हिमाचल प्रदेशमधील भाजप खासदार आणि अभिनेत्री कंगना रणौत हिने सध्या सोशल मीडियावर व्हायरल होत असलेल्या एका व्हिडिओवर तीव्र प्रतिक्रिया दिली आहे. या व्हिडिओमध्ये एक विदेशी पर्यटक हिमाचलमधील एका सुंदर पर्यटनस्थळावर लोकांनी टाकलेला कचरा गोळा करताना दिसत आहे. या घटनेला कंगनाने "लाजिरवाणा" प्रकार म्हटले आहे, ज्यामुळे सोशल मीडियावर जोरदार चर्चा सुरू झाली आहे.
कंगनाने आपल्या इंस्टाग्राम स्टोरीवर हा व्हिडिओ शेअर केला आहे. व्हिडिओमध्ये दिसणारा परदेशी माणूस कचरा गोळा करून तो कचराकुंडीत टाकत आहे. त्यानंतर कॅमेऱ्याकडे पाहून तो म्हणतो, "कदाचित माझ्याकडे मोकळा वेळ असेल, तर मी इथे बसून लोकांना सांगेन की, 'हा कचरा उचला.' मला लोकांना सांगायला काहीच अडचण नाही."
(नक्की वाचा- Shah Rukh Khan National Award: दिग्दर्शकाने लिहिले शाहरूख खानसाठी 'प्रेम'पत्र)
पाहा VIDEO
Shameful a foreign tourist is more concerned about nature's beauty while local tourists keep shamelessly littering such stunning places. No govt or administration is to be blamed — it's the people who need to change if we ever want a clean country. Video from Kangra, Himachal. pic.twitter.com/AbZfcG28G8
— Nikhil saini (@iNikhilsaini) July 24, 2025
मंडी मतदारसंघाची खासदार असल्याने, आपल्या राज्यातील स्वच्छतेच्या या स्थितीवर तिने नाराजी व्यक्त केली आहे. देशातील काही नागरिकांमध्ये सिविक सेन्स कमी असल्याबद्दल तिने अनेकदा चिंता व्यक्त केली आहे. काही दिवसांपूर्वी कंगनाने प्लास्टिक कचऱ्यामुळे हिमाचल प्रदेशातील नद्यांचे होत असलेले प्रदूषण आणि पर्यटकांच्या निष्काळजीपणामुळे राज्याच्या नैसर्गिक सौंदर्याला पोहोचत असलेल्या नुकसानावरही भाष्य केले होते. तिच्या मते, अनेक लोक आपल्या मुलांना गाडीतून कचरा बाहेर फेकतात. यामुळेच स्वच्छता आणि नैसर्गिक सौंदर्य धोक्यात येत आहे, असे तिचे म्हणणे आहे.
या घटनेमुळे पुन्हा एकदा पर्यटनस्थळांवरील स्वच्छतेचा मुद्दा चर्चेत आला आहे. विदेशी पर्यटक आपल्या देशातील स्वच्छतेबद्दल जागरूक असताना, स्थानिक लोकांमध्येच ही जाणीव कमी का आहे, असा प्रश्न अनेकांनी उपस्थित केला आहे.
Track Latest News Live on Marathi.NDTV.com and get news updates from India and around the world
