inspirational story : सध्या लग्नाचा सीझन सुरू आहे. सोशल मीडियावरही भव्य लग्नसोहळ्याचे व्हिडिओ व्हायरल होत आहे. प्रीवेडिंग, लग्नात वधू-वराची एन्ट्री, मेकअप, भव्य सोहळा, जेवण यासाठी लाखो-कोटी रुपये खर्च करीत असताना एका खास लग्नसोहळा व्हायरल होत आहे. हा लग्नसोहळा न्यायाधीशांचा आहे. चांगला पगार घेणाऱ्या या जोडप्याने सध्याच्या लग्नाच्या झगमगाटात आपल्या लग्नाचं वेगळेपण जपलं आहे.
ही घटना राजस्थानमधील कोटपुतली येथील आहे. संविधान दिनी या जोडप्याने अनोख्या पद्धतीने लग्नगाठ बांधली. राजस्थानातील बानसूरमधील निवासी हेमंत मेहरा आणि हनुमानगढच्या करीना काला यांनी लग्नात विनाकारणचा खर्च करणं टाळलं. दोघांनी संविधानाला साक्षी मानत एकमेकांना साथ देण्याचं वचन दिलं.
संविधानाच्या दिवशी बांधली लग्नगाठ
हेमंत मेहरा दिवाणी न्यायाधीश आहेत आणि सवाई माधोपूर येथे तैनात आहेत. अधिकाऱ्यांनी नवविवाहितांना आशीर्वाद दिला आहे. दोन तरुण न्यायाधीशांच हे पाऊल हुंडाविरोधी आणि साधेपणाचा संदेश दिला आहे.
हेमंत यांचा जन्म गुंता शाहपूर बानसूरमध्ये झालं. त्यांना कोरोनानंतर पोस्टिंग मिळेल. २०२१ मध्ये कोरोना काळात त्यांना बानसूरमध्ये प्रशिक्षण मिळालं. यानंतर जोधपूर आणि त्यानंतर प्रोव्हिजनल काळानंतर जयपूर जिल्हा कोर्टात पोस्टिंग झाली. त्यांचे वडील निवृत्त शिक्षक आहेत आणि आई गृहिणी. मोठा भाऊ शेती करतो. न्यायाधीश होण्यापूर्वी हेमंत यांनी बानसूरमध्ये वकिली केली होती.
नक्की वाचा - Pune News : ट्रेनमध्ये 15 जणांना चहा, मॅगीही शिजवली, पुण्यातील महिलेवर गुन्हा दाखल; नियम काय सांगतात?
करीना काला या नोहर हनुमानगढ येथील राहणाऱ्या आहेत. त्यांनी आरजेएस परीक्षा पास केली आणि सध्या त्यांचं प्रशिक्षण सुरू आहे. त्यांचे वडील एमपी काला निवृत्त प्राचार्य आहेत आणि आई गृहिणी. कुटुंबाच्या उपस्थितीत पार पडलेला हा विवाह साधेपणा आणि हुंडामुक्त विवाहाचे एक आदर्श उदाहरण ठरलं आहे.
