Yug Devgan Video: अजय देवगण आणि काजोल हे बॉलिवूडमधील एक लोकप्रिय जोडपे आहे, ज्यांनी चाहत्यांच्या मनात एक अढळ स्थान निर्माण केले आहे. सध्या त्यांची मुलंही प्रचंड चर्चेत आली आहेत. काजोल आणि अजय देवगण यांची मुलगी न्यासा आणि मुलगा युग देवगण यांचे व्हिडीओ-फोटो अनेकदा सोशल मीडियावर व्हायरल होत असतात. चाहतेही या दोघांच्या लहानपणापासून ते आतापर्यंतच्या ट्रान्सफॉर्मेशनचे (बदलाचे) कौतुक करताना दिसतात. पण नुकतंच 15 वर्षांच्या युग देवगणचा एक लेटेस्ट व्हिडीओ पाहून चाहते थक्क झाले आहेत, कारण या क्लिपमध्ये तो जिममध्ये 'डोले-शोले' कमावताना दिसत आहे. हा व्हिडीओ केवळ चाहत्यांनाच नाही, तर स्वतः आई काजोललाही खूप आवडला आहे.
युगचा ट्रान्सफॉर्मेशन व्हिडीओ सोशल मीडियावर व्हायरल
इन्स्टाग्रामवर अजय देवगणचा मुलगा युग देवगणचा हा व्हिडीओ 'रॉबिन बहल' नावाच्या इन्स्टाग्राम पेजवरून शेअर करण्यात आला आहे. यामध्ये युग देवगणने जेव्हा जिममध्ये जाण्यास सुरुवात केली होती, तेव्हापासून ते आता तो कसा दिसतो, याची झलक पाहायला मिळत आहे. या क्लिपमध्ये पाहू शकता की, युग देवगण अवघ्या 15 वर्षांच्या वयात पिळदार बॉडी कमावताना दिसत आहे. त्याच्या या जबरदस्त ट्रान्सफॉर्मेशनची झलक पाहून सेलिब्रिटी आणि चाहत्यांनाही त्यावर कमेंट्स करण्याचा मोह आवरलेला नाही.
(नक्की वाचा : मराठी बोलायला भूमी पेडणेकरला का वाटते भीती? इंटरनेटवरील 'त्या' प्रकारावर अभिनेत्रीने व्यक्त केली चिंता)
युग देवगणचा व्हिडीओ
आई काजोलनेही दिली प्रतिक्रिया
रॉबिन बहलने हा व्हिडीओ शेअर करताना कॅप्शनमध्ये लिहिले आहे,"या रूममध्ये सर्वात जास्त मेहनत करणारा मुलगा! युग देवगण. त्याची शिस्त पाहून मलाही प्रेरणा मिळते की, मी हा प्रवास आणखी चांगला करावा आणि त्याला त्याच्या सर्वोत्तम पातळीवर (बेस्ट लेव्हल) पोहोचवावे. ही तर फक्त सुरुवात आहे." या पोस्टवर काजोलने 'फायर' आणि 'आय स्टार'चे इमोजी शेअर करत प्रतिक्रिया दिली आहे. तर अभिनेता वत्सल शेठने पंच इमोजी शेअर केला आहे. याशिवाय चाहत्यांनीही हार्ट आणि फायर इमोजीच्या माध्यमातून भरभरून दाद दिली आहे.
अजय देवगणचा मुलगा युग देवगणने बॉलिवूडमध्ये पदार्पण (डेब्यू) केले आहे. पण त्याने अद्याप पडद्यावर आपला चेहरा दाखवलेला नाही. त्याने 'कराटे किड लेजेंड्स' (Karate Kid Legends) या सिनेमासाठी आपला आवाज दिला होता. यामध्ये अजय देवगणनेही आपल्या मुलाला साथ दिली होती.
