Vindu Dara Singh Farah Naaz Marriage: विंदू दारा सिंग आणि फराह नाझ हे बॉलिवूडमधील एकेकाळी सर्वाधिक चर्चेत असणारे कपल होते. या दोघांचे आंतरधर्मीय लग्न (इंटरफेथ मॅरेज) आणि त्यानंतर काही वर्षांतच झालेला घटस्फोट, हे सर्व काही इतक्या वेगाने घडले की कोणालाही याचा अंदाज आला नव्हता. दरम्यान विंदूने नुकतेच एक खुलासा केला आहे की वडील दारा सिंग यांनी मुस्लीम धर्मीय फराह नाझशी लग्न करण्यापूर्वी त्याला समजावले होते. विंदूने 'न्यूज 18' ला दिलेल्या मुलाखतीत सांगितले की, वडील 'हिंदू मुस्लीम सिख इसाई, आपस में सब भाई-भाई' या विचारसरणीचे होते पण दुसऱ्या धर्मात लग्न करण्याबाबत त्यांचे विचार थोडे वेगळे होते.
विंदूने सांगितले, "जेव्हा मी लग्न करत होतो, तेव्हा त्यांनी मला समजावले होते की हे खूप कठीण असेल. पण मी ऐकले नाही. त्यांनी म्हटले होते की नीट विचार कर, नाहीतर शेवटी गडबड होते. मला माझ्या लग्नाचा कोणताही पश्चात्ताप नाही कारण माझ्याकडे फतेह (विंदू दारा सिंग यांचा मुलगा) आहे, ज्याच्यावर मी माझ्या जीवापेक्षा जास्त प्रेम करतो. पण वडिलांचे म्हणणे योग्य होते. आयुष्यात नेहमी एक गोष्ट लक्षात ठेवा, जेव्हा आपले आई-वडील आपल्याला काही समजावून सांगतात, तेव्हा आपल्याला वाटते की त्यांना काहीच समजत नाही, पण त्यांचा अनुभव आपल्यापेक्षा जास्त असतो आणि त्यांनी आपल्यापेक्षा जास्त गोष्टी पाहिलेल्या असतात."
विंदू आणि फराहची लव्हस्टोरी | Vindu Dara Singh Farah Naaz Lovestory
विंदू दारा सिंग आणि फराह नाझ यांची प्रेमकहाणीही एखाद्या फिल्मी कथेपेक्षा कमी नाही. त्यांची पहिली भेट फराहच्या लहान बहिणीमुळे झाली होती. फराहने एका जुन्या मुलाखतीत सांगितले होते की, ही गोष्ट तेव्हा सुरू झाली जेव्हा तब्बूने फराह नाझकडे सिनेमा दाखवायला नेण्याचा हट्ट धरला. आधी तर फराहने नकार दिला, पण शेवटी ती 'कयामत से कयामत तक' सिनेमा पाहण्यास तयार झाली. पण त्यांना शोचे तिकीट न मिळाल्यामुळे त्यांचा बेत फसला. आता फराह तिथून निघण्याच्या तयारीत असतानाच तिने पाहिले की तब्बू कोणाशी तरी 'हाय विंदू, हाय' म्हणून बोलत आहे.
(नक्की वाचा: भाड्याची खोली ते स्वतःचं आलिशान घर! बिग बॉस फेम अनुश्री मानेची स्वप्नपूर्ती, वास्तुशांतीचा Photo Viral तब्बूमुळे झाली होती पहिली भेट फराहला माहिती नव्हते की विंदू कोण आहे आणि ती थोडी गोंधळली होती. तब्बूने लगेचच त्या दोघांची ओळख करून दिली, "फराह, हे विंदू आहेत. हे माझे क्लासमेट आहेत आणि तुमचे खूप मोठे फॅन आहेत." जेव्हा विंदूला समजले की त्यांना सिनेमाचे तिकीट मिळालेले नाही, तेव्हा त्याने लगेचच त्यांच्यासाठी तिकिटांची व्यवस्था केली. अशी होती विंदू आणि फराहची पहिली भेट. (नक्की वाचा: Sensorineural Hearing Loss Symptoms: Alka Yagnik यांना 'या' गंभीर आजारानं ग्रासलं, जाणून घ्या लक्षणे आणि उपाय) फराह आणि विंदूची दुसरी भेट एका महिन्यानंतर सिनेमाच्या सेटवर झाली होती. विंदू आपल्या काही मित्रांसह सेटवर पोहोचला होता. या दरम्यान त्यांच्यात आधी काही बोलणे झाले नव्हते, तरीही विंदू थेट तिच्याकडे गेला आणि म्हणाला, "आपण लग्न कधी करतोय?" फराहने सांगितले की विंदू हा तब्बूचा 'मेसेंजर' म्हणून वापर करायचा आणि तिला सांगायचा की 'माझे तुझ्या बहिणीवर प्रेम आहे'. शेवटी तब्बूच होती जिने फराह आणि विंदूची प्रेमकहाणी लग्नापर्यंत पोहोचवण्याचे काम केले होते.
