Independence Day 2025 Speech Ideas: प्रत्येक भारतीयाच्या जीवनातील अभिमानाचा दिवस म्हणजे स्वातंत्र्य दिन (Independence Day 2025). दरवर्षी 15 ऑगस्ट रोजी प्रत्येक नागरिक हा दिवस मोठ्या उत्साहाने आणि देशभक्तीच्या वातावरणात साजरा करतो. 1947 साली याच दिवशी भारताने ब्रिटिश सत्तेपासून कायमची मुक्तता मिळवली आणि एक स्वतंत्र राष्ट्र म्हणून आपली ओळख निर्माण केली. या स्वातंत्र्यामागे असंख्य स्वातंत्र्यसैनिकांचे बलिदान, त्याग आणि मोठा संघर्ष दडलेला आहे. महात्मा गांधी (Mahatma Gandhi), नेताजी सुभाषचंद्र बोस (Netaji Subhashchandra Bose), पंडित नेहरू (Pandit Nehru), लोकमान्य टिळक (Lokmanya Bal Gangadhar Tilak) यांसारख्या नेत्यांच्या प्रेरणेमुळे आणि लाखो जनतेच्या सहभागामुळे स्वातंत्र्य संग्राम यशस्वी झाला. या दिवशी सरकारी, खासगी संस्थांसह शाळा, महाविद्यालयांमध्येही स्वातंत्र्य दिवस (Independence Day 2025) साजरा केला जातो. शाळकरी विद्यार्थी या दिवशी स्पर्धांमध्ये सहभाग नोंदवून भाषणाचे सादरीकरणही करतात. शाळकरी विद्यार्थ्यांना खालील पाच भाषणांची नक्कीच मदत मिळून शकते.
15 ऑगस्ट | स्वातंत्र्य दिनानिमित्त भाषण | Independence Day 2025 Speech in Marathi for Students
स्वातंत्र्य दिनाचे भाषण 1 | Independence Day 2025 Speech
नमस्कार सर्व शिक्षक, पालक आणि प्रिय मित्रांनो,
आज 15 ऑगस्ट (15th August) आपला स्वातंत्र्य दिन (Independence Day 2025) आहे.
1947 साली बऱ्याच वर्षांच्या संघर्षानंतर भारत देशाला ब्रिटिश शासनापासून स्वातंत्र्य मिळाले.
या स्वातंत्र्यासाठी महात्मा गांधी (Mahatma Gandhi), नेताजी सुभाषचंद्र बोस (Netaji Subhashchandra Bose), शहीद भगत सिंग (Shaheed Bhagat Singh), झाशी राणी (Rani of Jhansi) यासारख्या असंख्य शूरवीरांनी बलिदान दिले.
आज आपण जे मोकळेपणाने श्वास घेतो, शिक्षण घेतोय, ते त्यांच्या त्यागामुळेच आहे.
आपण सर्वांनीच त्यांचे स्मरण करायला हवे आणि देशासाठी काहीतरी चांगले करायचे ठरवायला हवे.
शिस्त, प्रामाणिकपणा, देशप्रेम आणि मेहनत हीच त्यांना खरी श्रद्धांजली ठरेल.
आपण चांगले नागरिक होऊन आपल्या भारत देशाचे नाव उज्ज्वल करूया.
जय हिंद! वंदे मातरम!
स्वातंत्र्य दिनाचे भाषण 2 | Independence Day 2025 Speech In Marathi Bhasha
सुप्रभात,
मी आज इथे 15 ऑगस्ट "स्वातंत्र्य दिनानिमित्त" (Independence Day 2025 Speech Ideas) तुमच्याशी खास संवाद साधण्यासाठी आलोय/ आलेय.
आजच्याच दिवशी 1947 साली आपल्या भारत देशाला स्वातंत्र्य मिळाले.
पूर्वी आपला देश ब्रिटिशांच्या बेडीत अडकला होता, आपल्याला बोलायचे स्वातंत्र्य नव्हते, शिकायचेही स्वातंत्र्य नव्हते.
तेव्हा आपल्या वीर स्वातंत्र्यसैनिकांनी आपले सर्वस्व पणाला लावून स्वातंत्र्याचा हा लढा लढला.
आज आपण स्वातंत्र्याचा आनंद घेत आहोत, पण त्यामागे खूप मोठे बलिदान आहे.
आपण फक्त झेंडा फडकवून थांबू नये, तर देशासाठी काहीतरी चांगलंही करायला हवे.
प्रत्येकाने आपले काम प्रामाणिकपणे केले, तर आपला भारत देश अधिक महान होईल.
चला आजपासून आपण चांगले विद्यार्थी आणि चांगले नागरिक होऊया.
जय हिंद! जय भारत!
स्वातंत्र्य दिनाचे भाषण 3 | Independence Day 2025 Speech
नमस्कार,
आज आपल्यासाठी खूप महत्त्वाचा आणि अभिमानाचा दिवस आहे 15 ऑगस्ट, स्वातंत्र्य दिन (Independence Day 2025)!
ही ती तारीख आहे, ज्या दिवशी आपला देश ब्रिटिश राजवटीतून मुक्त झाला.
आपल्या देशाच्या स्वातंत्र्यासाठी असंख्य लोकांनी त्याग केला, तुरुंगवास भोगला आणि आपले जीवनही दिले.
महात्मा गांधींनी सत्य आणि अहिंसा या मार्गाने आपल्याला स्वातंत्र्य मिळवून दिले.
आज आपण तिरंग्यासमोर उभे आहोत, देशभक्तीची गाणी गात आहोत, पण हे सर्व शक्य झालं, कारण शूरवीरांनी लढा दिला.
आपण त्यांचे ऋण विसरू नये आणि स्वतःमध्ये चांगले गुण विकसित करून देशासाठी काम करायला हवे.
आपण शिकून, प्रामाणिकपणे काम केले तर आपल्याला हे स्वातंत्र्य टिकवता येईल.
चला आपण भारतमातेला वचन देऊ देशासाठी प्रामाणिकपणे जपू.
वंदे मातरम! जय हिंद!
(नक्की वाचा: Happy Independence Day 2025 Wishes: बलसागर भारत होवो, विश्वात शोभुनी राहो! स्वातंत्र्यदिनानिमित्त पाठवा खास शुभेच्छा)
स्वातंत्र्य दिनाचे भाषण 4 | Independence Day 2025 Speech
सुप्रभात सर्व शिक्षक, पालक आणि मित्रांनो,
आज आपण स्वातंत्र्य दिन (Independence Day 2025) मोठ्या उत्साहामध्ये साजरा करतोय.
भारताला स्वातंत्र्य मिळाल्यापासून अनेक गोष्टी घडल्या आहेत. आपण शिक्षण, विज्ञान, कला, खेळ या क्षेत्रांमध्ये पुढे गेलो.
ही प्रगती आपल्या स्वातंत्र्यसैनिकांच्या त्यागामुळेच शक्य झाली.
आपल्याला आता हे स्वातंत्र्य टिकवायचंय आणि देशाला आणखी पुढे न्यायचंय.
त्यासाठी आपल्याला शिस्त, मेहनत, देशभक्ती आणि एकमेकांप्रती प्रेम हे गुण अंगीकारावे लागतील.
आज आपण जो तिरंगा फडकवतोय, तो आपल्या देशाच्या अस्मितेचा मान आहे.
म्हणून तो उंचच राहिला पाहिजे आणि आपणही चांगल्या विचारांनी जगायला शिकावे.
चला आपण सारे मिळून देशासाठी काहीतरी चांगले करूया.
जय हिंद! जय महाराष्ट्र!
(नक्की वाचा: Independence Day 2025 Wishes: हे राष्ट्र देवतांचे, हे राष्ट्र प्रेषितांचे! स्वातंत्र्यदिनानिमित्त पाठवा खास शुभेच्छा)
स्वातंत्र्य दिनाचे भाषण 5 | Independence Day 2025 Speech Tips In Marathi Languageनमस्कार सर्वांना,
आज 15 ऑगस्ट हा दिवस आपल्या भारताच्या स्वातंत्र्याचा दिवस (Independence Day 2025) आहे.
हा दिवस केवळ सण नाही तर तो त्याग, बलिदान आणि प्रेरणेचा दिवस आहे.
स्वातंत्र्य सैनिकांनी आपले आयुष्य देशासाठी अर्पण केले.
त्यांच्या त्यागामुळे आज आपण प्रगती करत आहोत.
छोट्या वयात आपण काय करू शकतो?
तर अभ्यास, शिस्त आणि इतरांना मदत हेच आपले देशसेवेचे काम आहे.
तिरंगा फडकवणं म्हणजे देशासाठी अभिमान बाळगणं आणि तो फक्त एका दिवशी नको, तर रोज असायला हवा.
चला चांगले विद्यार्थी आणि नागरिक बनूया.
जय हिंद! वंदे मातरम!
(Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)
Track Latest News Live on Marathi.NDTV.com and get news updates from India and around the world
