ऐन विधानसभा निवडणुकीच्या तोंडावर नाशिकमध्ये मनसेला मोठा धक्का 

प्रदेश उपाध्यक्ष तथा माजी महापौर अशोक मुर्तडक हाती बांधणार शिवबंधन 

आज सायंकाळी नाशिकच्या सभेत उद्धव ठाकरेंच्या उपस्थितीत शिवसेनेत करणार प्रवेश 

मनसे पक्षाचा आज सकाळीच दिला राजीनामा

अंडरग्राउंड मेट्रो स्टेशनच्या बीकेसी स्थानकाला आग लागल्याची घटना समोर आली आहे.  त्यामुळे  परिसरात आगीचे लोळ पसरले आहेत. अग्निशमन दलाच्या सहा ते सात गाड्या घटनास्थळावर दाखल झाल्या आहेत. रस्त्याच्या दोन्ही बाजूने असणाऱ्या प्रवेश मार्गावरुन धुराचे लोट बाहेर येत आहेत. 

दिल्लीत अत्यंत विषारी हवा, 5वीपर्यंत शाळा बंद; अमेरिकी सॅटेलाइटमधून दिसलं प्रदूषण

दिल्लीत प्रदूषणाचा स्तर दिवसेंदिवस वाईट स्तरापर्यंत पोहोचला आहे. येथील 39 प्रदूषण नियंत्रित केंद्रांपैकी 32 केंद्रांत हवेची गुणवत्ता गंभीर असल्याचं सांगितलं आहे. अशा हवेत श्वास घेणंही कठीण झालं आहे. इतर मुलांचे ऑनलाइन क्लासेस सुरू आहेत. परिणामी दिल्लीत प्राथमिक शाळांना (पाचवीपर्यंत) सुट्टी जाहीर केली आहे. 

एअर कमिशन फॉर एअर क्वालिटी मॅनेजमेंटने एनसीआर म्हणजे हरियाणा, उत्तर प्रदेश आणि राजस्थानहून येणाऱ्या बसना दिल्लीत येण्यास मनाई केली आहे. यातून CNG आणि इलेक्ट्रिक गाड्यांंसह बीएस-४ डिजेल बसना सूट देण्यात आली आहे. 

मनसेच्या जाहीरनाम्यातील प्रमुख 10 मुद्दे 

1. मूलभूत गरजा आणि दर्जेदार जीवनमान 

2. दळणवळण वीज पाण्याचे नियोजन 

3. सक्षम स्थानिक प्रशासन प्रकल्पासाठी लोकसहभाग 

4. राज्याची औद्योगिक प्रगती

5. मराठी भाषेचा प्रचार आणि प्रसार 

6. गडकिल्ले संवर्धन 

7. कृषी आणि पर्यटन क्षेत्राचा विकास

8. राज्याचे करत धोरण सुधारणार 

9. डिजिटल प्रशासनाला प्रोत्साहन 

10. घनकचरा व्यवस्थापन आणि मलनि:सारण

राज ठाकरे यांची शिवाजी पार्क येथील सभा रद्द, सभेला परवानगी नसल्याने सभा रद्द करण्यात आली

मुंबई वांद्रे येथील MIG क्लब येथे आज महाराष्ट्र नवनिर्माण सेनेचा जाहीरनामा सादर केला जाणार आहे. महाराष्ट्र विधानसभा निवडणुकीच्या अनुषंगाने जाहिरनाम्यातून मनसे आपली भूमिका महाराष्ट्रासमोर मांडणार आहे. राज ठाकरे यांच्या उपस्थितीत हा जाहीरनामा प्रकाशित केला जाणार आहे. महाराष्ट्र नवनिर्माण सेना नेमक्या जाहीरनाम्यातून महाराष्ट्राला आणि मतदाराला काय आश्वासन-दावे मांडणार हे काही वेळात समोर येईल

पुण्यातील हडपसर येथील इमारतीला मोठी आग 

इमारतीतील एका घराला भीषण आग 

अग्निशमन दलाकडून घरातील सर्व व्यक्तींना सुखरूप बाहेर काढण्यात आले 

अग्निशमन दलाकडून आग विझवण्यात येत असून कुलिंग करण्याचे काम सुरू आहे

महाराष्ट्र नवनिर्माण सेनेचा जाहीरनामा प्रसिद्ध होणार

मनसे अध्यक्ष राज ठाकरे यांच्या प्रमुख उपस्थितीत जाहीरनामा प्रसिद्ध करण्यात येणार

एमआयजी क्लब येथे मनसेचा जाहीरनामा प्रसिद्ध करण्यात येणार आहे.

जाहीरनाम्यात नेमक्या कोणत्या गोष्टी असतील हे पाहणं महत्वाचे

मिरा-भाईंदरमधे मुझफ्फर हुसैन यांचा जय जिनेन्द्र,जय श्री कृष्ण, जय भवानी जय शिवाजी, जय सियारामचा जयघोष

योगी आदित्यनाथ यांच्या बटेंगे तो कटेंगे या वक्तव्याला मुझफ्फर हुसैन यांचे उत्तर

सर्वधर्मीयांसोबत असलेल्या सलोख्याच्या संबंधामुळे मुझफ्फर हुसैन यांना मोठा पाठिंबा

भाजपमधील अंतर्गत कलह वाढला, बदनामीकारक वक्तव्य करणाऱ्या प्रवक्त्याला जगदीश गुप्तांकडून नोटीस...

अमरावती विधानसभेत अपक्ष उमेदवारी दाखल करणारे भाजपचे माजी राज्यमंत्री जगदीश गुप्ता यांच्यासंदर्भातील बदनामी कारक वक्तव्याबद्दल भाजपचे प्रदेश प्रवक्ते शिवराय कुलकर्णी यांना कायदेशीर नोटीस देण्यात आली आहे. कुळकर्णी यांनी काही दिवसांपूर्वी पत्रकार परिषदेत जगदीश गुप्ता यांच्या संदर्भात बद्दामीकारक वक्तव्य केली होती.. त्याबद्दल कुलकर्णी यांनी जाहीर माफी मागावी अशी मागणी जगदीश गुप्ता यांनी नोटीस मधून केलीय,  अन्यथा त्यांच्याविरुद्ध कायदेशीर कारवाई करू असा इशारा देखील गुप्ता यांनी दिलाय..

राष्ट्रीय काँग्रेस पक्षाच्या सरचिटणीस प्रियांका गांधी उद्या कोल्हापूर दौऱ्यावर 

महाविकास आघाडीच्या उमेदवारांच्या प्रचारार्थ सभा 

काँग्रेससह इंडिया आघाडी व महाविकास आघाडीच्या सर्व घटक पक्षांकडून जोरदार तयारी सुरू 

दुपारी एक वाजता गांधी मैदान येथे 'महाराष्ट्र स्वाभिमान' सभेतून संबोधित करणार

महत्वाच्या सभा

गृहमंत्री अमित शाह सभा

यवतमाळ-  दुपारी 12.30 वाजता भाजप उमेदवार किसन वानखेडे उमरखेड येथे सभा. 

चंद्रपूर- दुपारी 4 वाजता भाजप उमेदवार किशोर जोरगेवार यांच्या प्रचार सभे साठी केंद्रीय गृहमंत्री  अमित शाह आज चंद्रपुरात. 

हिंगोली- दुपारी 1 वाजता महायुतीच्या उमेदवारांच्या प्रचारार्थ हिंगोली शहरातील रामलीला मैदानावर जाहीर सभा. 

भाजपचे राष्ट्रीय अध्यक्ष जे पी नड्डा यांचे कार्यक्रम

दुपारी 3 वाजता बूथ संपर्क आणि लाभार्थी यांची ठाणे येथे भेट

दुपारी 3.30 वाजता एम, एच, हायस्कूल शिवाजी पेठ ठाणे येथे सभा 

संध्याकाळी 6 वाजता संभाजी गार्डन नाशिक येथे सभा 

देवेंद्र फडणवीस सभा

सांगली- दुपारी 12.30 वाजता शिराळा मतदारसंघातील महायुतीचे उमेदवार सत्यजित देशमुख यांच्या प्रचारार्थ सभा 

पुणे - संध्याकाळी 6 वाजता उपमुख्यमंत्री देवेंद्र फडणवीस यांची खडकवासला येथे सभा. 

पुणे - संध्याकाळी 8 वाजता उपमुख्यमंत्री देवेंद्र फडणवीस यांची कसबा येथे सभा. 

उध्दव ठाकरे सभा

संभाजीनगर - सकाळी 10 वाजता उद्धव ठाकरे यांची सिल्लोडमध्ये जाहीर सभा होणार. 

संभाजीनगर - सकाळी 11 वाजता वैजापूर विधानसभा मतदारसंघात उद्धव ठाकरेंची सभा 

मनमाड - नांदगाव विधानसभा मतदारसंघातील महाविकास आघाडीचे उमेदवार गणेश धात्रक यांच्या प्रचारार्थ शिवसेना पक्षप्रमुख उद्धव ठाकरे यांची मनमाड येथे सकाळी १ वाजता सभा. 

मालेगाव - मालेगाव बाह्य मतदार संघातील महाविकास आघाडीचे उमेदवार अद्वय हिरे यांच्या प्रचारार्थ शिवसेना पक्षप्रमुख उद्धव ठाकरे यांची दुपारी २ वाजता मालेगाव येथे जाहीर सभा. 

नाशिक - उद्धव ठाकरे यांची नाशिकच्या अनंत कान्हेरे मैदानावर सायंकाळी पाच वाजता जाहीर सभा. 

मुख्यमंत्री एकनाथ शिंदे सभा

बारामती- पुरंदर विधानसभा मतदारसंघातील उमेदवार विजय शिवतारे यांच्या प्रचारार्थ मुख्यमंत्री एकनाथ शिंदे यांची दुपारी 3 वाजता जाहीर सभा. 

सांगोला -दुपारी 4 वाजता मुख्यमंत्री एकनाथ शिंदे यांची सांगोला येथे जाहीर सभा.

सांगली- दुपारी 2 वाजता खानापूर आटपाडी विधानसभा महायुतीचे शिवसेना गटाचे उमेदवार सुहास बाबर यांच्या प्रचारार्थ मुख्यमंत्री एकनाथजी शिंदे यांची जाहीर सभा. 

नंदुरबार - मुख्यमंत्री एकनाथ शिंदे हे उद्या नंदुरबार जिल्ह्यातील धडगाव येथे प्रचार सभा घेणार होते मात्र काही कारणास्तव मुख्यमंत्री यांच्या नंदुरबार जिल्हा दौरा रद्द झाला आहे. 

राज ठाकरे सभा

सायंकाळी 5 वाजता दिवा येथे सभा

सायंकाळी 7 वाजता ठाणे येथे सभा 

शरद पवार सभा

सांगली- सकाळी 10 वाजता रोहित पाटील यांच्या प्रचारार्थ शरद पवारांची सभा.

अजित पवार सभा

शिर्डी - अकोले मतदारसंघाचे उमेदवार किरण लहामटे यांच्या प्रचारासाठी अजित पवारांची सकाळी 10 वाजता सभा. 

वंचित अध्यक्ष प्रकाश आंबेडकर सभा

अमरावती- दुपारी 12 वाजता नीलेश विश्वकर्मा यांच्या प्रचारार्थ प्रकाश आंबेडकर यांची सभा. 

अमरावती- दुपारी 4 वाजता राहुल मेश्राम यांच्या प्रचारार्थ प्रकाश आंबेडकर यांची जाहीर सभा.

बुलढाणा - देवा हिवराळे यांच्या प्रचारार्थ खामगाव येथे डॉ.बाबासाहेब आंबेडकर मैदान येथे जाहीर सभा. 

इतर महत्वाच्या सभा

इंदापूर- इंदापूर तालुक्यातील घोलपवाडी येथे सायंकाळी 6 वाजता हर्षवर्धन पाटील यांच्या प्रचारार्थ युगेद्र पवारांचे वडील श्रीनिवास पवार यांची सभा.

धाराशिव- धाराशिव मतदारसंघातील महायुतीचे उमेदवार अजित पिंगळे यांच्या प्रचारार्थ खासदार श्रीकांत शिंदे यांची सकाळी 10 वाजता सभा.

सिंधुदुर्ग- सुषमा अंधारे यांची सायंकाळी 4 वाजता वैभववाडी येथे संदेश पारकर यांच्या प्रचारार्थ जाहीर सभा.

सिंधुदुर्ग- सुषमा अंधारे यांची कुडाळ येथे संध्याकाळी 6 वाजता वैभव नाईक यांच्या प्रचारार्थ जाहीर सभा.

पंढरपूर- सकाळी 11 वाजता राष्ट्रवादी प्रदेशाध्यक्ष जयंत पाटील यांची पंढरपूर येथे जाहीर सभा.

नगर- सकाळी 10 वाजता अजित पवार पक्षाचे उमेदवार काशिनाथ दाते यांच्या प्रचार सभेसाठी कृषिमंत्री धनंजय मुंडे यांची सभा.

नगर- सकाळी 7 वाजता शरद पवार पक्षाचे उमेदवार अभिषेक कळमकर यांच्या प्रचार सभेसाठी खासदार सुप्रिया सुळे यांची सभा.

बीड- दुपारी 12 वाजता धनंजय मुंडे यांच्या प्रचारार्थ पंकजा मुंडे यांची सिरसाळा येथे जाहीर सभा.

नाशिक - भाजप नेत्या पंकजा मुंडे यांची राणी नगर परिसरामध्ये सकाळी 11 वाजता महायुती उमेदवारांसाठी प्रचार सभा. (प्रांजल)

शिर्डी - नेवासा मतदारसंघातील प्रहार जनशक्ती पक्षाचे उमेदवार बाळासाहेब मुरकुटे यांच्या प्रचारासाठी बच्चू कडू यांची सोनई येथे दुपारी 2.30 वाजता सभा.

रत्नागिरी जिल्ह्यातील दक्षिण रत्नागिरीला रात्री अवकाळी पावसाचा फटका बसला आहे. रात्री अनेक ठिकाणी पावसाच्या सरी बरसल्या. रत्नागिरी, लांजा, राजापूर, संगमेश्वर आणि देवरूख भागात पावसाच्या दमदार सरी बरसल्या. भातकापणी अंतिम टप्प्यात आली आहे, त्यात आता पाऊस बरसल्याने शेतकरी चिंतेत आहे. दरम्यान आज पाऊस पडण्याचा अंदाज हवामान खात्याने वर्तविला आहे..