Bank Holiday List April 2026: मार्च महिना संपण्यासाठी अवघे चार दिवस उरलेत. 1 एप्रिलपासून नवीन आर्थिक वर्ष सुरू होईल. नवीन आर्थिक वर्षाचा पहिला महिना म्हणजेच एप्रिलमध्ये १४ दिवस बँका सुट्ट्या असतील. त्यामुळे जर तुम्ही एप्रिलमध्ये कोणत्याही महत्त्वाच्या कामासाठी बँकेत जाण्याचा विचार करत असाल, तर आधी सुट्ट्यांचे कॅलेंडर नक्की तपासा. भारतीय रिझर्व्ह बँकेच्या सुट्ट्यांच्या यादीनुसार, पुढील महिन्यात बँका १४ दिवस बंद राहतील, ज्यामध्ये रविवार आणि दुसरा व चौथा शनिवार, तसेच काही सण आणि विशेष प्रसंगांचा समावेश आहे.
देशभरातील बँका महिन्याच्या पहिल्या दिवशी, १ एप्रिल रोजी बंद राहतील. बँकेचे कर्मचारी कार्यालयात उपस्थित असले तरी ते कोणतेही काम करणार नाहीत. हा दिवस बँकांच्या वार्षिक बंदसाठी राखीव आहे. या दिवशी चेक क्लिअरिंग किंवा काउंटरवर रोख रक्कम जमा करणे यासारखी कामे शक्य होणार नाहीत. एप्रिल महिन्यात कोणकोणत्या दिवशी बँकांना सुट्टी राहिल? पाहा संपूर्ण यादी...
New Update: WhatsAppचं भन्नाट फिचर! iPhone मध्ये एकाच वेळी चालणार 2 अकाउंट्स
एप्रिल २०२६ मधील बँक सुट्ट्यांची यादी: RBI Bank Holiday List
- १ एप्रिल (बुधवार): वार्षिक बंदमुळे देशभरातील बँका बंद राहतील.
- २ एप्रिल (गुरुवार): मौंडी थर्सडे निमित्त कोची आणि तिरुवनंतपुरम येथील बँका बंद राहतील.
- ३ एप्रिल (शुक्रवार): गुड फ्रायडे निमित्त देशभरात बँकांना सुट्टी असेल.
- ५ एप्रिल (रविवार): सर्व बँकांना साप्ताहिक रविवारची सुट्टी असेल.
- ११ एप्रिल (शनिवार): महिन्यातील दुसऱ्या शनिवारची सुट्टी असेल.
- १२ एप्रिल (रविवार): सर्व बँका रविवारी बंद राहतील.
- १४ एप्रिल (मंगळवार): डॉ. बाबासाहेब आंबेडकर जयंती/महाविषुव संक्रांती/बिजू/बुईसू उत्सव/तमिळ नववर्ष दिन/बोहाग बिहू/चिराओबा/बैसाखी निमित्त देशभरातील विविध राज्यांमध्ये बँका बंद राहतील.
- १५ एप्रिल (बुधवार): बंगाली नववर्ष दिन (नबवर्षा)/बोहाग बिहू/विशू/हिमाचल दिन – आगरतळा, गुवाहाटी, इटानगर, कोची, कोलकाता, शिमला आणि तिरुवनंतपुरम येथील बँका बंद राहतील.
- १६ एप्रिल (गुरुवार): बोहाग बिहू निमित्त गुवाहाटीतील बँका बंद राहतील.
- १९ एप्रिल (रविवार): देशभरातील सर्व बँका बंद राहतील.
- २० एप्रिल (सोमवार): बसव जयंती/अक्षय तृतीयेनिमित्त बंगळूरसह अनेक राज्यांतील बँका बंद राहतील.
- २१ एप्रिल (मंगळवार): गारिया पूजेनिमित्त आगरतळा येथील बँका बंद राहतील.
- २५ एप्रिल (शनिवार): महिन्याचा चौथा शनिवार असल्याने बँका बंद राहतील.
- २६ एप्रिल (रविवार): देशभरातील सर्व बँकांना रविवारची साप्ताहिक सुट्टी असेल.
दरम्यान, सुट्ट्यांच्या दिवशी बँकेच्या शाखा बंद असू शकतात, परंतु डिजिटल बँकिंग सुरू राहील. तुम्ही UPI आणि मोबाईल बँकिंगद्वारे पैसे पाठवू आणि स्वीकारू शकता, एटीएममधून रोख रक्कम काढू शकता, तसेच इंटरनेट बँकिंगचा वापर करून एफडी (FD) उघडू शकता आणि बिले भरू शकता.
Track Latest News Live on Marathi.NDTV.com and get news updates from India and around the world
