Ear Wax Removal: कान साफ करण्याचा 'हा' आहे सुरक्षित मार्ग; 5 घरगुती उपायांनी मळ होईल छू-मंतर!

Ear Wax Removal Home Remedies: कान साफ करायचा म्हणजे लगेच कानात कॉटन बड्स किंवा सेफ्टी पिन टाकणं अनेकांना सोपं वाटतं. पण, यामुळे तुमचे कान खराब होऊ शकतात! कान आपल्या शरीराचा एक अत्यंत संवेदनशील अवयव आहे. तो केवळ ऐकण्यासाठीच नाही, तर शरीराचा समतोल राखण्यासाठीही महत्त्वाचा असतो. कानामध्ये नैसर्गिकरित्या तयार होणारा 'ईअरवॅक्स' (Earwax) किंवा 'कानचा मळ' (कचरा) धूळ आणि जंतूंपासून कानाचे संरक्षण करतो. मात्र, हा मळ प्रमाणापेक्षा जास्त जमा झाल्यास खाज, दुखणं, जड वाटणं आणि ऐकण्यास त्रास होणं अशा समस्या सुरू होतात.

तुमच्या कानाला कोणताही धोका न पोहोचवता, तो सुरक्षितपणे कसा साफ करायचा? त्यासाठी आम्ही तुम्हाला 5 अतिशय सोपे आणि प्रभावी घरगुती उपाय (Home Remedies for Ear Wax Removal) सांगणार आहोत, ज्यामुळे कानातील मळ आपोआप बाहेर पडायला लागेल!

अनेकदा लोक कानातील मळ काढण्यासाठी कापूस (Cotton Swabs) किंवा कोणतीही टोकदार वस्तू वापरतात, जे अत्यंत धोकादायक ठरू शकते. यामुळे मळ आणखी आत ढकलला जातो आणि कानाला इजा होण्याची शक्यता असते. म्हणून, कान सुरक्षितपणे साफ करणे महत्त्वाचे आहे.

यासाठी खालील 5 नैसर्गिक आणि घरगुती उपाय नक्कीच उपयोगी ठरतील

1. कोमट नारळ तेल (Coconut Oil) 

नारळ तेल कानाच्या आत जमा झालेला मळ मऊ (Soft) करण्यास मदत करते, ज्यामुळे तो बाहेर काढणे सोपे होते.
कसे वापरणार: रात्री झोपण्यापूर्वी 2 ते 3 थेंब कोमट नारळ तेल ड्रॉपरच्या मदतीने कानात टाका. तेल खूप गरम नाही याची काळजी घ्या.
पद्धत: तेल टाकल्यानंतर काही वेळ डोके एका बाजूला झुकवून ठेवा. सकाळी हलक्या हाताने कान साफ करा. कान कोरडा असेल आणि कोणताही संसर्ग नसेल, तरच हा उपाय करा.

( नक्की वाचा : Diwali Tips and Tricks: मोठी समस्या संपली! घरात उंदीर असतील तर न मारता पळवून लावण्यासाठी लगेच वापरा ही ट्रिक )
 

2. ऑलिव्ह ऑईल (Olive Oil) 

ऑलिव्ह ऑईलमध्ये (जैतुण तेल) असलेले अँटीबॅक्टेरियल गुणधर्म कानाला संसर्गापासून (Infection) वाचवतात. हे तेल हळूहळू मळ सैल (Loose) करते.
कसे वापरणार: 2 थेंब ऑलिव्ह ऑईल कानात टाका.
पद्धत: 5 ते 10 मिनिटे डोके झुकवून ठेवा. त्यानंतर हलक्या कापडाने बाहेरील भाग स्वच्छ करा.

3. लिंबू रस (Lemon Juice) 

लिंबू रस नैसर्गिकरित्या हलका आम्लधर्मी (Acidic) असतो, जो कानातील मळ मऊ करण्यास मदत करतो.
कसे वापरणार:  1 थेंब लिंबाचा रस आणि 2 थेंब पाणी एकत्र करून कानात टाका.
पद्धत: 5 मिनिटांनंतर डोके सरळ करा आणि बाहेरील भाग साफ करा. जर कानात जळजळ (Burning Sensation) जाणवली, तर लगेच हा उपाय थांबवा.

4. मीठ मिश्रित कोमट पाणी (Saline Water) 

कान साफ करण्याचा हा सर्वात सोपा आणि प्रभावी उपाय आहे. मीठ-पाणी कानातील मळ सैल करून बाहेर काढण्यास मदत करते.
कसा वापरणार: अर्धा चमचा मीठ कोमट पाण्यात मिसळा. ड्रॉपरने 2 ते 3 थेंब हे पाणी कानात टाका.
पद्धत: काही मिनिटांनंतर डोके सरळ करून कान स्वच्छ करा.

5. पाण्याची वाफ (Steam Inhalation) 

कानात काहीही न टाकता साफसफाई करण्याचा हा एक उत्तम नैसर्गिक मार्ग आहे. वाफेमुळे कानाच्या आतील मळ मऊ होतो आणि हळूहळू बाहेर येतो.
कसे वापरणार: गरम पाण्याची वाफ घ्या (Steam Inhalation).
पद्धत: वाफ घेताना डोके थोडेसे वाकवा (झुकवा) जेणेकरून वाफ कानापर्यंत पोहोचेल. नंतर हलक्या कपड्याने कानच्या बाहेरील भागाची सफाई करा.

कान साफ करताना या गोष्टी करू नका!

सुरक्षित उपाय करताना खालील चुका टाळणे आवश्यक आहे:

कानचा मळ किंवा 'ईअरवॅक्स' तुमच्या शरीरासाठी एक प्रकारे संरक्षक कवचच आहे. पण जेव्हा तो प्रमाणापेक्षा जास्त होतो, तेव्हा तो त्रासदायक ठरतो. कान साफ करणे सोपे आहे, फक्त त्यासाठी योग्य आणि सुरक्षित पद्धत वापरणे महत्त्वाचे आहे.

( स्पष्टीकरण: ही संपूर्ण बातमी सामान्य ज्ञानावर आधारित आहे. याचे अनुकरण करण्यापूर्वी तुमच्या डॉक्टरांचा सल्ला घ्या. NDTV नेटवर्क यामधील कोणत्याही परिणामांना जबाबदार नाही.)