पहलगाम हल्ल्यानंतर सर्वपक्षीय बैठकीचे आयोजन करण्यात आले आहे. या बैठकीत हल्ल्याबाबतची माहिती सरकार मार्फत विरोधी पक्षाला दिली जाणार आहे.  ही बैठक संध्याकाळी सहा वाजता होणार आहे. या बैठकीला काँग्रेस अध्यक्ष  मल्लिकार्जुन खरगे , राहुल गांधी, टीएमसीचे सुदीप बंदोपाध्याय,

सपा - राम गोपाल यादव, आरजेडी - प्रेम चंद गुप्ता, आप - संजय सिंह, टीडीपी - कृष्ण देव रायुलु , डीएमके - त्रिचि शिवा, शिवसेना - श्रीकांत शिंदे हे नेते उपस्थित राहाणार आहेत. 

पाकिस्तानच्या रेंजर्सने भारतीय जवानाला ताब्यात घेतलं आहे. हा जवान BSF चा आहे. हा जवान चुकून झिरो लाईन पार करून पाकिस्तानात गेला होता. त्यामुळे त्याला ताब्यात घेण्यात आलं आहे. 

पहलगाम हल्ल्यानंतर भारताने पाकिस्तान विरोधात दंड थोपटले आहेत. भारताने सिंधु पाणी वाटप करार स्थगित केला आहे.  भारताने केलेल्या या कारवाईनंतर पाकिस्तानने शिमला करार स्थगित केला आहे. शिवाय पाकिस्तानचे हवाई क्षेत्र भारतासाठी बंद करण्याचा निर्णय ही घेतला आहे. 

Live Update : गृहमंत्री अमित शाह आणि परराष्ट्र मंत्री एस. जयशंकर राष्ट्रपतींच्या भेटीला...

काश्मीर पहरगाम हल्ल्यासंदर्भात चर्चा होणार असल्याची माहिती

मुंबईतील विलेपार्ले येथील दिगंबर जैन समाजाचे मंदिर व जिनमूर्तीची मुंबई महानगरपालिकेच्या अधिकाऱ्यांनी बुलडोझर चालवून मंदिर जमीनदोस्त करत जिनमूर्ती व जिनशास्त्राची अवहेलना केली आहे. या घटनेमुळे संपूर्ण जैन समाजामध्ये प्रचंड नाराजीचे वातावरण पसरल्याचे पाहायला मिळत आहे. या घटनेचे पडसाद संपूर्ण महाराष्ट्र बघायला मिळत आहे. आज धुळे शहरातील जैन मंदिरापासून निघालेला हा मोर्चा लक्षवेधी ठरला या मोर्चामध्ये हजारो समाज बांधव मोठ्या संख्येने उपस्थित झाले होते.

पहलगाम येथे झालेल्या दहशतवादी हल्ल्यातील मृतांना युवासेना आणि शिवसेना महिला आघाडी तर्फे आज वाशीत श्रद्धांजली अर्पण करण्यात आली. यावेळी युफासेनेतर्फे पाकिस्तानचा झेंडा फाडून पाकिस्तान मुर्दाबादच्या घोषणा देत या भ्याड दहशतवादी हल्ल्याचा निषेध करण्यात आला.

Pahalgam Terrorist Attack Live Update : भारताने पाकिस्तानचं 'X' हँडल केलं ब्लॉक 

सरपंच संतोष देशमुख हत्या प्रकरणाची आज सुनावणी 

बीडच्या जिल्हा व सत्र न्यायालयात सुनावणी होणार

वाल्मीक कराडने मी निर्दोष असल्याच्या केलेल्या दाव्यावर आज कोर्ट काय निर्णय घेणार?

विष्णू चाटेच्या अर्जावरही युक्तिवाद होणाची शक्यता 

विष्णू चाटेने लातूरच्या जेलवरून बीडमध्ये आणला जाणार का? याकडे सर्वांचं लक्ष

किन्नर आखाड्याच्या महामंडलेश्वर - उपाध्यक्ष पार्वती जोगीसह पाच जण पहलगामपासून 50 किलोमीटरवर अडकले आहेत. 

काश्मीर पहलगाम येथे पर्यटनासाठी गेलेल्या रत्नागिरी जिल्ह्यातील 42 पर्यटकांशी संपर्क झाला असून, सर्व पर्यटक सुखरुप व सुरक्षित आहेत. जिल्हा प्रशासन त्यांच्या संपर्कात, असल्याची माहिती जिल्हाधिकारी एम देवेंदर सिंह यांनी दिली आहे. 

पहलगाममध्ये पुण्यातील दोन पर्यटकांचा मृत्यू, शरद पवार जगदाळेंच्या पार्थिवाच्या अंत्यसंस्काराला

जळगाव जिल्ह्यातील रावेर येथे जम्मू कश्मीरमधील पहेलगाम येथे झालेल्या भ्याड हल्ल्याच्या निषेधार्थ अखिल भारतीय विद्यार्थी परिषदेकडून निषेध करण्यात आला. डॉक्टर बाबासाहेब आंबेडकर यांच्या स्मारकासमोर जम्मू काश्मीरमध्ये घडलेल्या दहशतवादी कृत्याच्या निषेधार्थ प्रतिकात्मक पुतळ्याचे दहन करून हा निषेध करण्यात आला. तसेच याप्रसंगी या घटनेतील निरपरात मृत्युमुखी पडलेल्या मृतांना श्रद्धांजली अर्पण करण्यात आली

जळगाव येथे राष्ट्रवादी शरद पवार गटाच्यावतीने जम्मू कश्मीरमधील पहलगाम येथे दहशतवाद्यांनी केलेल्या भ्याड हल्ल्यात मृत्युमुखी पडलेल्या मृतांना श्रद्धांजली अर्पण करण्यात आली. आकाशवाणी चौक येथे पक्ष कार्यालया बाहेर पदाधिकारी व कार्यकर्त्यांनी एकत्रित येत मेणबत्ती लावून श्रद्धांजली अर्पण केली.