Smriti Mandhana Proposal Video: भारतीय क्रिकेटर स्मृती मानधना आणि बॉलिवूड संगीतकार पलाश मुच्छाल लवकरच विवाह बंधनात अडकणार आहेत. लग्न सोहळ्यापूर्वी पलाश मुच्छलने सोशल मीडियावर खास व्हिडीओ शेअर केलाय. पलाशने स्मृतीला कशा पद्धतीने प्रपोज केले, याचा भावनिक आणि रोमँटिक व्हिडीओ व्हायर होतोय.
लाल गुलाब, डायमंड रिंग आणि क्रिकेटचं मैदान
पलाशने स्मृतीचे डोळे बंद करून तिला क्रिकेटच्या मैदानात आणले. यानंतर तिला लाल गुलाबांचा भलामोठा गुच्छ दिला आणि गुडघ्यावर बसून प्रपोज केलं. ज्या ठिकाणी वर्ल्ड कप जिंकला होता, त्याच डीवाय पाटील स्टेडिअममध्ये पलाशने स्मृतीला प्रपोज केले. या दोघांच्या इमोशनल व्हिडीओवर चाहत्यांकडून प्रेमाचा वर्षाव केलाय. रिपोर्ट्सनुसार, स्मृती मानधना आणि पलाश यांचा 23 नोव्हेंबर रोजी लग्नसोहळा पार पडणार आहे.
सेलिब्रिटींसह चाहत्यांनीही केला शुभेच्छा वर्षाव
व्हिडीओमध्ये स्मृतीने पलाशला आणि पलाशने स्मृतीला अंगठी घातल्याचे दिसतंय. व्हिडीओ शेअर करून पलाश मुच्छलने कॅप्शनमध्ये लिहिलंय की, तिने हो म्हटलं, यासह त्याने हार्ट इमोजी आणि रिंगचे इमोटिकॉनही शेअर केलंय. कमेंट बॉक्समध्ये चाहत्यांसह सेलिब्रिटी देखील हार्ट इमोजी शेअर करत दोघांचं अभिनंदन करत आहेत.
(नक्की वाचा: Smriti Mandhana: स्मृती मानधनाच्या होणाऱ्या नवऱ्याला या गाण्यामुळे मिळाली प्रसिद्धी, इतक्या कोटी संपत्तीचा आहे मालक)
स्मृतीनेही शेअर केला होता खास व्हिडीओ
स्मृतीनेही 20 नोव्हेंबर रोजी खास व्हिडीओ शेअर केला होता. स्मृती आणि भारतीय क्रिकेट टीममधील तिच्या सहकाऱ्यांनी मुन्नाभाई MBBS या सिनेमातील गाजलेल्या गाण्यावर रील शूट केलंय. या व्हिडीओच्या माध्यमातून स्मृतीने तिची एंगेजमेंट रिंग दाखवली होती. व्हिडीओमध्ये जेमिमा रोड्रिग्ज गंमतीशीर पद्धतीमध्ये तिला विचारतेय की, "ए भाई... हुआ क्या?" यानंतर "समझो हो हो गया…" हे गाणं सुरू होतंय आणि सर्वजणी धमाल डान्स करतायेत. स्मृती मानधनाचा हा व्हिडीओ तुफान व्हायरल होतोय.
(नक्की वाचा: Smriti Mandhana Dance Video Viral: 'मुन्ना भाई MBBS' अंदाजात स्मृती मानधनाने लग्नाची केली घोषणा, समझो हो ही गया…)
पलाश आणि स्मृती रिलेशनशिपमध्ये कधीपासून आहेत?स्मृती मानधना आणि पलाश मुच्छल 2019 पासून रिलेशनशिपमध्ये आहेत. कित्येक कार्यक्रमांमध्ये दोघांना एकत्र पाहिलं गेलंय. काही वेळानंतर दोघांनीही इन्स्टाग्रामवर त्यांच्या रिलेशनशिपबाबतची अधिकृतरित्या घोषणा केली होती. यानंतर दोघांनी त्यांचे वाढदिवस साजरे करून खास फोटो देखील सोशल मीडियावर शेअर केले होते.
Track Latest News Live on Marathi.NDTV.com and get news updates from India and around the world
