गेल्या काही दिवसांपासून गुन्हेगारी वृत्तांमुळे बीड जिल्हा (Beed News) हादरलाय. बीडचा बिहार झालाय असे आरोप केले जात आहे. गेल्या काही दिवसात घडलेल्या घटनांनंतर बीडमधील गुणवत्ता झाकोळली गेली की काय, असा प्रश्न उपस्थित होत असताना बीडमधील सकारात्मकता कायम राखण्याचं काम केलंय अ‍ॅल्युमिनियम मॅन भरत गिते (India Aluminum Man Bharat Gite) यांनी. टॉरल इंडिया या जागतिक कंपनीचे एमडी भरत गिते यांनी दावोसमध्ये मुख्यमंत्री देवेंद्र फडणवीस यांच्यासोबत 500 कोटींच्या करारावर स्वाक्षरी केली आणि यातून 1200 रोजगारनिर्मिती करणार असल्याचा विश्वास दिला आहे. बीडमधील परळीतील नंदागावातील एका शेतकरी कुटुंबात जन्मलेल्या भरत यांच्या कंपनीचा 300 कोटींचा टर्नओव्हर आहे. यापूर्वी 2016 मध्येही मेक इन इंडियाच्या पहिल्या कार्यक्रमात त्यांंनी (Davos MOU) एमओयू केला होता. यावेळी 150 कोटींची गुंतवणूक आणि 200 रोजगार निर्मितीचं वचन दिलं होतं.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
सद्यपरिस्थितीत भरत गिते यांच्या कंपनीत 850जणं काम करतात. विशेष म्हणजे यातील 80 टक्के कर्मचारी ग्रामीण भागातील आहेत. अ‍ॅल्युमिनियन मॅन म्हणून ओळख असलेल्या भरत गिते यांनी गेल्या दहा वर्षात मोठा टप्पा गाठला आहे. विमान, जहाज बांधणी, आरोग्य, अंतराळ, संरक्षण क्षेत्र, वीज, रोबोटीक, मरिन या भागात त्यांची कंपनी अ‍ॅल्युमिनियमचे पार्ट तयार करतात. त्यांच्या ग्राहकांची यादीही मोठी आहे. आजच्या घडीला पुण्यातील चाकणमधील तयार झालेले विविध पार्ट स्वीडन, जर्मनी, बुल्गेरिया, अमेरिका, इंग्लड, चीन, साऊथ कोरिया, स्वित्झलँड, चेक रिपब्लिक, जपान या देशांमध्ये निर्यात केले जातात.
नक्की वाचा - Davos 2025: दावोसमध्ये MMRDA ची गरुडझेप, 40 अब्ज डॉलर्सचे केले करार, वाचा कसा होणार फायदा!
भरत गिते यांच्या टॉरल इंडिया कंपनीची (Toral India Company) जागतिक दर्जाची अत्याधुनिक अ‍ॅल्युमिनियम फाउंड्री आहे. या फाऊंड्रीमध्ये विविध क्षेत्रातील उद्योगांना अत्याधुनिक अ‍ॅल्युमिनियम कास्टिंग सोल्यूशन उपलब्ध करून दिलं जातं. टॉरल इंडियाकडे अ‍ॅल्युमिनियम सॅंड-कास्टिंग सोल्यूशन्समध्ये उत्पादन डिझाइनपासून ते गुणवत्तेची चाचणी, पेंटिंग, उत्पादन बांधणी, असेंब्ली आणि वितरणापर्यंत एकाच ठिकाणी सेवा पुरविल्या जातात.
अ‍ॅल्युमिनियमचं का?
भरत गिते यांनी उद्योग सुरू करण्यासाठी अ‍ॅल्युमिनियमची निवड का केली, याबद्दल ते सांगतात अ‍ॅल्युमिनियमला गंज लागत नाही. 50 वर्षात अ‍ॅल्युमिनियम पुनर्वापराचं मूल्य 70 ते 80 टक्क्यांपर्यंत आहे. वजनाला कमी आहे. त्यामुळे उचलायला सोपं जातं. गंज लागत नसल्यामुळे युरोपमध्ये संपूर्ण ट्रेन अ‍ॅल्युमिनियमची करण्याचा मानस आहे. चीनमध्ये 40 मिलियन टन निर्मिती केली जाते, तर भारतात 4 मिलियन टनची निर्मिती केली जाते. जी चीनच्या तुलनेत खूपच कमी आहे. भारतातात एक व्यक्ती तीन किलो अ‍ॅल्युमिनियम दरवर्षाला वापरते. तर चीनमध्ये एक व्यक्ती 30 किलो अ‍ॅल्युमिनियल एकावर्षाला वापरते. भारतात अ‍ॅल्युमिनियम वापराबद्दल अनेक गैरसमज आहेत. विशेष म्हणजे भारतात कच्चा माल जास्त आहे. ओडिसा-झारखंड या भागात बॉक्साइड आढळतं. त्यामुळे भारतात अ‍ॅल्युमिनियमचा वापर वाढवायला हवा.
नक्की वाचा - 8th Pay Commission : सरकारी नोकरीचे काय असतात फायदे? वेतन आयोगानं कसं बदलणार कर्मचाऱ्यांचं आयुष्य?
भरत गिते यांचं शिक्षण कुठे झालं?
भरत यांचं दहावीपर्यंतच शिक्षण परळीत तर लातूर दयानंद महाविद्यालयात अकरावी आणि बारावीचं शिक्षण झालं. त्यानंतरचं शिक्षण सीओईपीमध्ये (पुणे कॉलेज ऑफ इंजिनियरिंग) झालं. येथे त्यांना मेटरोलॉजीला प्रवेश मिळाला. सुरुवातील ही शाखा त्यांना नको होती. परंतू मित्राने योग्य मार्गदर्शन केल्यानंतर या क्षेत्रात काम करण्याचं त्यांनी ठरवलं आणि पुढील शिक्षणासाठी ते जर्मनीला गेले.
मी दहा वर्षे नोकरी केली. बीएमडब्यू कंपनीत 2 वर्षे आणि जर्मनीततील एका कंपनीत सात ते आठ वर्षे काम केलं. कारण त्यावेळी स्वत:चा उद्योग करायला भांडवल नव्हतं. त्यामुळे नोकरी करणं गरजेचं होतं. एक कोटी जमा झाल्यानंतर भारतात जाऊन उद्योग उभा करण्याचं ठरलं. 2014 मध्ये मेक इन इंडिया चांगलं नावारुपाला येत होतं. मेक इन इंडियामुळे फायदा होईल असं वाटत होतं. भरत पुढे म्हणाले, मेक इन इंडिया हे मिशन आहे. आपल्या देशात माल तयार व्हायला हवा. यात कुणाला जागा मोफत वगैरे मिळणार नाही. वेगळं काही दिलं जाणार नाही.
संरक्षण क्षेत्रात निर्यात - याची सुरुवात सारथ टँकपासून केली. सारथ टँक हा रशियातून आलेला भारतातील सर्वात जुना टँक. 170 किलोचा ब्लॉक. भारत गेली 34 वर्षे रशियातून या टँकची आयात करीत होता. मात्र गेल्या तीन वर्षांपासून आपण हा पार्ट डिफेन्स फॅक्टरीला सप्लाय करतो. यासाठी राजनाथ सिंहांच्या हस्ते डिफेन्स चॅम्पियन हा अवॉर्डही मिळाला. सारथ टँक केल्यानंतर एलएनटी डिफेन्ससाठी अनेक टँक बनवले.
वीज अत्यंत महत्त्वाचं क्षेत्र आहे. देशात नवनवे प्रकल्प येत आहेत. मेट्रो आणि विमानतळाची बांधणी केली जात आहे. यासाठी वीज लागणार, त्यामुळे सबस्टेशन हवं. मात्र जागा नाही. मात्र या नव्या प्रकल्पात जागा कमी लागते आणि वीज सप्लायची गुणवत्ताही वाढते. इतर राज्यांपेक्षा आपल्याकडे वीजेचं मूल्य जास्त आहे. शिवाय आपल्याकडे गुणवत्तेचाही प्रश्न आहे. त्यामुळे दावोसमध्ये मुख्यमंत्र्यांसोबत चर्चा झाली. त्यावेळी वीजेची गुणवत्ता, निर्यात आणि परवडणारे दर यावर काम केलं जाणार असल्याचं ठरलं.
ग्रामीण भागातील तरुणांना योग्य मार्गदर्शनाची गरज..
ग्रामीण भागातील मुलांमध्ये टॅलेंट भरपूर आहे. त्यांना योग्य मार्ग दाखवायला हवा. बीडमधील तरुणांनी तेथील चर्चांवर लक्ष न देता शिक्षणावर लक्ष केंद्रीत करायला हवं. उद्योजकतेवर भर असायला हवा. बीडमधील कित्येक तरुण देशातील विविध भागात अधिकारी, डॉक्टर, आयएएस म्हणून काम करीत आहेत. त्यामुळे बीडमधील मुलांनी त्यांच्यासमोर चांगले रोल मॉडेल ठेवायला हवेत. माझे वडील शेतकरी होते. मात्र कुटुंब मोठं असल्याने त्यांनी पर्याय मार्गाचा विचार केला. माझा मोठा भाऊ आणि वडिलांनी किराणा दुकान, शिलाई दुकान, परळीत चहा-नाश्त्याचं हॉटेल असे विविध उद्योग केले. त्यांनी पाण्याच्या टाक्या बनवायचं कामही केलं. एक चौथी पास माणून उद्योजक बनला.
Track Latest News Live on Marathi.NDTV.com and get news updates from India and around the world
