Mumbai Municiple Corporation Election: बृहन्मुंबई महानगरपालिका शिक्षण समिती अध्यक्षपदी श्रीमती राजेश्री राजेश शिरवडकर यांची आज (दिनांक २० फेब्रुवारी २०२६) बिनविरोध निवड करण्यात आली. पीठासीन अधिकारी महापौर श्रीमती रितू तावडे यांनी या बिनविरोध निवडीची घोषणा केली.
शिक्षण समितीच्या अध्यक्षपदी राजश्री शिरवाडकर यांची निवड
याबाबत सविस्तर माहिती अशी की, बृहन्मुंबई महानगरपालिका सार्वत्रिक निवडणूक २०२५ - २६ पार पडल्यानंतर सोमवार, दिनांक १६ फेब्रुवारी २०२६ रोजी महानगरपालिका विशेष सभेत शिक्षण समितीवर २२ महानगरपालिका सदस्यांची आणि ४ बिगर महानगरपालिका सदस्यांची नामनिर्देशानुसार नियुक्ती करण्यात आली आहे. या वैधानिक समितीच्या अध्यक्षपदासाठी निवडणूक घेण्याकरिता आज (दिनांक २० फेब्रुवारी २०२६) सकाळी ११.०० वाजता विशेष सभेचे आयोजन करण्यात आले होते.
शिक्षण समिती अध्यक्षपदासाठी श्रीमती राजेश्री राजेश शिरवडकर यांचा एकमेव अर्ज प्राप्त झाल्याने त्यांची बिनविरोध निवड झाल्याचे पीठासीन अधिकारी महापौर श्रीमती रितू तावडे यांनी जाहीर केले. उप आयुक्त (शिक्षण) डॉ. (श्रीमती) प्राची जांभेकर, महानगरपालिका सचिव श्रीमती मंजिरी देशपांडे यांच्यासह शिक्षण समिती सदस्य यावेळी उपस्थित होते.
दरम्यान, मुंबई महापालिकेच्या चार वैधानिक समितींच्या अध्यक्षपदासाठी २० आणि २३ फेब्रुवारी रोजी निवडणूक होणार आहे. त्यासाठी सत्ताधारी भाजपकडून स्थायी समिती अध्यक्ष पदासाठी प्रभाकर शिंदे यांनी, तर शिक्षण समिती अध्यक्षपदासाठी राजेश्री शिरवाडकर यांनी आणि सुधार समिती अध्यक्षपदासाठी शिवसेनेच्या नगरसेविका संध्या दोशी यांनी त्यांचे उमेदवारी अर्ज पालिका चिटणीस मंजिरी देशपांडे यांच्याकडे दाखल केले.
Washim News: वाशिम कॉपी प्रकरण: भाजपच्या शिक्षक नेत्याचं आयुक्तांना खरमरीत पत्र; काय केली मागणी?
Track Latest News Live on Marathi.NDTV.com and get news updates from India and around the world
