Adani Airport Holdings News : अदाणी एअरपोर्ट होल्डिंग्सने विमानतळ लाऊंजमध्ये प्रवेश पुरवणारी कंपनी ड्रॅगनपाससोबतची भागीदारी त्वरित प्रभावाने समाप्त केली आहे.
अदानी एअरपोर्ट होल्डिंग्सचा हा निर्णय त्यांनी भागीदारीची घोषणा केल्यानंतर जवळपास एका आठवड्यात आला आहे. अदाणी एअरपोर्ट होल्डिंग्सने एका निवेदनात म्हटले आहे की, "ड्रॅगनपासच्या ग्राहकांना यापुढे अदाणी कंपनीकडून व्यवस्थापित करण्यात येणाऱ्या विमानतळांवरील लाऊंजमध्ये प्रवेश मिळणार नाही. या बदलाचा इतर ग्राहकांच्या विमानतळ लाऊंज आणि प्रवासाच्या अनुभवावर कोणताही परिणाम होणार नाही.'
अदानी एअरपोर्ट होल्डिंग्स आणि ड्रॅगनपासने गेल्या आठवड्यात भागीदारी केली होती, ज्यामध्ये ड्रॅगनपासला 'संपूर्ण भारतातील अदाणी व्यवस्थापित विमानतळांवरील लाऊंज तसेच इतर महत्त्वाच्या लाऊंजमध्ये प्रवेश' देण्यात आला होता.
भारतीय विमानतळांवर Airport Lounge सेवा पुरवणाऱ्या ड्रॅगन पास या कंपनीसोबतचा करार Adani Airport Holdings ने तात्काळ रद्द केल्याची घोषणा केली आहे. ड्रॅगन पासच्या ग्राहकांना यापुढे अदाणी समुहाकडून संचालित विमानतळांवर लाऊंजची सेवा मिळणार नाहीये. इतर ग्राहकांवर याचा कोणताही परिणाम… pic.twitter.com/05M2T8xovO
— NDTV Marathi (@NDTVMarathi) May 15, 2025
ड्रॅगनपासकडून जगभरातील विमानतळ लाऊंजमध्ये प्रवेश पुरविला जातो.
(अस्वीकार: नवी दिल्ली टेलिव्हिजन ही अदानी समुहाच्या AMG मीडिया नेटवर्क्स लिमिटेडची उपकंपनी आहे.)
Track Latest News Live on Marathi.NDTV.com and get news updates from India and around the world
