Dharmendra Death : ज्येष्ठ अभिनेते धर्मेंद्र यांचे वयाच्या 89 व्या वर्षी निधन झाले आहे. त्यांनी सोमवारी राहत्या घरी अखेरचा श्वास घेतला. मुंबईतील विलेपार्ले येथील स्मशानभूमीत त्यांच्यावर अंत्यसंस्कार करण्यात आले, जिथे अनेक चित्रपट कलाकारांनी त्यांना श्रद्धांजली वाहिली.
या दरम्यान, धर्मेंद्र यांचा नातू करण देओल यांचा एक Video समोर आला आहे, ज्यामध्ये ते खूप दुःखात असल्याचे दिसत आहेत. स्मशानभूमीतून बाहेर पडत असतानाचा करण देओल यांचा हा Video सध्या Social Media वर मोठ्या प्रमाणावर Viral होत आहे. अनेक Social Media वापरकर्ते या Video वर कमेंट करून त्याला आधार देत आहेत.
धर्मेंद्र यांना 31 ऑक्टोबर रोजी मुंबईतील ब्रीच कँडी रुग्णालयात दाखल करण्यात आले होते. मात्र, 12 नोव्हेंबरच्या सकाळी सुमारे 7:30 वाजता त्यांना डिस्चार्ज देण्यात आला आणि त्यानंतर त्यांचे उपचार घरीच सुरू होते. 8 डिसेंबर 1935 रोजी पंजाबमधील साहनेवाल गावात त्यांचा जन्म झाला होता. त्यांच्या 65 वर्षांच्या प्रदीर्घ कारकिर्दीत त्यांनी 300 हून अधिक चित्रपटांमध्ये काम केले असून हिंदी चित्रपटसृष्टीत सर्वाधिक हिट चित्रपट देण्याचा विक्रम त्यांच्या नावावर आहे.
( नक्की वाचा : Dharmendra Death : धर्मेंद्र यांनी खरंच स्वीकारला होता इस्लाम धर्म? जाणून घ्या 'त्या' वादग्रस्त चर्चेचं सत्य )
1960 मध्ये 'दिल भी तेरा हम भी तेरे' या चित्रपटाद्वारे त्यांनी चित्रपटसृष्टीत पदार्पण केले. याच दशकात 'आई मिलन की बेला', 'फूल और पत्थर' आणि 'आए दिन बहार के' या चित्रपटांमुळे त्यांना मोठी लोकप्रियता मिळाली.
त्यांना 'He-Man' (ही-मॅन) हा किताब मिळाला होता, जो आजही कायम आहे. 'शोले'पासून 'यमला पगला दीवाना'पर्यंत त्यांचे चित्रपट चाहत्यांच्या आवडीचे राहिले आहेत. 'शोले', 'धर्मवीर', 'चुपके चुपके', 'मेरा गांव मेरा देश' आणि 'ड्रीम गर्ल' यांसारखे अनेक अविस्मरणीय चित्रपट त्यांनी दिले आहेत. अलीकडेच, ते शाहिद कपूर आणि कृति सेनन यांच्या 'तेरी बातों में ऐसा उलझा जिया' या चित्रपटात दिसले होते. आता लवकरच ते अगस्त्य नंदा यांच्या ‘इक्कीस' (Ikkiis) या चित्रपटात दिसणार होते, जो 25 डिसेंबर रोजी प्रदर्शित होणार आहे. या चित्रपटाचा Trailer देखील प्रदर्शित झाला आहे, ज्यात त्यांचा शानदार अभिनय पाहायला मिळाला आहे.
धर्मेंद्र यांच्या निवासस्थानाबाहेर Ambulance दिसल्यानंतर विलेपार्ले स्मशानभूमीतील जे Video's Social Media वर आले, त्यात आमिर खान, अमिताभ बच्चन, हेमा मालिनी, ईशा देओल आणि संपूर्ण देओल कुटुंब (Deol Family) त्यांना श्रद्धांजली वाहण्यासाठी पोहोचले होते.
इथे पाहा संपूर्ण VIDEO
Track Latest News Live on Marathi.NDTV.com and get news updates from India and around the world
