भारतातील सुवर्ण बाजार अधिक पारदर्शक आणि मजबूत करण्यासाठी नॅशनल स्टॉक एक्सचेंज ऑफ इंडिया लिमिटेड (NSE) ने एक मोठे पाऊल उचलले आहे. 4 मे 2026 रोजी NSE ने अधिकृतपणे 'इलेक्ट्रॉनिक गोल्ड रिसीट्स' (EGRs) या नव्या सेगमेंटची घोषणा केली आहे. हा उपक्रम मौल्यवान धातूच्या व्यापारासाठी एक सुरक्षित, नियमनबद्ध आणि तंत्रज्ञानावर आधारित प्लॅटफॉर्म उपलब्ध करून देणार आहे.
EGR म्हणजे काय? (What is EGR?)
EGR हे डीमॅट स्वरूपातील सिक्युरिटी आहेत, जे प्रत्यक्ष फिजिकल सोन्याच्या मालकीचे प्रतिनिधित्व करतात. हे सोने SEBI मान्यताप्राप्त व्हॉल्टमध्ये सुरक्षित ठेवलेले असते. डिपॉझिटरीजमध्ये हे सोने इलेक्ट्रॉनिक स्वरूपात साठवले जाते. प्रत्येक EGR पूर्णपणे भौतिक सोन्याने समर्थित असतो, ज्यामुळे त्याची विश्वासार्हता वाढते.
(नक्की वाचा- DMart VIDEO: डीमार्टमध्ये जात असाल तर सतर्क राहा! एक चूक महागात पडेल)
NSE चा उद्देश काय?
NSE चा उद्देश एक मजबूत सुवर्ण व्यापार व्यवस्था निर्माण करणे आहे. यामुळे सोन्याची योग्य किंमत शोधणे सुलभ होईल. सोन्याचा समावेश आता औपचारिक आर्थिक प्रणालीत सहजपणे होईल. NSE ने नुकतेच 1000 ग्रॅमच्या सोन्याच्या बारचे यशस्वीरित्या EGR मध्ये रूपांतर करून प्रणालीची कार्यक्षमता सिद्ध केली आहे.
गुंतवणूकदारांना काय फायदे होणार?
- सोन्याच्या शुद्धतेबाबत कोणतीही शंका राहणार नाही.
- भौतिक सोन्याचे डिजिटलमध्ये आणि डिजिटलचे भौतिक सोन्यात सहज रूपांतर करता येईल.
- गुंतवणूकदारांना अगदी लहान प्रमाणातही सोन्यात गुंतवणूक करण्याची संधी मिळेल.
- डीमॅटमधील इतर साधनांप्रमाणेच यात अधिक लवचिकता आणि लिक्विडिटी असेल.
(नक्की वाचा- IPL 2026: रोहित, रिकल्टन, पुरनने सामना गाजवला; चर्चा रघु शर्माच्या चिठ्ठीची, मजकूर वाचून सगळेच भावुक)
NSE चे मुख्य व्यवसाय विकास अधिकारी (CBDO) श्री श्रीराम कृष्णन म्हणाले की, "“EGR ची ओळख भारतातील लोक सोन्याकडे पाहण्याची पद्धत बदलणारी आहे. NSE च्या मजबूत तंत्रज्ञान आणि लिक्विडिटीच्या मदतीने आम्ही गुंतवणूक अधिक पारदर्शक आणि विश्वासार्ह बनवत आहोत. हा डिजिटल मार्ग सोन्याला आधुनिक आर्थिक मालमत्ता म्हणून स्थापित करेल आणि आर्थिक समावेशनाला चालना देईल.".
Track Latest News Live on Marathi.NDTV.com and get news updates from India and around the world
