How To Prevent Mosquitoes In Monsoon: पावसाळ्याचा ऋतू अतिशय आल्हाददायक असतो, पण अनेक समस्याही घेऊन येतो. या ऋतूत बहुतेक लोक डासांमुळे खूप त्रस्त असतात. डासांमुळे डेंग्यू, मलेरिया, चिकनगुनिया यासारख्या अन्य अनेक आजारांचा धोका निर्माण होतो. या आजारांपासून आपल्या कुटुंबाचा बचाव करण्याचा सर्वात चांगला मार्ग म्हणजे घरामध्ये डासांची उत्पत्तीच होऊ न देणे. डेंग्यू आणि चिकनगुनिया पसरवणारे डास स्वच्छ आणि साठलेल्या पाण्यात अंडी घालतात, त्यामुळे घर आणि परिसराची नियमित तपासणी करणे आवश्यक आहे. काही टिप्स फॉलो केल्यास तुमचे घर डासमुक्त होऊ शकते. 'मधुकर रेनबो हॉस्पिटल'चे बालरोगतज्ज्ञ डॉक्टर पवन कुमार यांनी दिलेली सविस्तर माहिती जाणून घेऊया...
घराला डासांपासून कसे वाचवायचे?
पाण्याच्या टाक्या आणि भांडी स्वच्छ ठेवा: पाण्याच्या टाक्या, कुलर, बादल्या, कुंडीतील ट्रे आणि पाळीव प्राण्यांच्या पिण्याच्या पाण्याची भांडी आठवड्यातून किमान एकदा रिकामी करून व्यवस्थित स्वच्छ करा.
पाणी साचू देऊ नका: छतावरील पाण्याची टाकी नेहमी झाकून ठेवा, गटारांची नियमित साफसफाई करत राहा आणि जुने टायर, बाटल्या, नारळाच्या करवंट्या अशा वस्तूंमध्ये पावसाचे पाणी जमा होऊ देऊ नका.
जाळ्या आणि मच्छरदाणीचा वापर: घराचे दरवाजे आणि खिडक्यांना जाळ्या बसवून घ्या, गरज भासल्यास मच्छरदाणीचा वापर करा आणि विशेषतः लहान मुले, वृद्ध तसेच गरोदर महिलांना डास प्रतिबंधक क्रीम नक्की लावा.
(नक्की वाचा: Jamun Side Effects: जांभूळ खाल्ल्यानंतर चुकूनही खाऊ नका 'हे' 5 पदार्थ, अन्यथा आरोग्याचे होईल मोठे नुकसान)
पूर्ण बाह्यांचे कपडे वापरा: सकाळी आणि संध्याकाळच्या वेळेस डास जास्त सक्रिय असतात, तेव्हा पूर्ण बाह्यांचे कपडे घातल्याने डास चावण्याचा धोका कमी होतो.
परिसराची स्वच्छता: घर आणि आजूबाजूचा परिसर स्वच्छ ठेवा, झाडाझुडपांची वेळोवेळी छाटणी करा आणि कचऱ्याची योग्य विल्हेवाट लावा जेणेकरून डासांना पैदास होण्याची संधी मिळणार नाही.
(नक्की वाचा: Spider Bite Treatment: कोळी चावल्यानंतर काय करावे? WHOचे Technical Advisor ने दिला महत्त्वाचा सल्ला)
स्वतः औषधोपचार टाळा: जर घरातील कोणाला सतत ताप, अंगदुखी किंवा तीव्र डोकेदुखीचा त्रास होत असेल, तर उशीर न करता तत्काळ डॉक्टरांशी संपर्क साधा आणि स्वतःच्या मनाने औषधे घेणे टाळा.
(Disclaimer: NDTV Marathi या माहितीची जबाबदारी घेत नाही. अधिक माहितीसाठी तज्ज्ञ/डॉक्टरांचा सल्ला घ्यावा.)
Track Latest News Live on Marathi.NDTV.com and get news updates from India and around the world
