Sachin Pilgaonkar viral video : ज्येष्ठ अभिनेते सचिन पिळगावकर यांचे अनेक व्हिडिओ सोशल मीडियावर व्हायरल होत असतात. महागुरुंचा आणखी एक व्हिडिओ सोशलवर व्हायरल होत आहे. यामध्ये सचिन पिळगावकरांचे आंघोळीदरम्यानचं तत्वज्ञानचं सांगितलं आहे.
हा व्हिडिओ नेमका कुठला आहे, हे कळू शकलेलं नाही. मात्र या मुलाखतीत सचिन पिळगावकर आंघोळीदरम्यान एक अनुभव सांगताना दिसत आहे. ते म्हणतात, मी थंड पाण्याने आंघोळ करणारा माणूस आहे. त्यासाठी नळ सुरू करावा लागतो. मी बादली भरायला लावली. बादली भरताना वाटत पाहावी लागते. मी नळ बंद करण्याचा प्रयत्न करत होतो. पण नळ बंदच होत नव्हता. मी पॅनिक झालो. मग माझ्या लक्षात आलं की मी उलट्या दिशेने नळ बंद करतोय... नळ बंद होऊ शकणार नाही.. ते मला सुटल्या दिशेने बंद करायला हवा. 'धनंजय माने इथेच राहतात का?' या फेसबुक अकाऊंटवरुन हा व्हिडिओ शेअर करण्यात आला आहे.
कमेंटचा पाऊस...
सध्या त्यांनी सांगितलेला हा किस्सा चांगलाच व्हायरल झाला आहे. त्यावर चर्चाही सोशल मीडियावर सुरू झाली आहे. प्रतिक्रियांचा तर पाऊस पडत आहे. बऱ्याच जणांनी सचिन यांची फिरकी घेतली आहे. एकाने म्हटलं आहे, बादली भरत असताना वाट पहावी लागते आणि नळ बंद होत नसल्यास कृपया पॅनिक होऊ नये. तेव्हा नळ कसा बंद करायचा हा मुद्दा आहे. तर दुसऱ्याने म्हटलं, महागुरू सध्याच्या पावसाळ्याची चावी सुद्धा कदाचित तुम्ही उलट्या दिशेने फिरवत आहात म्हणून नोव्हेंबर महिना लागला तरी पाऊस जात नाही.
Track Latest News Live on Marathi.NDTV.com and get news updates from India and around the world
