मराठीतील थोर कवी विष्णू वामन शिरवाडकर अर्थात कुसुमाग्रज यांच्या जन्म दिवसानिमित्त मराठी भाषा गौरव दिन साजरा करण्यात येतो. साहित्यिक, पत्रकार, क्रांतिकारक यांनी दिलेल्या लढ्यामुळे मराठीला राजभाषेचा दर्जा मिळाला. जगभरातील सर्वाधिक बोलल्या जाणाऱ्या भाषांमध्ये मराठीचा समावेश आहे. संघर्षांला आणि त्यांच्या दर्जेदार कलाकृतींना अभिवादन करण्यासाठी महाराष्ट्र सरकारने त्यांच्या जन्मदिवशी म्हणजेच ‘27 फेब्रुवारी' रोजी ‘मराठी भाषा दिन' साजरा करण्याचा निर्णय घेतला. 2013 मध्ये याबाबतची अधिकृत घोषणा करण्यात आली.
Live Update : मराठी भाषा गौरव दिनानिमित्त आज शिवाजी पार्कमध्ये कार्यक्रमाचं आयोजन
मराठी भाषा गौरव दिनानिमित्त आज शिवाजी पार्कमध्ये कार्यक्रमाचं आयोजन करण्यात आलं आहे. मनसेने आयोजित केलेल्या या कार्यक्रमात आज पुस्तक प्रदर्शन सोहळा पार पडणार आहे. सोबतच कविता वाचनाचा कार्यक्रम देखील करण्यात येणार आहे. अनेक दिग्गज कलाकार आणि मान्यवर या कार्यक्रमाला उपस्थिती लावणार आहेत. विशेष म्हणजे मनसे अध्यक्ष राज ठाकरे आणि अभिनेता विकी कौशल देखील या कार्यक्रमाला हजेरी लावणार आहेत
Live Update : मांडवी एक्स्प्रेसमधून 60 हजारांचे दागिने लंपास
मांडवी एक्स्प्रेसमधून प्रवास करणाऱ्या एका प्रवासी महिलेच्या गळ्यातील 60 हजार 400 रुपये किंमतीचे दागिने अनोळखी व्यक्तींनी लंपास केले. या प्रकरणी दोन अनोळखी महिलांवर खेड येथील पोलीस ठाण्यात गुन्हा दाखल करण्यात आला आहे. या बाबत निशात अलिमुद्दीन कादिरी यांनी तक्रार नोंदवली आहे. एक्स्प्रेस खेड रेल्वेस्थानकात उभी असताना दोन अनोळखी महिलांनी फिर्यादी यांच्याशी संगनमताने भांडण करत दागिन्यांसह रोख ऐवजासह पोबारा केला. दागिने चोरीस गेल्याची बाब निदर्शनास आल्यानंतर रेल्वेस्थानकात याची कल्पना दिली.
Live Update : इंद्रजित सावंत धमकी प्रकरणात कोल्हापूर पोलिसांचं पथक नागपूरात दाखल..
इंद्रजित सावंत धमकी प्रकरणात कोल्हापूर पोलिसांचं पथक नागपूरात दाखल..
- नागपूरच्या बेलतरोडी पोलिसांच्या सोबत कोल्हापूर पोलीसाचा तपास सुरू..
- इंद्रजीत सावंत यांना नागपूर मधून कॉल केला होता का या संदर्भात तपास सुरू..
- कोल्हापूर पोलिसांचं पथक प्रशांत कोरटकर यांच्या घरी देखील जाऊन तपासणी करण्याची शक्यता..
Live Update : कांदिवली पश्चिम लिंक लालजीपाडा परिसरात हॉटेलमध्ये भीषण आग
कांदिवली पश्चिम लिंक रोड येथील काल रात्री लालजीपाडा परिसरात असलेल्या एका हॉटेलमध्ये आग लागली होती
आगीची माहिती मिळताच अग्निशामक दलाच्या दोन ते तीन गाड्या घटनास्थळी दाखल
आगीचं कारण अद्यापही अस्पष्ट आहे
सुदैवाने या घटनेत कुठलीच जीवित हानी नाही
