Kalyan Crime : क्रूरकर्माचा शेवट, विशाल गवळीची आत्महत्या; वाचा कल्याण गुन्ह्याचा संपूर्ण घटनाक्रम

Vishal Gawli Suicide : बदलापूर शाळेत चिमुरडीवर (13 वर्षे) लैंगिक अत्याचाराचं प्रकरण ताजं असताना कल्याणमध्ये घडलेल्या मुलींवरील लैंगिक अत्याचार आणि निघृण हत्येनंतर संपूर्ण राज्यभरात संतापाची लाट उसळही होती. 23 डिसेंबर रोजी कल्याणमधील कोळसेवाडी भागात राहणारी चिमुकली हातात 20 रुपये घेऊन खाऊ आणायला निघाली ते घरी कधीच परतली नाही. दुसऱ्या दिवशी 24 डिसेंबरला तिचा मृतदेह बोपगाव परिसरात सापडला.

('NDTV मराठी' चं अधिकृत व्हॉट्सअ‍ॅप चॅनल जॉईन करा )

चिमुरडीवर लैंगिक अत्याचार करून तिची अत्यंत निघृणपणे हत्या करण्यात आली होती. विशाल गवळी या नराधमाने तिच्या शरीराचे लचके तोडले आणि त्यानंतर तिची निघृणपणे हत्या करीत तिला फेकून दिलं. चिमुरडी विशाल गवळीला काका म्हणत असे. एकाच भागात राहत असल्याने ती त्यांना ओळखत होती. मात्र या कशाचाही विचार न करता विशाल गवळीने त्या चिमुरडीच्या शरीराचे लचके तोडले. धक्कादायक बाब म्हणजे विशाल गवळीच्या पत्नीने त्याला या गुन्ह्यात मदत केली. आज याच नराधमाने तुरुंगात गळफास घेत आत्महत्या केली. 

तळोजा जेलमध्ये असलेला आरोपी विशाल गवळी याने आज पहाटे साडेतीन वाजता गळफास घेत आत्महत्या केली. विशाल गवळी याने पहाटे साडेतीन वाजता जेलमधील शौचालयात टॉवेलच्या सहाय्याने गळफास लावून आत्महत्या केल्याचे आढळून आले आहे. त्याचा मृतदेह शवविच्छेदनासाठी जे .जे. रुग्णालयात पाठवण्यात आला आहे.

नक्की वाचा - Santosh Deshmukh : 150 व्रण अन् 56 जखमा; आता आरोपींची सुटका नाही, संतोष देशमुख हत्या प्रकरणातील महत्त्वाचा पुरावा समोर 

कधी काय काय घडलं?

• 23 तारखेला संध्याकाळी कल्याण पूर्वेतून अल्पवयीन मुलीचे अपहरण झाले होते.
• आईकडून 20 रुपये घेऊन अल्पवयीन मुलगी खाऊ आणण्यासाठी दुकानात गेली होती.
• अल्पवयीन मुलगी परत न आल्याने कुटुंबाने मुलीचा शोध सुरू केला.
• मुलीच्या वडिलांनी मुलगी बेपत्ता असल्याची तक्रार कोळसेवाडी पोलीस ठाण्यात केली.
• 24 डिसेंबर रोजी मुलीच्या मृतदेह कल्याणनजीक बापगाव परिसरात सापडला.
• मुलीच्या मृतदेह शवविच्छेदनासाठी जे जे हॉस्पिटलला पाठवण्यात आला.
• शवविच्छेदन अहवालात निष्पन्न झाले की मुलीवर लैंगिक अत्याचार करून तिची हत्या करण्यात आली.
• पोलिसांच्या तपासात मुख्य आरोपी विशाल गवळी आणि त्याच्या पत्नीचेही नाव समोर आले आहे. 
• विशाल गवळी याच्या पत्नीलाही पोलिसांनी ताब्यात घेतले.
• पत्नीने दिलेल्या माहितीनुसार, मुलीला सायंकाळी पाच वाजता घरात घेतले. त्यावेळी विशाल गवळीने मुलीसोबत गैरकृत्य करून हत्या केली. त्यानंतर एका मोठ्या बॅगमध्ये मुलीचा मृतदेह टाकून ठेवला होता. 
• आरोपीची पत्नी बँकेत नोकरी करत असल्याने संध्याकाळी 7 वाजता घरी आली. 
•  7 वाजता दोघे पती-पत्नी एकत्र बसून मृतदेहाचे काय करायचे याबद्दल योजना आखली.
• त्याआधी घरातील रक्त दोघांनी पुसून टाकले. रात्री 8.30 वाजता मित्राची रिक्षा विशालने बोलावून घेतली. 9 वाजता बापगावच्या दिशेने रवाना झाले. तिथे मृतदेह फेकून दोघे घरी परतले. 
• घरी परतत असताना विशालने आधारवाडी चौकातून दारू विकत घेतली आणि तेथून आपल्या पत्नीच्या गावी बुलढाणा येथे निघून गेला. पत्नी साक्षी मात्र येथेच राहिली. 
• मात्र घराजवळ सापडलेल्या रक्तामुळे विशाल याने हे कृत्य केल्याचा संशय आला. पोलिसांनी साक्षीला ताब्यात घेत चौकशी केली आणि तिने घडलेला प्रकार पोलिसांना सांगितला.  
• पोलिसांनी विशालला पत्नीच्या गावातून शेगाव येथून पोलिसांनी आरोपीला ताब्यात घेतले. 

नक्की वाचा - Beed News : जुन्या वादातून आई-मुलाचे अपहरण करून अमानुष मारहाण, बीड जिल्हा हादरला

तपासादरम्यान....

• विशाल गवळी याने आधीच्या अशाच प्रकारची घाणेरडी कृत्य केली आहे. मात्र त्या प्रकरणांमध्ये मनोरुग्ण असल्याचं सर्टिफिकेट त्याने कोर्टात सादर केलं होतं. त्यामुळे त्याला जामीन ही मंजूर करण्यात आला होता.
• त्यामुळे पुन्हा सर्व चाचण्या केल्यानंतर डॉक्टरांनी आपला रिपोर्ट सादर केला. 
• डॉक्टरांनी तो मानसिक दृष्ट्या फिट असल्याचा रिपोर्ट दिला आहे. विशाल गवळी हा "वेल ओरिएंटेड, कॉन्शियस, को-ऑपरेटिव्ह, ओरिएंटिंग टू टाइम, प्लेस" असल्याचं डॉक्टरांनी त्यांच्या रिपोर्टमध्ये नमूद केलं.
• 60 दिवसात विशाल गवळी विरोधात 1006 पानांचं दोषारोप पत्र दाखल करण्यात आलं होतं.
• राज्यभरातील वाढता दबाव पाहता मुख्यमंत्री देवेंद्र फडणवीसांनी या खटल्यात ज्येष्ठ वकिल उज्ज्वल निकम हे काम पाहणार असल्याची घोषणा केली. 

कल्याणमधील नराधमाची सगळी कुंडली:

 1. 2015 साली प्राणघातक हल्ला

2. 2016 साली एका अल्पवयीन मुलींवर लैगिंक अत्याचार

3. 2019 साली विशाल गवळीला तडीपार केले हाेते. मात्र त्याने आदेशाचा भंग केला. या प्रकरणी गुन्हा दाखल आहे. 

4. 2020 मध्ये पुन्हा तडीपारीचा आदेश भंग केला. 

5. 2021 मध्ये एका मुलीवर लैंगिक अत्याचार

6: 2022 मध्ये लुटीची घटना

7: 2023 मध्ये अल्पवयीन मुलीवर लैगिंक अत्याचार

8:  त्यानंतर आत्ता 2014 साली अल्पवयीन मुलीवर लैगिंक अत्यााचर करुन तिची हत्या केली. 

माझी मुलगी त्याला काका म्हणत असे'

या प्रकरणी पिडीत मुलीच्या वडिलांनी सांगितले की, ' त्या परिसरात गवळीची दहशत होती.  घराच्या ठिकाणीच तो नशाखोरांना बसवून गांजा द्यायचा. एकदा माझी मुलगी त्यांच्या घरात गेली असता विशाल गवळीच्या वडिलांनी एक पुडी ग्राहकाला देण्यासाठी माझ्या मुलीला पाठविले होते. 

माझी मुलगी विशालला काका म्हणायची. काही लोकांनी सांगितले की, विशाल वाईट व्यक्ती आहे. म्हणून मी आणि माझ्या पत्नीने मुलीला त्याच्या घरी जायचं नाही, असं बजावलं होतं. तसंच त्याबद्दल तिला मारलं ही होतं.