Hema Malini Video: हिंदी सिनेसृष्टीच्या 'ड्रीम गर्ल' हेमा मालिनी अभिनेत्रीव्यतिरिक्त शास्त्रीय नृत्यांगना देखील आहेत. लहानपणापासून त्यांनी भरतनाट्यमसह कित्येक शास्त्रीय नृत्य शिकण्यास सुरुवात केली. वयाच्या 76व्या वर्षीही हेमा मालिनी आपल्या नृत्यकलेने प्रेक्षकांचे मन जिंकतात. सोशल मीडियावर हेमा मालिनी यांचा सहा दशकांपूर्वीचा व्हिडीओ व्हायरल होतोय, ज्यामध्ये त्यांचे सुंदर नृत्यकौशल्य पाहायला मिळतंय. 1986व्या वर्षी हेमा मालिनींनी हे सादरीकरण केले होते, ज्यावेळेस त्या केवळ 20 वर्षांच्या होत्या.
'ड्रीम गर्ल'चा सुंदर नृत्य सादरीकरण | Hema Malini Viral Video
व्हिडीओमध्ये हेमा मालिनी पारंपरिक पोशाख परिधान करून भरतनाट्यम नृत्याचे सादरीकरण करत असल्याचं दिसतंय. अभिनेत्रीने गुलाबी रंगाची साडी नेसलीय. पारंपरिक दागिन्यांसह केसांमध्ये गजराही माळला होता. हेमा मालिनी भरतनाट्यम सादरीकरणामध्ये पूर्णपणे हरवून गेल्याचे दिसतंय. चाहत्यांनी कमेंट्स बॉक्समध्ये हेमा मालिनींच्या नृत्य कौशल्यावर कौतुकाचा वर्षाव केलाय. हेमा मालिनी इतक्या सुंदर दिसत आहेत, कोणीही त्यांच्यावर फिदा होईल.
(नक्की वाचा: Hema Malini: सनी देओलने हेमा मालिनींवर हल्ला केला? नेमकं काय घडलं? धर्मेंद्र यांच्या पहिल्या पत्नी म्हणाल्या...)
(नक्की वाचा: Hema Malini Video: ती इच्छा अपूर्णच... धर्मेंद्र यांची दुसरी पत्नी असण्याचे दुःख जेव्हा हेमा मालिनींनी केलं व्यक्त)
नेटकऱ्यांकडून कौतुकाचा वर्षाव
हेमा मालिनी यांचा भरतनाट्यम नृत्य सादरीकरणाचा व्हिडीओ पाहून एका युजरनं लिहिलंय की, हे मला रवी वर्मा यांच्या एखाद्या चित्राप्रमाणे दिसतंय. दुसऱ्या युजरने कमेंट केलीय की, "खूपच सुंदर, मी भरतनाट्यम शिकलेले कित्येक बॉलिवूड स्टार पाहिले आहेत, पण तुमच्यासारखे उत्कृष्ट नृत्य सादरीकरण कोणाचेही पाहिलेले नाही". आणखी एकाने लिहिलंय की, त्या एखाद्या अप्सरेप्रमाणे सुंदर दिसत आहेत. हेमा मालिनींमध्ये देवीचं रूप दिसत असल्याचीही कमेंट एका युजरने केलीय.
Track Latest News Live on Marathi.NDTV.com and get news updates from India and around the world