Buttermilk Health Benefits : ताक हे एक नैसर्गिक हेल्थ ड्रिंक आहे,जे सर्वांना आवडते.याला बटरमिल्क असेही म्हणतात.उन्हाळ्यात जेवणानंतर ताक पिण्याची सवय अनेकांना असते. ताक प्यायल्याने शरीराला थंडावा तर मिळतोच,पण पचनक्रियाही सुधारते.रोज ताक प्यायल्याने पचनक्रिया,यकृत,मूत्रपिंड,हृदय आणि त्वचेवर जबरदस्त परिणाम होतो. ताकात असलेले प्रोबायोटिक्स,जीवनसत्त्वे,खनिजे,इलेक्ट्रोलाइट्स आणि एन्झाइम्स यामुळे शरीर डिटॉक्स होते,सूज कमी करते आणि रोगप्रतिकारक शक्ती वाढवते. ज्यांना अॅलर्जी आहे किंवा जे सर्दी,खोकला,फ्लू किंवा तापाने त्रस्त आहेत,त्या लोकांनी छास पिऊ नये.ताक कोणत्या आजारासाठी फायदेशीर आहे,त्यात कोणती जीवनसत्त्वे असतात आणि सकाळी रिकाम्या पोटी ताक प्यायल्याने शरीराला कोणते फायदे मिळतात? जाणून घ्या सविस्तर माहिती.
जर तुम्ही रोज दुपारी जेवणासोबत ता घेत असाल,तर ते जेवण पचवण्यास मदत करतेच,शिवाय तुमचे पोटही स्वच्छ करते.रोजच्या आहारात ताकाचा समावेश नक्की करा. यात असलेले लॅक्टिक अॅसिड पोटातील आम्लाचे प्रमाण संतुलित करून गॅस आणि जळजळ दूर करते.नियमितपणे ताक प्यायल्याने बद्धकोष्ठतेची समस्या देखील दूर होते.एवढेच नाही,जर तुम्ही रोज दुपारी ताकात काळे मीठ मिक्स करत असाल,तर तुमची पचनक्रिया सुधारेल आणि पोटातील जळजळीशी संबंधित आजारही दूर होतील. ताक पोटातील सूज कमी करण्यास मदत करतं. जर कोणाला अल्सर होण्याचा धोका असेल किंवा पोटात जळजळ होत असेल,तर ताक अत्यंत फायदेशीर ठरते.
नक्की वाचा >>Alcohol Precautions : दारू प्यायल्यानंतर उल्टी होते? 'या' गोष्टी लगेच करा, टल्ली झाल्यावरही नशा झटपट उतरेल!
ताक कधी पिऊ नये?
ताप,सर्दी-खोकला,घशात खवखव,सांधेदुखी किंवा सूज असल्यास ताक अजिबात पिऊ नये.याशिवाय,दुपारी १२ नंतर आणि रात्री छास पिणे टाळावे,कारण ते आरोग्यासाठी योग्य नाही."
ताक पिण्याचे हे फायदे तुम्हाला आश्चर्यचकित करतील
1) पोट स्वच्छ करते
ताकात असलेले प्रोबायोटिक्स पोट स्वच्छ ठेवून पचनक्रिया सुधारण्यास मदत करतात.जेवणानंतर ताक प्यायल्याने अन्न पचते आणि पोट हलके वाटते.
2) वजन कमी होते
ताकात फॅटचे प्रमाण खूप कमी असते आणि ते पोट बराच वेळ भरलेले ठेवते.वजन कमी करायचे असल्यास हे एक उत्तम पेय ठरू शकते.
नक्की वाचा >> Research Study: 21 सेकंद लघवी करण्याचा नियम काय आहे? निरोगी राहायचंय? मग वाचा याचे जबरदस्त फायदे
3) डिहायड्रेशनपासून बचाव करते
ताकाचे सेवन शरीराला आतून थंड ठेवते.आहारात याचा समावेश केल्याने पोट ठीक राहतेच,शिवाय डिहायड्रेशनपासूनही बचाव होतो.
4) ब्लड प्रेशर नियंत्रित करते
ताकात पोटॅशियम आणि मॅग्नेशियमसारखी खनिजे असतात, जी रक्तदाब नियंत्रित ठेवण्यास मदत करतात.त्यामुळे उच्च रक्तदाब असलेल्या रुग्णांसाठी हे फायदेशीर ठरते.
Disclaimer: NDTV Marathi या माहितीची जबाबदारी घेत नाही. अधिक माहितीसाठी तज्ज्ञ/डॉक्टरांचा सल्ला घ्यावा.
Track Latest News Live on Marathi.NDTV.com and get news updates from India and around the world
