Delhi Exit Poll Results 2025: दिल्ली विधानसभेच्या 70 जागांवरील मतदान पूर्ण झालं आहे. या मतदानानंतर एक्झिट पोलचे निष्कर्ष जाहीर होण्यास सुरुवात झाली आहे. सहा एक्झिट पोलनं त्यांचे निष्कर्ष जाहीर केले आहेत. या पोलमध्ये भाजपाच्या विजयाचा अंदाज व्यक्त करण्यात आला आहे. या पोलनुसार दिल्लीत भाजपाला 35 ते 60 जागा मिळण्याची शक्यता आहे. तर सत्ताधारी आम आदमी पक्षाला 32-37 जागा मिळण्याचा अंदाज व्यक्त करण्यात आला आहे. 

तिरुमला तिरुपती देवस्थानम, तिरुपती मंदिराच्या संचालक संस्थेनं मोठा निर्णय घेतला आहे. या संस्थेनं 18 गैर हिंदू कर्मचाऱ्यांवर मोठी कारवाई केली आहे. संस्थेनं या सर्व कर्मचाऱ्यांना बदली किंवा स्वेच्छा निवृत्ती याबाबतचा पर्याय निवडण्याचे निर्देश दिले आहेत. 

एखादा पीए किंवा एखाद्या प्राध्यापकाकडून वरवरचे माहिती घेऊन राजकारणी किंवा अभिनेते बोलतात; अभिनेते राहुल सोलापूरकर यांच्या वक्तव्यावर कादंबरीकार विश्वास पाटील यांची प्रतिक्रिया

अभिनेते राहुल सोलापूरकर यांनी छत्रपती शिवाजी महाराजांनी आग्र्यावरून सुटका करून घेताना लाच दिली होती असं वादग्रस्त वक्तव्य केलं होतं आता त्यावर कादंबरीकार विश्वास पाटील यांनी प्रतिक्रिया दिली आहे.

 महाराष्ट्रमध्ये अभिनेते असो किंवा  राजकीय नेत्यांनी छत्रपती शिवाजी महाराज यांचा पुरेसा अभ्यास किंवा प्राथमिक अभ्यास न करता काही बोलतात आणि त्यांच्या बोलण्यामुळे समाजामध्ये द्वेष भावना निर्माण होते किंवा दुही माजायची शक्यता असते हे टाळणं आवश्यक असल्याचा मला वाटतं. छत्रपती शिवाजी महाराज यांनी आग्र्याहून सुटका करताना साम दाम दंड या सर्व नितीचा वापर  केला होता. या घटनेला 360 वर्षे पूर्ण झालेले आहेत शिवाजी महाराजांनी त्या काळात छत्रपती शिवाजी महाराज यांनी त्या छोट्याशा काळात जो पराक्रम घडवला तो महाराष्ट्राला त्याचे ताणेबाणे अजून ही  महाराष्ट्राला माहीत नाहीत कोणीतरी एखादा पीए किंवा एखाद्या प्राध्यापकाकडून वरवरचे माहिती घेऊन राजकारणी किंवा अभिनेते बोलतात हे त्यांनी असे बोलू नये शिवाजी महाराजांचा गांभीर्याने अभ्यास करायला पाहिजे असं मला वाटतं असे त्यांनी बोलताना प्रतिक्रिया दिली आहे.

नवी मुंबईतील बेलापूर सेक्टर 8 मध्ये भीषण अपघात घडला आहे. या घटनेत एक लहान मुलगा ट्रकच्या चाकाखाली आला आणि जागेवरच त्याचा मृत्यू झाला आहे. बेलापूर आर्टिस्ट व्हिलेज येथे नवी मुंबई महानगरपालिकेच्या रोड मेंटेनन्सच्या कामासाठी अवजड वाहन आणले होते. याच वाहनाच्या चाकाखाली सेक्टर 8B मध्ये असलेल्या लहान मुलाचा मृत्यू झाला. घटनेनंतर मृतदेह महापालिका वाशी रुग्णालयात पाठवण्यात आला आहे.  या दुर्घटनेमुळे परिसरातील नागरिकांमध्ये रोष निर्माण झाला आहे. रस्ता दुरुस्तीच्या कामादरम्यान सुरक्षा खबरदारीच्या अभावामुळे अशा घटना घडतात, असे स्थानिक नागरिक सांगत आहेत. 

या घटनेची तपासणी सुरू असून, यासंदर्भात पुढील कारवाईची माहिती अद्याप दिलेली नाही.

कात्रज घाटात रिक्षा आणि डंपरची धडक 

धडकेत दोन जणांचा जागीच मृत्यू 

१ जण गंभीर जखमी 

कात्रज घाटतील आताची घटना 

पोलीस घटनास्थळी दाखल झालेत पंचनामा केला जातोय

राहुल सोलापूरकर यांनी शिवाजी महाराजांच्या विरोधात वादग्रस्त वक्तव्य केलं होत. महाराजांच्या आग्रेच्या सुटकेवरून सोलापूरकर यांनी हे विधान केलं होत आणि त्यामुळे सर्वत्र एक संतप्त प्रतिक्रिया पाहायला मिळतीये. अनेक आंदोलन राहुल सोलापूरकर यांच्या विरोधात झाले आणि त्याच पार्श्वभूमीवर त्यांच्या पुण्यातील निवासस्थानी मोठा पोलीस बंदोबस्त तैनात करण्यात आला आहे.

राहुल सोलापूरकर यांनी शिवाजी महाराज पुतळ्याखाली नाक घासून माफी मागितली पाहिजे - शंभुराज देसाई

कुंभमेळ्यातील संगमावर पंतप्रधान नरेंद्र मोदींचं शाहीस्नान संपन्न...

मुख्यमंत्री माझी लाडकी बहीण' योजनेतील लाभार्थ्यांच्या पडताळणीसाठी जिल्हा परिषदेकडे चारचाकीवाल्या 'बहिणीं'ची यादी आली आहे. शासनाकडून आलेल्या यादीमध्ये पुणे जिल्ह्यातील 75 हजार 100 लाभार्थी महिलांच्या किंवा त्यांच्या कुटुंबीयांच्या नावे चारचाकी वाहन असल्याचे निष्पन्न झाले आहे. या यादीनुसार आता अंगणवाडी सेविका 'बहिणीं'च्या घरी जाऊन पडताळणी करणार आहेत. राज्य शासनाकडून प्रत्येक परिवहन जिल्हाधिकाऱ्यांना पाठविण्यात आली. या याद्यांनुसार प्रत्येक जिल्ह्यात बाल विकास प्रकल्प अधिकारी (सीडीपीओ), पर्यवेक्षिका आणि अंगणवाडी सेविका घरोघर जाऊन पडताळणी करणार आहेत. पुणे जिल्ह्यासाठीच्या दोन याद्या जिल्हा परिषदेच्या महिला व बालकल्याण विभागाकडे आल्या आहेत.  

अशी आहे स्थिती

२१ लाख ११ हजार ९९१ एकूण अर्ज

२० लाख ८९ हजार ९४६ लाभ मिळालेल्या बहिणी

७५ हजार १०० चारचाकी वाहने असलेल्या बहिणी

पंतप्रधान नरेंद्र मोदी कुंभमेळ्यात दाखल...

महाकुंभ स्नानासाठी पंतप्रधान नरेंद्र मोदी बोटीने रवाना

थोड्याच वेळात संगम घाटावर स्नान करतील

पंतप्रधान नरेंद्र मोदी प्रयागराजला पोहोचले, थोळ्याच वेळात महाकुंभमध्ये पोहोचणार

मुख्यमंत्री झाल्यानंतर देवेंद्र फडणवीस पहिल्यांदा बीड जिल्ह्याच्या दौऱ्यावर येत आहे. कृष्णा मराठवाडा सिंचन प्रकल्पांतर्गत शिंपोरा ते खुंटेफळ पाइपलाइन बोगदा कामाचा शुभारंभ फडणवीस यांच्या हस्ते होणार आहे. मात्र फडणवीसांचा हा दौरा राजकीय दृष्टया महत्वाचा समजला जात आहे. संतोष देशमुख हत्या प्रकरण, धंनजय मुंडेंच्या राजीनाम्याची मागणी आणि मुंडे विरुद्ध धस या वादाच्या पार्श्वभूमीवर देवेंद्र फडणवीस आज नेमकं काय बोलणार याकडे सर्वांचे लक्ष लागले आहे. या कार्यक्रमासाठी पंकजा मुंडे यादेखील उपस्थित राहणार आहे. सोबतच धनंजय मुंडे यांना देखील आपण आमंत्रण दिलं असल्याचं सुरेश धस म्हणाले आहे. त्यामुळे या कार्यक्रमाला धनंजय मुंडे उपस्थित राहणार का हे पाहणं देखील महत्त्वाचे असणार आहे...

पंढरपूर येथील चंद्रभागेच्या पाण्यात अक्षरशः आळ्या आणि किडे झाले आहेत. अशा अशुद्ध आणि घाण पाण्यात भाविकांना स्नान करण्याची वेळ आली आहे. चंद्रभागेच्या पाण्यात आळ्या झाल्याने चंद्रभागा स्वच्छतेचा प्रश्न ऐरणीवर आला आहे. यानिमित्ताने नामामी चंद्रभागा प्रकल्प देखील कागदावरच असलेला दिसून येतोय. माघी एकादशीचा सोहळा 8 फेब्रुवारी रोजी होत आहे. या माघी वारीच्या तोंडावर देखील  मैली झालेल्या चंद्रभागेत भाविकांना स्नान करावे लागत असल्याने वारकऱ्यातून नाराजी व्यक्त होत आहे. 

नवी मुंबई येथील एपीएमसी बाजारात हापूस आंब्याच्या हंगामाला सुरुवात झाली आहे. गेल्या तीन दिवसांत सुमारे 325 पेट्या बाजारात दाखल झाल्या आहेत, त्यातील 95 %आंबे देवगड भागातील आहेत. देवगड तालुक्यातील कुणकेश्वर, मिठमुंबरी आणि रत्नागिरीतील रेळे आणि पावस या भागातूनही आंब्याची आवक झाली आहे. 1 फेब्रुवारीला गणेश जयंतीच्या मुहूर्तावर 175 पेट्या दाखल झाल्या होत्या. सध्या देवगड हापूसच्या पेटीचा भाव 7 ते 12 हजार रुपये आणि रत्नागिरी हापूस 7 ते 10 हजार रुपयांपर्यंत विक्रीस उपलब्ध आहे. 

बदलत्या वातावरणामुळे आंब्याचा मोहोर काळा पडल्याने गेल्या वर्षीच्या तुलनेत आंब्याची आवक कमी राहणार असल्याचे एपीएमसी व्यापारी संजय पानसरे यांनी सांगितलं. त्यामुळे यंदा हापूस आंब्याची चव चाखताना सर्वसामान्यांच्या खिशावर अधिक भार पडणार आहे.

अमरावती विभागीय आयुक्त पदी श्वेता सिंघल यांची शासनाने नियुक्ती केली आहे, त्या 2009 च्या सिव्हिल सर्विस  बॅचमध्ये सतराव्या रँक धारक आहेत. या यापूर्वी श्वेता सिंघल यांनी राजभवनात सचिव  व सातारा जिल्हाधिकारी म्हणून काम पाहिले, यापूर्वीच्या विभागीय आयुक्त निधी पांडे या 26 डिसेंबर 2024 पासून  रजेवर आहेत तर आता श्वेता सिंघल ह्या अमरावती विभागाच्या विभागीय आयुक्त असतील. 

पुण्यातील बिबवेवाडी परिसरात गाड्यांची तोडफोड 

तीन आरोपींकडून बिबवेवाडी परिसरातील अनेक भागांमध्ये 50 हून अधिक गाड्यांची करण्यात आली तोडफोड 

अप्पर इंदिरानगर, दुर्गामाता गार्डन, अपर डेपो या परिसरात काल रात्री आरोपींकडून गाड्यांची तोडफोड 

याप्रकरणी तीन संशयित आरोपींना पुणे पोलिसांनी घेतल ताब्यात 

पुण्यातील बिबवेवाडी पोलीस स्टेशनमध्ये आरोपींविरोधात गुन्हा दाखल

12 वर्षीय मुलीला गुलियन बेरी सिंड्रोम (GBS) झाल्याचे निष्पन्न झाले आहे. तिच्या मागील महिनाभरापासून नागपूरच्या शासकीय वैद्यकीय महाविद्यालयात उपचार सुरू आहे. चंद्रपूर जिल्ह्यातील पोंभूर्णा तालुक्यातील चेक ठाणे वासना गावातील घटना. आजार शरीराच्या रोगप्रतिकारक शक्तीवर हल्ला करतो आणि उपचार खर्चिक असतात. विशेष म्हणजे, जिल्हाधिकारी व जिल्हा प्रशासनाला या प्रकाराची माहितीच नसल्याचे समोर आले असून, यंत्रणेकडून गोपनीयता पाळली जात आहे. राज्यभरात जीबीएसचे रुग्ण वाढत असून आतापर्यंत 169 मृत्यू झाल्याची नोंद आहे. तर चंद्रपुर जिल्ह्यातही जीबीएस चा शिरकाव झाल्याने आरोग्य विभागात एकच खळबळ उडाली आहे. 

मंत्री धनंजय मुंडेंच्या विरोधात औरंगाबाद खंडपीठात याचिका दाखल

राजाभाऊ श्रीराम फड यांनी दाखल केली याचिका

निवडणूक याचिकेच्या अनुषंगाने मुंबई उच्च न्यायालयाच्या औरंगाबाद खंडपीठाकडून मंत्री धनंजय मुंडे व इतर उमेदवारांना नोटीस बजावण्याचा आदेश 

मुंडेंनी शपथपत्रात अनेक बाबी दडवल्याचा याचिकेत आरोप

मुंडेंविरोधातील निवडणूक याचिकेवर 20 फेब्रुवारी रोजी पुढील सुनावणी

पंतप्रधान मोदी आज कुंभमेळ्यात, त्रिवेणी संगमावर स्नान करणार, दिल्ली विधानसभा मतदान मुहुर्त साधण्यावर विरोधकांची टीका

महाराष्ट्र केसरी कुस्ती स्पर्धेतील गादीवरील अंतिम कुस्तीत पैलवान पृथ्वीराज मोहोळ व शिवराज राक्षे यांची कुस्ती चितपट झालेली नाही. आक्षेप घेऊनही तो मान्य न करता राक्षेला पराभूत घोषित केले. मुळात व्हिडिओ रिप्ले दाखवूनच निर्णय अपेक्षित होता असे शिवराज राक्षे यांचे प्रशिक्षक रणवीर पोंगल यांनी सांगितले. आंतरराष्ट्रीय स्तरावरचा नियम सांगता, मग या कुस्तीचा व्हिडिओ आंतरराष्ट्रीय स्तरावर पाठवून त्यांच्याकडून शिवराज पराभूत झाल्याचे सिद्ध करा, एक कोटी रुपयांचे चॅलेज देतो असे पोंगल म्हणाले. शिवराज राक्षेनेही न्यायालयात जाणार असल्याचे सांगितले आहे.