दोन्ही राष्ट्रवादींचा आज पुण्यात वर्धापन दिन सोहळ्याचं आयोजन करण्यात आलं आहे. सकाळी 10 वाजता शरद पवारांच्या राष्ट्रवादीचा मेळावा पार पडणार आहे. तर दुपारी 3 वाजता अजित पवारांच्या राष्ट्रवादीचा मेळावा पार पडणार आहे. राष्ट्रवादी काँग्रेस पक्षाची दोन शकलं झाल्यावर आज दोन्ही पक्षांचे वर्धापन दिनाच्या निमित्ताने वेगवेगळ्या ठिकाणी मेळावेही पार पडत आहेत. अजित पवारांच्या राष्ट्रवादीचा पुण्यातील बालेवाडी स्टेडियममध्ये मेळावा पार पडत आहे तर शरद पवारांच्या राष्ट्रवादीचा बालगंधर्व रंगमंदिर येथे मेळावा पार पडत आहे. दोन्ही राष्ट्रवादीच्या एकत्रिकरणाच्या चर्चांदरम्यान आजच्या मेळाव्याला महत्व प्राप्त झालं आहे. सकाळी 10 वाजल्यापासून शरद पवारांच्या पक्षाचा मेळावा सुरू होणार असून वर्धापन दिन कार्यक्रम सुरू होण्यापूर्वी शरद पवार आणि सुप्रिया सुळे यांच्या हस्ते पक्ष कार्यालयात ध्वजारोहण सोहळा पार पडणार आहे. तर अजित पवारांच्या राष्ट्रवादीचा दुपारी ३ वाजता मेळावा सुरू होणार आहे. राष्ट्रवादी काँग्रेसचं मनोमिलन होणार का? सुप्रिया सुळे काय निर्णय घेणार? हे पाहणं महत्वाचं ठरेल.
Live Update : आदरणीय मोदींजीबद्दलही चांगलंच बोलले, गैरसमज नसावा - सुप्रिया सुळे
ज्या देशात मी गेले तिथली लोकं माझ्याशी महात्मा गांधी, पंडीत जवाहरलाल नेहरू, इंदिरा गांधींबद्दल लोकं बोलायचे. आदरणीय मोदींजीबद्दलही चांगलंच बोलले, गैरसमज नसावा.
सुप्रिया सुळे, खासदार, राशप
Live Update : शरद पवारांनी संघटना कशासाठी उभी केली, त्यांचं अंतिम ध्येय काय आहे हे आपल्या लक्षात राहीलं पाहिजे - सुप्रिया सुळे
आपण एकमेकांसाठी प्रेरणा देणारी भाषणं करतो पण शरद पवारांसाठी त्यासाठी कधीच थांबत नाही. कारण त्यांचा स्वत:वर विश्वास आहे. शरद पवारांनी संघटना कशासाठी उभी केली, त्यांचं अंतिम ध्येय काय आहे हे आपल्या लक्षात राहीलं पाहिजे. राष्ट्रवादीचे आठ खासदार संसदेत उभे राहतात तेव्हा त्यांना कोणी विरोध करू शकत नाही. त्यांच्या भाषणाचं, त्यांनी मांडलेल्या मुद्द्यांचं कौतुक केलं जातं. देशातील महत्त्वाच्या निर्णयात राष्ट्रवादी पक्षाचं मत घेतलं जातं. - सुप्रिया सुळे
Live Update : जळगावमधून संत मुक्ताई श्रीराम पालखीचे पंढरपूरकडे प्रस्थान
जळगावमधून संत मुक्ताई श्रीराम पालखीचे पंढरपूरकडे प्रस्थान झाले असून जुन्या जळगाव मधील पुरातन श्री राम मंदिरातून संत मुक्ताई श्रीराम पालखीचे परंपरेनुसार पंढरपूर कडे प्रस्थान करण्यात आले. या पालखी सोहळ्याला दीडशे वर्षांची परंपरा असून 550 किलोमीटर पायी प्रवास करत हा पालखी सोहळा 25 दिवसांनी पंढरपूरमध्ये दाखल होणार आहे.
Live Update : प्रदेशाध्यक्षपदापासून मुक्त करा, जयंत पाटलांची पवारांकडे मागणी - जयंत पाटील
प्रदेशाध्यक्षपदापासून मुक्त करा, जयंत पाटलांची पवारांकडे मागणी, राष्ट्रवादी शरद पवार गटाच्या जयंत पाटील यांची मागणी
Live Update : शरद पवार साहेबांची ती सभा ऐकण्यासाठी लाखोंचा जनसमुदाय उपस्थित होता - जयंत पाटील
आज आपल्या पक्षाचा २६ वा वर्धापन दिन ! याच दिवशी २६ वर्षांपूर्वी १९९९ साली दादरच्या शिवाजी पार्क मैदानात आदरणीय शरद पवार साहेबांच्या नेतृत्वाखाली हा पक्ष स्थापन झाला होता. मला आजही आठवतं की आदरणीय शरद पवार साहेबांची ती सभा ऐकण्यासाठी लाखोंचा जनसमुदाय उपस्थित होता - जयंत पाटील
Live Update : दादा आणि साहेबांचे सोबत फोटो, नाशिकमध्ये शरद पवार राष्ट्रवादीच्यावतीने मनोमिलनाचे झळकले होर्डिंग्स
राष्ट्रवादी काँग्रेस पक्षाचा वर्धापन दिन आज साजरा होत असतांनाच दुसरीकडे नाशिकमध्ये पंचवटी परिसरात शरद पवारांच्या राष्ट्रवादीकडून दादा आणि साहेब मनोमिलनाचे झळकणारे होर्डींग्स चर्चेचा विषय ठरत आहेत. 'साहेब आणि दादा आपल्या एकत्रीकरणाचा मनी आहे ध्यास, संपूर्ण महाराष्ट्राला आहे आपल्या मनोमिलनाची आस' असा आशय या होर्डींग्सवर बघायला मिळत असून दोन्ही राष्ट्रवादीने पुन्हा एक होण्याची गरज असल्याच्या भावना पदाधिकाऱ्यांनी व्यक्त केल्या आहेत..
Live Update : राष्ट्रवादीच्या वर्धापनदिनादरम्यान सुप्रिया सुळेंच्या स्टेटसची चर्चा
राष्ट्रवादीचा दिवस उत्साहात साजरा होतोय. माझ्या एकटीवर नजरा नाहीत
माझ‌ं स्टेटस हे माझ्या आईसाठी होतं. माझी आई आणि माझ्यातील ती गोष्ट आहे. लोकशाहीत स्टेटस ठेवण्याचा सगळ्यांंना अधिकार आहे.
दोन्ही राष्ट्रवादी एकत्र येण्याची कोणतीही चर्चा नाही. मी १४ दिवस बाहेर होते.
राष्ट्रवादी कॉंग्रेस बाबत निर्णय घेण्याचे अधिकार शरद पवारांनी मला दिलेत. पण त्याला टाईमलाईन नाही
सुप्रिया सुळेंच्या स्टेटस -
आपली बाजू कितीही खरी असली तरी आपल्यावर अन्याय होतो, त्यावेळी आपण काहीच करू शकत नाही,
Live Update : राष्ट्रवादी काँग्रेस शरदचंद्र पवार पक्ष वर्धापन दिन LIVE
Live Update : शासकीय इतमामात शहीद आकाश राव यांच्यावर अंत्यसंस्कार
शासकीय इतमामात शहीद आकाश राव यांच्यावर अंत्यसंस्कार
शहीद आकाश राव गिरपुंजे यांच्यावरील अंत्यसंस्कार राजकीय सन्मानाने केले जातील
अंत्यसंस्काराची तयारी झाली पूर्ण
त्यांचे पार्थिव सकाळी 8:45 ला त्यांच्या निवासस्थानावरून माना येथे नेण्यात आले होते
माना येथील चौथ्या बटालियनमध्ये सकाळी 9:30 वाजता राज्य सन्मान आणि मानवंदना देण्यात आली
शहीद आकाश राव यांच्या निवासस्थानी रायपूरचे एएसपी डॉ. लाल उमेद सिंह उपस्थित
Live Update : वैद्यकीय क्षेत्रात खळबळ, धर्मादाय रुग्णालयातील डॉक्टरांनी स्वीकारली लाच
धर्मादाय रुग्णालयातील डॉक्टरांनी स्वीकारली लाच
- महात्मा फुले जनआरोग्य योजनेतून शस्त्रक्रिया केल्यानंतर डिस्चार्ज देण्यापूर्वी मागण्यात आले पैसे
- नाशिकच्या नामांकित नामको कॅन्सर रूग्णालयातील प्रकारामुळे वैद्यकीय क्षेत्रात खळबळ
- रुग्णालयाच्या वैद्यकीय अधीक्षकासह तिघांविरोधात गुन्हा दाखल
- पिवळे रेशनकार्ड धारक तक्रारदाराच्या पत्नीवर करण्यात आली होती योजनेतून शस्त्रक्रिया
Live Update : ट्रान्स हार्बर मार्गावरील लोकल सेवा विस्कळीत
ट्रान्स हार्बर मार्गावरील लोकल सेवा विस्कळीत
नेरुळजवळ तांत्रिक बिघाड झाल्याने ट्रान्स हार्बर मार्गावरील लोकल सेवा विस्कळीत
Live Update : पुरंदर विमानतळाच्या भूसंपादन हरकतींवर आजपासून सुनावणी
पुरंदर विमानतळाच्या भूसंपादन हरकतींवर आजपासून होणार सुनावणी
पुरंदर विमानतळाच्या भूसंपादनांसाठी शेतकऱ्यांकडून एकूण 2 हजार 52 हरकती
एकूण 7 गावातील शेतकऱ्यांनी पाठवल्या हरकती
विमानतळासाठी पुरंदर तालुक्यातील वनपुरी, उदाचीवाडी, कुंभारवळण, एखतपूर, मुंजवडी, खानवडी आणि पारगाव या सात गावांमधून सुमारे 2 हजार 673 हेक्टर जमिनीचे भूसंपादन केले जाणार
एकूण 3 उपजिल्हाधिकाऱ्यांसमोर होणार हरकतींवर सुनावणी
Live Update : पुणे आरटीओकडून पालखीततील वारकऱ्यांच्या वाहनाच्या तपासणीची विशेष मोहीम
पुणे आरटीओकडून पालखीततील वारकऱ्यांच्या वाहनाच्या तपासणीची विशेष मोहीम सुरू
दोन वरिष्ठ अधिकाऱ्यांची नेमणूक करून आरटीओने ही विशेष व्यवस्था पालखीतील वाहनासाठी केली आहे.
वारकरी मोठ्या संख्येने पालखीत सहभागी होताना वाहन घेऊन येतात त्यांच्या वाहनाची सुरक्षितता आणि नियमाचे पालन सुनिश्चित करण्यासाठी आरटीओने ही मोहीम चालू केली आहे
या वाहनाची तपासणी दिवेघाटामध्ये 9 ते 19 जून पर्यंत सकाळी साडेअकरा ते सायंकाळी चार वाजेपर्यंत करता येणार आहे उपप्रादेशिक परिवहन अधिकारी स्वप्निल भोसले यांच्यावर ही जबाबदारी आहे
आळंदी रोड आरटीओ कार्यालयात 9 ते 19 जून पर्यंत सकाळी नऊ ते सायंकाळी पाच पर्यंत प्रादेशिक सहाय्यक परिवहन अधिकारी अमर देसाई यांच्यावर वाहने तपासण्याची विशेष जबाबदारी देण्यात आली आहे.
Live Update : पालखी सोहळ्यासाठी पुणे शहर पोलीस प्रशासन सज्ज
पालखी सोहळ्यासाठी पुणे शहर पोलीस प्रशासन सज्ज
पोलीस आयुक्त अमितेश कुमार यांच्याकडून पालखी मार्गाची पाहणी
पोलीस अधिकाऱ्यांसह पालखी मार्गावर जात पोलीस आयुक्त अमितेश कुमार यांच्या पोलीस प्रशासनाला सूचना
संत ज्ञानेश्वर माऊली महाराज आणि संत तुकाराम महाराजांची पालखी दोन दिवस असणार पुण्यात मुक्कामी
याच पालखी मुक्कामी दरम्यान कायदा व सुव्यवस्था अबाधित राखण्यासाठी पुणे पोलीस सज्ज
पालखी मुक्कामी असणाऱ्या ठिकाणी देखील आयुक्तांकडून पाहणी
