Why Tissue Paper is White: घर असो, ऑफिस असो किंवा एखादे हॉटेल-रेस्टॉरंट, टिश्यू पेपरचा (Tissue Paper) वापर आज प्रत्येक ठिकाणी केला जातो. पण तुम्ही कधी विचार केला आहे का की, टिश्यू पेपर हा पांढऱ्याच रंगाचाच का असतो? हे फक्त दिसण्यापुरते मर्यादित नाही तर यामागे आरोग्य, स्वच्छता आणि पर्यावरणाशी जोडलेली अनेक कारणे आहेत. याच कारणामुळे जगभरात सर्वात जास्त पांढऱ्या रंगाच्या टिश्यू पेपरचाच वापर केला जातो.
पांढरा रंगच का?
पांढरा रंग सामान्यतः शुद्धता आणि स्वच्छतेशी संबंधित जोडला जातो. टिश्यू पेपरचा वापर चेहरा, हात किंवा खाण्यापिण्याच्या गोष्टींशी संबंधित असतो म्हणूनच पांढरा रंग लोकांमध्ये स्वच्छ आणि सुरक्षित असल्याचा विश्वास निर्माण करतो.
ॲलर्जीचा धोका कमी असतो
रंगीत टिश्यू पेपर तयार करण्यासाठी डाय (रंग) आणि केमिकल्सचा वापर केला जातो. काही लोकांची त्वचा अतिसंवेदनशील (Sensitive Skin) असते, अशा परिस्थितीत रंगांमध्ये असलेले घटक ॲलर्जी किंवा त्वचेच्या जळजळीचे कारण बनू शकतात. याउलट पांढऱ्या रंगाच्या टिश्यू पेपरमध्ये असे रंग नसतात म्हणूनच ते त्वचेसाठी अधिक सुरक्षित मानले जातात.
(नक्की वाचा : Swiftlet Saliva Nest: सोन्याहून महाग 'या' चिमणीची लाळ! पांढऱ्या सोन्याचा बाजारात धुमाकूळ, कारण जाणून व्हाल थक्क)
स्किन इन्फेक्शनचा धोका कमी
चेहरा आणि त्वचेवर वापरल्या जाणाऱ्या गोष्टींमध्ये जितके कमी केमिकल असतील, तितके ते अधिक सुरक्षित मानले जाते. पांढऱ्या टिश्यू पेपरमध्ये रंग मिसळण्याची गरज भासत नाही, ज्यामुळे त्वचेवर रिॲक्शन किंवा इन्फेक्शन होण्याचा धोका कमी होऊ शकतो.
टिश्यू पेपर लवकर विरघळतो
टिश्यू पेपर अशा प्रकारे तयार केला जातो की, तो पाण्याच्या संपर्कात आल्यावर सहज आणि लवकर विरघळावा. पांढऱ्या टिश्यू पेपरमध्ये सहसा रंग आणि जड केमिकल्स मिसळले जात नाहीत, त्यामुळे त्याची विल्हेवाट लावणे (विघटन होणे) सोपे जाते.
(नक्की वाचा : Frequent Urination Symptoms: रात्री वारंवार लघवी होते? असू शकतो हा भयंकर कॅन्सर, डॉक्टरांनी सांगितले 3 मोठी लक्षणं)
प्रदूषणापासून बचावासाठी मदत
रंगीत टिश्यू पेपर तयार करण्यासाठी अनेक प्रकारच्या केमिकल्सचा वापर केला जातो. दुसरीकडे पांढऱ्या टिश्यू पेपरमध्ये कमी केमिकल्स वापरले जातात, ज्यामुळे पर्यावरणाला कमी नुकसान पोहोचते. तसेच हा कचरा टाकणे किंवा नष्ट करणे देखील सोपे होते.
पांढरा टिश्यू पेपर बनवणे पडते स्वस्त
टिश्यू पेपरचे उत्पादन मोठ्या प्रमाणावर केले जाते. त्यामध्ये वेगवेगळे रंग आणि डिझाइन्स जोडल्यास उत्पादन खर्च (Production Cost) वाढू शकतो. अशा परिस्थितीत पांढरा टिश्यू पेपर तयार करण्यासाठी कमी खर्च येतो, म्हणूनच कंपन्या आणि ग्राहक दोघेही याला जास्त पसंती देतात.
(Disclaimer: NDTV Marathi या माहितीची जबाबदारी घेत नाही किंवा दावाही करत नाही. अधिक माहितीसाठी संबंधित क्षेत्रातील तज्ज्ञांचा सल्ला घ्यावा.)
Track Latest News Live on Marathi.NDTV.com and get news updates from India and around the world
