमवर झालेल्या भारताविरुद्धच्या सामन्यात न्यूझीलंड संघाने नाणेफेक जिंकली (IND vs NZ) आणि प्रथम फलंदाजी करण्याचा निर्णय घेतला. न्यूझीलंडकडून विल यंग आणि रचिन रवींद्रने डावाची जोरदार सुरुवात केली. मात्र किवींच्या या सलामी जोडीला मोठी धावसंख्या उभारता आली नाही. या सामन्यात सर्वांचे लक्ष लागलेल्या रचिन रविंद्रने अवघ्या 37 धावा केल्या मात्र तरीही त्याने एका मोठ्या रेकॉर्डला गवसणी घातली आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
भारताविरुद्धच्या चॅम्पियन्स ट्रॉफीच्या अंतिम सामन्यात, रचिन रवींद्र (Rachin Ravindra record in Champions Trophy 2025) ने एक खास कामगिरी केली आहे. रवींद्र चॅम्पियन्स ट्रॉफीच्या एका हंगामात न्यूझीलंडसाठी सर्वाधिक धावा करणारा किवी फलंदाज बनला आहे. या चॅम्पियन्स ट्रॉफीमध्ये रचिन रवींद्र 250 हून अधिक धावा करण्यात यशस्वी झाली आहे. यापूर्वी, न्यूझीलंडसाठी चॅम्पियन्स ट्रॉफीच्या एका हंगामात सर्वाधिक धावा करण्याचा विक्रम केन विल्यमसनच्या नावावर होता. 2017 च्या चॅम्पियन्स ट्रॉफीमध्ये विल्यमसनने 3 सामन्यात 244 धावा केल्या होत्या.
आता विल्यमसनचा विक्रम मोडून रचिन त्याच्या पुढे गेला आहे. रचिन रवींद्र ही चॅम्पियन्स ट्रॉफीच्या इतिहासात एका हंगामात 250 पेक्षा जास्त धावा करणारा न्यूझीलंडचा पहिला फलंदाज ठरला आहे. दरम्यान, चॅम्पियन्स ट्रॉफीच्या एका हंगामात सर्वाधिक धावा करण्याचा विक्रम ख्रिस गेलच्या नावावर आहे. 2006-०7 मध्ये गेलने 8 सामन्यात 474 धावा केल्या.
दरम्यान, सामन्याची संथ सुरुवात केल्यानंतर किवींच्या फलंदाजांन अचानक गियर बदलले आणि चौकार आणि षटकार मारण्यास सुरुवात केली आणि दोघांमध्ये अर्धशतकी भागीदारी झाली, परंतु त्यानंतर, वरुण चक्रवर्तीने न्यूझीलंडच्या फलंदाजीला रोखण्यासाठी विल यंगला एलबीडब्ल्यू केले.
त्यानंतर लगेचच, कुलदीप यादवने धोकादायक शैलीत फलंदाजी करणाऱ्या इन-फॉर्म फलंदाज रचिन रवींद्रला त्याच्या फिरकी गोलंदाजीने पायचीत केले आणि त्याला 37 धावांवर क्लीन बोल्ड केले आणि त्यानंतर, न्यूझीलंडच्या डावात 6 धावा जोडल्यानंतर कुलदीपने केन विल्यमसचा एक सोपा झेल घेत कुलदीप यादवने आणखी एक धक्का दिला.
Track Latest News Live on Marathi.NDTV.com and get news updates from India and around the world
