Actress Rashmika Mandhana Injured: अभिनेत्री रश्मिका मंदाना एका डान्स सीनचे शुटिंग करताना गंभीर जखमी झाल्याची माहिती समोर आली आहे. रश्मिकाची हिप टेंडन पूर्णपणे तुटली असून तिला सहा आठवड्यांची विश्रांतीचा सल्ला देण्यात आला आहे. रश्मिकाच्या आगामी 'रणबली' आणि 'मैसा' या चित्रपटांमधील आव्हानात्मक ॲक्शन आणि नृत्य दृश्यांच्या चित्रीकरणादरम्यान ही दुखापत झाली.
Amit Shah Pune Visit: अमित शाह पुण्यात येताच धडक कारवाई! पोलिसांनी रात्रीच उचललं; राजकारण तापलं
अभिनेत्री रश्मिका मंदाना जखमी
डॉक्टरांनी रश्मिकाच्या दुखापतीबद्दल चिंता व्यक्त केली आहे. त्यांच्या मते, अशी दुखापत सहसा अत्यंत कडक ट्रेनिंग घेणाऱ्या प्रोफेशनल्स किंवा खेळाडूंमध्ये पाहायला मिळते. या दुखापतीमुळे आता रश्मिकाचे शुटिंग लांबणीवर पडणार आहे. चित्रीकरण पुन्हा सुरू करण्यापूर्वी, डॉक्टरांनी अभिनेत्री रश्मिकाला रिहॅबिलिटेशन थेरपी घेण्याचाही सल्ला दिला आहे. या काळात विश्रांती आणि देखरेखीखालील उपचारांवर लक्ष केंद्रित केले जाईल.
अभिनेता विजय देवराकोंडाशी लग्न केल्यानंतर रश्मिकाने तिच्या नवीन चित्रपट 'मैसा'चे चित्रीकरण पुन्हा सुरू केले आहे. तिने अनफॉर्म्युला फिल्म्स निर्मित या ॲक्शन-थ्रिलर चित्रपटाच्या सेटवरील एक झलक शेअर केली आहे. रवींद्र पुल्ले दिग्दर्शित आणि अनफॉर्म्युला फिल्म्स निर्मित 'मैसा' हा चित्रपट गोंड जमातीच्या सांस्कृतिक पार्श्वभूमीवर आधारित एक भावनिक ॲक्शन थ्रिलर असल्याचे म्हटले जाते. या चित्रपटात रश्मिका एका गोंड स्त्रीची मुख्य भूमिका साकारत आहे, जी तिच्या पूर्वीच्या भूमिकांपेक्षा एक धाडसी आणि वेगळी भूमिका म्हणून सादर केली जात आहे.
प्रजासत्ताक दिनी, रश्मिका आणि तिचा अभिनेता-पती विजय देवराकोंडा यांच्या 'रणबाली' या चित्रपटाचे शीर्षक आणि जगभरातील प्रदर्शनाची तारीख जाहीर करण्यात आली. राहुल संकृतियन दिग्दर्शित या चित्रपटात विजय देवराकोंडा आणि रश्मिका मंदाना मुख्य भूमिकेत आहेत. ११ सप्टेंबर रोजी होणाऱ्या या चित्रपटाच्या प्रदर्शनाबद्दल प्रचंड उत्सुकता निर्माण झाली आहे. सेटवर झालेल्या दुखापतीबाबत रश्मिका आणि तिच्या टीमने अद्याप कोणतेही निवेदन जारी केलेले नाही.
Track Latest News Live on Marathi.NDTV.com and get news updates from India and around the world
