Amravati News: भयंकर! 22 दिवसाच्या बाळाला गरम विळ्याने दिले 65 चटके, अघोरी प्रकाराने महाराष्ट्र सुन्न

शुभम बायस्कार, अमरावती: अमरावतीचा आदिवासी बहुल भाग असलेल्या मेळघाटातील चिखलदरा तालुक्यातील सिमोरी गावातील 22 दिवसाच्या बाळाला गरम विळा तापवून 65 वेळा चटके दिल्याचा धक्कादायक आणि तेवढाचं संतापजनक प्रकार उघडकीस आल्याने खळबळ उडाली आहे. महाराष्ट्राचे समाजमन सुन्न करणारी ही घटना असून यावरुन सर्वत्र संताप व्यक्त केला जात आहे. 

('NDTV मराठी' चं अधिकृत व्हॉट्सअ‍ॅप चॅनल जॉईन करा )

22 दिवसांचे बाळ आजारी पडल्याने घरगुती उपाय म्हणून त्याच्या पोटाला विळा गरम करुन 65 चटके दिल्याची धक्कादायक घटना मेळघाटातील चिघलदरा तालुक्यात घडली आहे. या प्रकारामुळे बाळाची प्रकृती बिघडल्याने त्याला नातेवाईकांनी सिमोरी गावावरून हातरू प्राथमिक आरोग्य केंद्र येथे दाखल केले. मात्र बाळाची गंभीर प्रकृती पाहता येथून या बाळाला अमरावतीच्या जिल्हा स्त्री रुग्णालयात रेफर केले आहे. सध्या त्याच्यावर अमरावतीच्या जिल्हा रुग्णालयात उपचार सुरू आहेत. 

बाळाला श्वास घ्यायला त्रास होत होता म्हणून बाळाच्या नातेवाईकाने भोंदूबाबाकडे नेऊन बाळाला गरम चटके दिल्याची माहिती आहे. आता बाळाच्या हृदयाला श्वास घ्यायला त्रास होत असून त्याची प्रकृती चिंताजनक आहे, त्याला नागपूरला देखील रेफर करावं लागेल अशी माहिती डॉक्टरांनी दिली आहे. 

नक्की वाचा - Mahashivratri 2025 : अहिल्याबाई होळकरांनी जीर्णोद्धार केलेल्या देशातील पाचव्या ज्योतिर्लिंगाची काय आहे आख्यायिका?

दरम्यान, चटके देण्याचे प्रकार मेळघाटमध्ये  सातत्याने घडताना दिसतात. आम्ही यापूर्वी अंधश्रद्धा निर्मूलन समितीच्या वतीने अंधश्रद्धा निर्मूलनाचा मेळघाट मधील 22 गावात कार्यक्रम राबविला होता, पण अशा प्रकारचे उपक्रम मेळघाटमध्ये राबविण्याची गरज आहे, मात्र शासनाचे उदासीन धोरण यातून आढळून आले, आम्हाला शासनाकडून जसे सहकार्य पाहिजे तसे मिळत नाही, असा आरोप अंधश्रद्धा निर्मूलन समितीच्या वतीने करण्यात आले आहे.