Parenting Tips: रामायण ही केवळ कथा नाहीय, तर महान काव्यांच्या यादीमध्येही याचा उल्लेख केला जातो. या व्यतिरिक्त रामायणाद्वारे कित्येक गोष्टींचे धडे देखील घेतले जाऊ शकतात. जीवन योग्य पद्धतीने जगायचे असेल तर लहानांपासून थोरांनाही रामायणातील गोष्टींमुळे मदत मिळू शकते. यातील विविध कथांमुळे नातेसंबंध जपण्याव्यतिरिक्त एखाद्याला चांगला व्यक्ती म्हणून घडण्यासाठीही प्रेरणा मिळते. म्हणूनच पालकांनी आपल्या मुलांना रामायणातील कथा सांगितल्या पाहिजेत. जेणेकरून नातेसंबंध आणि आदर्श जीवन उत्तमरित्या कसे घडवायचे, हे त्यांना समजण्यास मदत मिळेल. रामायणातील या पाच गोष्टी प्रामुख्याने तुमच्या मुलांना नक्कीच शिकवा.
Photo Credit: Canva
रामायणातील महत्त्वाच्या पाच गोष्टी (5 Things Children Should Learn From Ramayana)
नातेसंबंधांमध्ये एकजुटता महत्त्वाची
कुटुंबाप्रमाणे नेहमी एकत्रित उभे राहण्याची शिकवण प्रभू श्री रामांकडून शिकायला मिळते. एकतेचे फळ जीवनात येणाऱ्या प्रत्येक आव्हानावर मात करण्यासाठी तुम्हाला बळ देईल. नातेसंबंधांना आपण सर्वात उच्च स्थान दिले की जीवनातील आपले मूल्य आणि सन्मान आपोआप वाढते, असे रामायण आपल्याला शिकवते.
Photo Credit: Canva
(नक्की वाचा: Dussehra Wishes: वाईटावर चांगल्याचा विजय! नातेवाईकांसह मित्रपरिवारालाही पाठवा दसऱ्याच्या खास शुभेच्छा)
नकारात्मक लोकांपासून दूर राहा
स्वतःला नकारात्मक लोकांपासून दूर ठेवा. एक नकारात्मक मन तुमच्यातील सर्व चांगुलपणा सहजरित्या नष्ट करू शकते.
माफ करणे
स्वभाव क्षमाशील असणे गरजे आहे, हे देखील आपल्याला प्रभू श्री रामांकडून शिकायला मिळते. राग आणि सूड घेतल्याने कोणाचेही भले होत नाहीत. सुडबुद्धी आपल्याला चांगल्या गोष्टी करू देत नाहीत.
Photo Credit: Canva
(नक्की वाचा: Navratri Colours 2024: नवरात्रीच्या 9 दिवसांचे 9 रंग, जाणून घ्या प्रत्येक रंगाचे महत्त्व)
जात-धर्माच्या पलिकडे विचार करा
जात, धर्म किंवा रंगाचा विचार न करता प्रभू श्री राम यांनीही सर्वांना समान वागणूक दिली होती. याद्वारे आपण जात, धर्म, रंग, दर्जाच्या आधारावर कोणाशीही भेदभाव करू नये, ही शिकवण रामायणाद्वारे मिळते.
(नक्की वाचा: प्रभू श्रीरामाच्या नावावरून तुमच्या मुलाचे ठेवा सुंदर आणि अर्थपूर्ण नाव)
वाईटावर चांगल्याचा विजय
जीवनामध्ये कितीही परिस्थिती वाईट आली तरीही वाईटावर चांगल्याचा नेहमीच विजय होतो, हे देखील रामायण शिकवते. म्हणून धीर बाळगा आणि योग्य मार्गावर चालत राहा.
Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.
