How to lose weight: सध्याच्या धावपळीच्या आणि चुकीच्या जीवनशैलीमुळे वजन वाढण्याची समस्या अनेक लोकांना भेडसावत आहे. वाढलेले वजन केवळ शरीराच्या सौंदर्यावरच नाही, तर आरोग्यावरही वाईट परिणाम करते. लोक वजन कमी करण्यासाठी अनेक उपाय करतात, पण यश काही प्रमाणातच मिळते.
मात्र, डॉक्टर आणि उद्योजक भावना आनंद यांनी त्यांच्या फिटनेस प्रवासातून हे सिद्ध केले आहे की शिस्तबद्धता आणि काही छोट्या सवयी मोठे बदल घडवून आणू शकतात. त्यांनी फक्त तीन वर्षांत 27 किलो वजन घटवले आहे आणि आता त्या इतरांनाही प्रेरणा देत आहेत.
भावना आनंद यांनी इन्स्टाग्रामवर आपल्या फॉलोअर्ससोबत ही माहिती शेअर केली आहे की, त्यांनी 84 किलोवरून 56.6 किलो वजनाचा प्रवास कसा केला. भावना आनंद यांनी त्यांच्या फिटनेस प्रवासातील तीन महत्त्वाच्या सवयींबद्दल सांगितले आहे.
तीन सवयी ज्यामुळे बदललं आयुष्य?
1. रेझिस्टन्स ट्रेनिंग : त्यांच्या फिटनेस प्रवासात रेझिस्टन्स ट्रेनिंग आणि प्रोग्रेसिव्ह ओव्हरलोडचा महत्त्वाचा वाटा होता. नियमितपणे वर्कआउट केल्यामुळे त्यांना त्यांची ताकद आणि प्रगती समजण्यास मदत झाली.
2. प्रोटीनयुक्त आहार : भावना दररोज प्रोटीनने भरलेले जेवण घेत असत. त्यांचे म्हणणे आहे की, स्नायूंच्या वाढीसाठी, रिकव्हरीसाठी आणि शरीराच्या पौष्टिक संतुलनासाठी प्रोटीन खूप महत्त्वाचे आहे.
3. पुरेशी झोप : तिसरी सर्वात महत्त्वाची सवय म्हणजे वेळेवर आणि पुरेशी झोप. लवकर जेवण करणे, लवकर झोपणे आणि सकाळी लवकर उठणे या सवयींमुळे त्यांच्या शरीराला योग्य विश्रांती मिळाली आणि त्यांची ऊर्जा पातळी वाढली.
महिलांसाठी खास संदेश
भावना आनंद यांनी महिलांसाठी एक खास संदेश दिला आहे. त्या म्हणाल्या की, 30 वर्षांनंतर स्नायूंचे नुकसान होणे आणि ऊर्जा कमी होणे सामान्य आहे. 35 वर्षांनंतर हार्मोनल बदल आणि हळू मेटाबॉलिझमचा सुद्धा शरीरावर परिणाम होतो. पण जर महिलांनी स्ट्रेंथ ट्रेनिंग, प्रोटीनयुक्त आहार आणि पुरेशी झोप या सवयींचा अवलंब केला, तर हे सर्व बदल सकारात्मक बनू शकतात.
(डिस्क्लेमर: एनडीटीव्ही या व्हायरल व्हिडिओची अचूकता आणि सत्यता तपासत नाही. हा लेख पूर्णपणे व्हायरल व्हिडिओमधील माहितीवर आधारित आहे.)
