Beed Crime : बीड जिल्हा रुग्णालयात प्रसूती दरम्यान मातेचा मृत्यू झाल्याचा धक्कादायक प्रकार उघडकीस आला आहे. छाया गणेश पांचाळ असं मृत महिलेचे नाव आहे. डॉक्टरांच्या हलगर्जीपणामुळे मृत्यू झाल्याचा आरोप नातेवाईकांनी केला आहे. तर रुग्णालयातील परिचालिकांकडून प्रसूती व्यवस्थित करण्यासाठी पैशांची मागणी करण्यात आली होती. त्यावेळी महिला कर्मचाऱ्यांनी दोन हजार रुपये घेतले, पण आमच्या पेशंटवर व्यवस्थित उपचार केले नाहीत, असा गंभीर आरोप मृत महिलेच्या नातेवाईकांनी केला आहे.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
तसेच रक्तस्त्राव होत असताना तिथल्या कर्मचाऱ्याला, महिला कर्मचाऱ्याला उपचार करा, असं सांगितलं असता आम्ही सर्वजण निघून जातो तुम्हीच तुमच्या पेशंटवर उपचार करा, असं उद्धट उत्तरही दिल्याचं मृताच्या आईने सांगितलं. अतिरक्तस्राव सुरू झाल्यानंतर डॉक्टरांनी रक्त तपासणीसाठी पाठवले व त्यानंतर रक्ताची पिशवी मागवली. या संपूर्ण प्रक्रियेमध्ये दिरंगाई झाली आणि त्याच कालावधीत मृत्यू झाला. तरी या संपूर्ण प्रकरणाचा चौकशी करून दोषीवर कारवाई करावी, अशी मागणी नातेवाईकांनी केली आहे.
नक्की वाचा - Kalyan Crime : क्रूरकर्माचा शेवट, विशाल गवळीची आत्महत्या; वाचा कल्याण गुन्ह्याचा संपूर्ण घटनाक्रम
नॉर्मल प्रसूती झाली, त्यानंतर रक्तस्राव सुरू झाला..
कर्तव्यावर असलेल्या डॉक्टर आणि नर्स यांनी वेळेवर उपचार केले नाहीत, तसेच रक्ताची पिशवी आणायला उशीरा सांगितलं असा आरोप केला आहे. तसेच पेशंट इतका गंभीर असताना वैद्यकीय अधिकाऱ्यांनी नातेवाईकांना बाहेरून रक्त आणायला का सांगितले..? नॉर्मल डिलिव्हरीमध्ये रक्तस्त्राव झाला कसा ? यासह अनेक प्रश्न उपस्थित होत आहेत.
