- वास्तुशास्त्रानुसार घरात स घोड्यांचे चित्र पूर्व किंवा दक्षिण दिशेला करणे शुभ मानले जाते
- पूर्व दिशा सकारात्मकता आणि नवीन सुरुवातीशी संबंधित असते तर दक्षिण दिशा यशस्वीतेशी जोडलेली असते
- चित्रात सर्व 7 घोडे एकाच दिशेला उभे असावे आणि ते ऊर्जावान तसेच आनंदी दिसावेत
7 Horses Painting Direction: वास्तुशास्त्रात सात धावणाऱ्या घोड्यांचे चित्र किंवा पेंटिंग हे प्रगती, शक्ती आणि यशाचे प्रतीक मानले जाते. पण याचा पूर्ण लाभ तेव्हाच मिळतो जेव्हा ते चित्र किंवा पेंटिंग घरामध्ये योग्य दिशा आणि नियमांचे पालन करून लावले जाते. अनेकदा लोक घराची सजावट वाढवण्यासाठी हे चित्र कोणत्याही दिशेच्या भिंतीवर लावतात, पण चुकीच्या दिशेला हे चित्र लावणे अशुभ मानले जाऊ शकते. अशा परिस्थितीत जर तुम्हीही सात घोड्यांचे चित्र घरात लावण्याचा विचार करत असाल, तर ही माहिती तुमच्यासाठीच आहे. या लेखाद्वारे आपण योग्य दिशा आणि वास्तूशी संबंधित नियम जाणून घेऊया...
कोणत्या दिशेला लावावे चित्र? | 7 Horses Painting Direction
वास्तुशास्त्रानुसार घरामध्ये सात घोड्यांचे चित्र किंवा पेंटिंग नेहमी पूर्व किंवा दक्षिण दिशेलाच लावले पाहिजे. मान्यतेनुसार पूर्व दिशेचा संबंध सकारात्मकता आणि नवीन सुरुवातीशी असतो. याशिवाय दक्षिण दिशेचा संबंध यशाशी मानला जातो. त्यामुळे घरामध्ये सात घोड्यांचे चित्र या दोन दिशांना लावणे अत्यंत शुभ मानले जाते.
(नक्की वाचा : 6 May 2026 Panchang: सावधान! आजच्या पंचांगानुसार हे 2 काळ अत्यंत घातक; महत्त्वाची कामे करण्यापूर्वी वेळ तपासा)
पांढऱ्या घोड्यांचे पेंटिंग कसं असावं? | Vastu Shastra Marathi
सात घोड्यांचे चित्र खरेदी करताना काही गोष्टींची काळजी घेणे अतिशय आवश्यक आहे. चित्रात सर्व सात घोडे एकत्र आणि एकाच दिशेला धावताना असतील, याची खात्री करा. तसेच घोडे ऊर्जावान आणि आनंदी दिसले पाहिजे. कधीही अस्पष्ट किंवा धुसर प्रतिमा खरेदी करू नका, कारण यामुळे घरात नकारात्मक प्रभाव पडू शकतो.
(नक्की वाचा: Temple Bell: मंदिरात पाऊल ठेवताच घंटी का वाजवतात? केवळ परंपरा नाही, तर यामागे दडलंय मोठं शास्त्रीय गुपित!)
घरात चित्र कुठे लावणे शुभ ठरेल?वास्तुशास्त्रानुसार सात घोड्यांचे चित्र घरातील लिव्हिंग रूम किंवा ड्रॉइंग रूमच्या भिंतीवर लावले जाऊ शकते. याशिवाय तुम्ही हे चित्र अशा ठिकाणी लावू शकता जिथे घरातील सदस्य जास्त वेळ घालवतात. यामुळे सकारात्मकता संपूर्ण घरात पसरते.
या गोष्टींची काळजी घ्या
सात घोड्यांचं पेंटिंग नेहमी अशा ठिकाणी लावा जिथे उजेड चांगला असेल. याशिवाय तुटलेले, फाटलेले किंवा अस्वच्छ चित्र लावणे टाळावे. यामुळे सकारात्मकतेऐवजी घरामध्ये नकारात्मक ऊर्जा निर्माण होऊ शकते.
Photo Credit: NDTV Marathi
(Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)
Track Latest News Live on Marathi.NDTV.com and get news updates from India and around the world
