Navratri 2025 Goddess By Zodiac Sign: हिंदू धर्मामध्ये दुर्गादेवीचा उत्सव म्हणजे नवरात्र सण अतिशय शुभ मानला जातो. म्हणूनच भाविक वर्षभर चैत्र, शारदीय आणि गुप्त नवरात्रौत्सवाची आतुरतेने वाट पाहतात. या सणांदरम्यान देवीच्या विविध रुपांची पूजा करण्याची परंपरा आहे. नवरात्राच्या नऊ दिवसांत दुर्गामातेच्या नऊ स्वरुपांची मनोभावे पूजा करुन आशीर्वाद मिळवला जातो. दरम्यान नवरात्रीमध्ये तुमच्या राशीनुसार देवीची पूजा केल्यास चांगले लाभ मिळतात, असे म्हणतात. जाणून घेऊया याबाबत सविस्तर माहिती...
राशीनुसार कोणत्या देवीची पूजा करावी? | Navratri 2025 Goddess By Zodiac Sign
1. मेष रास
शैलपुत्री मातेची उपासना करावी. पण जर तुम्हाला दहा महाविद्यांची साधना करायची असेल तर तारा देवीची पूजा करा.
2. वृषभ रास
वृषभ रास असणाऱ्या लोकांनी चैत्र आणि शारदीय नवरात्रीमध्ये ब्रह्मचारिणी देवीची पूजा करावी, तर गुप्त नवरात्रात षोडशी मातेची उपासना करावी.
3. मिथुन रास
मिथुन राशीच्या लोकांनी चंद्रघंटा मातेची पूजा करावी, गुप्त नवरात्रीमध्ये भुवनेश्वरी देवीची पूजा करावी.
4. कर्क रास
कर्क राशीच्या लोकांनी सिद्धिदात्री मातेची पूजा करावी, तर गुप्त नवरात्रीमध्ये कमलादेवीची उपासना करणे अधिक फलदायी ठरेल.
Photo Credit: PTI
5. सिंह रास
सिंह राशीच्या लोकांनी चैत्र आणि शारदीय नवरात्रीमध्ये कालरात्री देवीची आराधना करावी, तर गुप्त नवरात्रीमध्ये बगलामुखी देवीची विधीवत पूजा करावी.
6. कन्या रास
देवीची कृपादृष्टी मिळवण्यासाठी कन्या राशीच्या लोकांनी चंद्रघंटा मातेची पूजा करावी. तर गुप्त नवरात्रीमध्ये भुवनेश्वरी मातेची उपासना करावी.
(नक्की वाचा : Navratri 2025 Kanya Pujan: शारदीय नवरात्रीत अष्टमी आणि नवमी तिथीला कन्या पूजन कसे करावे? संपूर्ण विधी आणि महत्त्व वाचा)
7. तुळ रास
ब्रह्मचारिणी मातेची पूजा करावी, गुप्त नवरात्रीमध्ये षोडशी देवीची उपासना करावी.
8. वृश्विक रास
वृश्चिक राशीच्या लोकांनी शारदीय नवरात्रीमध्ये शैलपुत्री मातेची पूजा करावी आणि गुप्त नवरात्रीमध्ये तारा मातेची पूजा केल्यास विशेष फळ मिळेल.
Photo Credit: PTI
9. धनु रासचैत्र आणि शारदीय नवरात्रीत सिद्धिदात्री देवीची पूजा करणं अत्यंत शुभ-फलदायी ठरेल. गुप्त नवरात्रीमध्ये कमला देवीची उपासना करावी.
10. मकर रासमकर राशीने नवरात्रीमध्ये सिद्धिदात्री मातेची पूजा करावी, गुप्त नवरात्रीमध्ये देवी दुर्गेची पूजा करावी. तसेच काली मातेची विशेष पूजा करावी.
11. कुंभ रासशारदीय आणि चैत्र नवरात्रीमध्ये सिद्धिदात्री देवीची विशेष पूजा करावी. तर गुप्त नवरात्रीमध्ये काली मातेची पूजा करणे फलदायी ठरेल.
Photo Credit: PTI
12. मीन रासमीन राशीच्या लोकांनी शारदीय आणि चैत्र नवरात्रीमध्ये सिद्धिदात्री देवीची विशेष स्वरुपात साधना करावी. गुप्त नवरात्रीमध्ये कमला मातेची पूजा करणे शुभ ठरेल.
(नक्की वाचा: Navratri 2025: गरबा खेळताना टाळी तीनदा का वाजवली जाते? काय आहे यामागील रहस्य)
(Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)
Track Latest News Live on Marathi.NDTV.com and get news updates from India and around the world
