Hema Malini: सनी देओलने हेमा मालिनींवर हल्ला केला? नेमकं काय घडलं? धर्मेंद्र यांच्या पहिल्या पत्नी म्हणाल्या..

Hema Malini: बॉलिवूडचे दिग्गज अभिनेते धर्मेंद्र यांनी वयाच्या 89व्या वर्षी जगाचा निरोप घेतला. मनमिळाऊ स्वभावासाठी धर्मेंद्र ओळखले जायचे. दुसरीकडे केवळ मोठ्या पडद्यावरच नव्हे तर खऱ्या आयुष्यातही हेमा मालिनी आणि धर्मेंद्र यांची जोडी लोकप्रिय होती. धर्मेंद्र यांची पहिली पत्नी प्रकाश कौर यांच्याबाबत फार क्वचितच बोलले जाते. प्रकाश कौर त्यांच्या 70 वर्षांच्या वैवाहिक जीवनात धर्मेंद्र यांच्याशी पूर्णपणे एकनिष्ठ होत्या. वर्ष 1954 मध्ये धर्मेंद्र यांचं वयाच्या 19व्या वर्षी पहिलं लग्न झालं. यादरम्यान सिनेमामध्ये नाव कमावण्यासाठी ते संघर्षही करत होते. सिनेमांमध्ये काम करता-करता ते हेमा मालिनींच्या प्रेमात पडले आणि विशेष म्हणजे पहिल्या पत्नीला घटस्फोट न देता त्यांनी अभिनेत्रीशी लग्न केलं.  

धर्मेंद्र यांच्या दुसऱ्या लग्नाला सनी देओलचा होता विरोध?

धर्मेंद्र आणि हेमा मालिनींचे लग्न झालं होतं त्यावेळेस सनी देओल 24 वर्षांचे होते. वडिलांच्या दुसऱ्या लग्नाच्या निर्णयामुळे ते नाराज होते, असं म्हटलं जातं. रिपोर्ट्सनुसार, वडिलांनी दुसरं लग्न केल्यानंतर सनीच्या मनात विश्वासघाताची भावना निर्माण झाली आणि रागाच्या भरात त्याने हेमा मालिनींवर हल्ला करण्याचा प्रयत्न केला होता.  

प्रकाश कौरने हल्ल्याबाबत काय म्हटलं होतं?

प्रकाश कौर यांनी स्टारडस्टला दिलेल्या मुलाखतीत या घटनेवर प्रतिक्रिया दिली होती. त्यावेळेस प्रकाश कौर यांनी हल्ल्याच्या अफवा फेटाळून लावल्या. मुलाखतीत प्रकाश कौर यांनी म्हटलं होतं की, प्रत्येक मुलाची इच्छा असते की वडिलांनी त्याच्या आईवर इतर कोणत्याही गोष्टीपेक्षा जास्त प्रेम करावे. पण याचा अर्थ असा नाही की जर दुसरी बाईही त्याच्या वडिलांवर प्रेम करत असेल तर तो हल्ला करेल. मी जास्त शिकलेली नाही, पण मी जगातील सर्वात सुंदर महिला आहे, असे माझ्या मुलांना वाटते. मी माझ्या मुलांवर चांगले संस्कार केले आहेत, मला खात्री आहे की कोणालाही त्रास होईल असं ते वागणार नाहीत." 

(नक्की वाचा: Hema Malini Video: ती इच्छा अपूर्णच... धर्मेंद्र यांची दुसरी पत्नी असण्याचे दुःख जेव्हा हेमा मालिनींनी केलं व्यक्त)

"धर्मेंद्र यांच्यावर भलतेसलते आरोप करण्याचीही आवश्यकता नाही, कारण त्यांनी त्यांच्या दोन्ही पत्नींची पूर्णपणे जबाबदारी घेतलीय", असेही प्रकाश कौर यांनी स्पष्ट केलं होतं. इंडस्ट्रीतील अर्ध्यां लोकांचे विवाहबाह्य संबंध आहेत तर काहींचं लग्न होतंय, तर मग लोक केवळ धर्मेंद्र यांनाच दोष का देत आहेत, असाही प्रश्न प्रकाश कौर यांनी उपस्थित केला होता. इतकंच नव्हे तर हेमा मालिनींवर कोणताही पुरुष भाळेल, असंही त्यांनी म्हटलं.  

(नक्की वाचा: Dharmendra News: धर्मेंद्र यांचं दुसरं कुटुंब पूर्णपणे कोलमडलंय, त्या रडत होत्या... चाहतीने सांगितली हेमा मालिनींची परिस्थिती)

प्रकाश कौर यांनी असंही म्हटलं की, धर्मेंद्र एक प्रेमळ वडील आणि देखभाल करणारे पती देखील आहेत, ज्यांचे त्यांच्या कुटुंबावर खूप प्रेम आहे. या खास मुलाखतीत प्रकाश कौर यांनी असेही सांगितले की, सर्वात सुंदर महिलेशी लग्न करूनही ते रोज घरी येतात, हीच गोष्ट त्यांच्यासाठी महत्त्वाची आहे.