Mumbai Rain LIVE Updates: गेल्या 24 तासांपासून मुंबई, पुण्यासह संपूर्ण महाराष्ट्रात पावसाने अक्षरश: धुमाकूळ घातला आहे. सोमवारी बरसलेल्या तुफान पावसाने मुंबईकरांची अक्षरश: दाणादाण उडाली. शहरातील अनेक भागात पाणी साचले तसेच रेल्वे सेवा, रस्ते वाहतूक सेवाही ठप्प झाल्याचे पाहायला मिळाले. आजही मुंबई, ठाणे, पालघर जिल्ह्याला पावसाचा रेड अलर्ट देण्यात आला असून मुंबई, ठाणे, कल्याणमधील शाळांना सुट्टी जाहीर करण्यात आली आहे.
दुसरीकडे विदर्भ, मराठवाड्यातही पावसाची तुफान बॅटिंग पाहायला मिळत असून अनेक नद्यांनी धोक्याची पातळी ओलांडली आहे. रायगड रत्नागिरी, छत्रपती संभाजीनगरमध्ये आभाळ फाटल्यासारखा पाऊस कोसळत असून अनेक ठिकाणी जिवीतहानी, पशुहानी झाल्याच्या घटना घडत आहेत. राज्यभरातील या मुसळधार पावसाच्या पार्श्वभूमीवर प्रशासकीय यंत्रणा अलर्ट झाल्या आहेत.
Pune News: मुसळधार पावसामुळे पुणे-मुंबई सगळ्या ट्रेन उद्यासाठी रद्द
मुसळधार पावसामुळे पुणे-मुंबई सगळ्या ट्रेन उद्यासाठी रद्द
एकूण ७ ट्रेन रद्द तर ४ रेल्वे गाड्यांचे मार्ग बदलले
पुणे रेल्वे स्थानकावरून मुंबईच्या छत्रपती शिवाजी महाराज टर्मिनस वर जाणाऱ्या सर्व रेल्वे गाड्या उद्या रद्द
पुणे मुंबई मध्ये सुरू असलेल्या पावसामुळे रेल्वे गाड्या करण्यात आल्या रद्द
Rain News: पुरात अडकलेल्या माकडांना वाचवण्यात यश
पाटण तालुक्यातील संगमनगर धक्क्यावर 11 माकडे पाण्यात अडकली होती. कराड येथील एन डी आर एफ टीमने या 11 ही माकडांना सुखरूप बाहेर काढले आहे.
Rain News: समृद्धी महामार्गावर दरड कोसळली
समृद्धी महामार्गावरील टोकरखांड ते इगतपुरी बोगद्या दरम्यान मुसळधार पावसामुळे दरड कोसळली. इगतपुरी व कसारा दरम्यानची घटना आहे. कसारा कडून इगतपुरी कडे जाणाऱ्या मार्गावर पहिल्या बोगद्या जवळ दरड पडल्याने तीन लेन पैकी एक लेनचा मार्ग बंद झाला होता. सध्या दरड हटविण्याचे काम सुरू आहे.
Rain News : पालघर जिल्ह्यातील मासेमारीसाठी गेलेल्या 19 बोटी अद्याप परतल्या नाहीत
पालघर जिल्ह्यातील मासेमारीसाठी गेलेल्या 19 बोटी अद्याप परतल्या नाहीत
19 बोटींपैकी 13 बोटी वसई बंदरातील, 2 खोचिवडे तर 4 सातपाटी बंदरातील बोटी
सर्व बोटींमधील खलाशांसोबत प्रशासन आणि बोट मालकांचा संपर्क झाला
वसई बंदरातील 13 बोटी परतीच्या मार्गावर
तर, सातपाटी बंदरातील 4 बोटी आणि खोचिवडे येथील दोन बोटींनी गुजरात मधील जाफराबाद मधील नवा बंदरात घेतला आसरा
सध्या समुद्र खवलेला असून वाऱ्याचा वेग ताशी 60 ते 65 किमी प्रति तास
प्रशासनाकडून दोन दिवसांपूर्वीच खोल समुद्रात मासेमारीसाठी गेलेल्या बोटींना परतण्याच्या दिल्या होत्या सूचना
Maharashtra Rain LIVE: पनवेल, रत्नागिरी, पालघरमध्ये उद्याही शाळा कॉलेजला सुट्टी जाहीर
उद्याही अनेक भागात पावसाचा रेड अलर्ट देण्यात आला आहे. त्यामुळे पनवेल, रत्नागिरी, पालघरमध्ये उद्याही शाळा कॉलेजला सुट्टी जाहीर करण्यात आली आहे. मंगळवारीही शाळा कॉलेजला सुट्टी जाहीर करण्यात आली. मंगळवारी राज्यात मुसळधार पाऊस झाला. बुधवारीही मुसळधार पावसाचा अंदाज व्यक्त करण्यात आला आहे. त्याच बरोबर रायगड आणि नवी मुंबईतल्या शाळा आणि कॉलेजला सुट्टी जाहीर करण्यात आली आहे.
Rain News: वसई पूर्वेच्या राजवलीत अडकलेल्या 200 पेक्षा जास्त जणांना करण्यात आलं रेस्क्यू
वसई पूर्वेच्या राजवली येथील अडकलेल्या 200 पेक्षा जास्त जणांना रेस्क्यू करण्यात आले.
अग्निशमन दलाने दिवसभरात पुराच्या पाण्यात अडकलेल्या 1000 पेक्षा जास्त जणांना सुरक्षित स्थळी हलवले
वसई विरार शहर महापालिकेच्या अग्निशमन दलाच्या जवानांची कौतुकास्पद कामगिरी
Rain News: वर्ध्याच्या आष्टी तालुक्यातील वाघोली गावाचा संपर्क तुटला
तालुका प्रशासनाचा मोठा बेजबाबदार उघड,दोन दिवसांपूर्वी सुद्धा तुटला होता संपर्क पण अद्यापही ठोस उपाययोजना केली नाही
गावात गरोदर महिला, वृद्ध व लहान मुले।असल्याने रात्रीच्या वेळी होऊ शकते मोठी धावपळ, पण गावाचा संपर्क तुटल्याने झालीय पंचायत
गावाला जोडणाऱ्या पुलाचे काम।सुरू असल्याने व पाऊस मोठ्या प्रमाणात आला।असल्याने पर्यायी मार्ग गेला वाहून
पर्यायी रस्ता पूर्णतः वाहून गेल्याने गावाचा तालुक्याशी संपर्क तुटला
Rain News: पुढील 12 तासांसाठी मुंबई शहर, मुंबई उपनगरसह या जिल्ह्यांना रेड अलर्ट
राज्य आपत्कालिन कार्य केंद्राने पुढील १२ तासांसाठी मुंबई शहर, मुंबई उपनगर, ठाणे, रत्नागिरी, पालघर, रायगड, चंद्रपूर हे जिल्हे आणि पुणे घाट, नाशिक घाट या परिसरासाठी रेड अलर्ट दिला आहे.
Maharashtra Rain LIVE: मध्य रेल्वेची CSMT ते ठाणे कल्याण मार्गावरची वाहतूक सुरळीत
मध्य रेल्वेची CSMT ते ठाणे कल्याण मार्गावरची वाहतूक सुरळीत झाली आहे. संध्याकाळी ही वाहतूक सुरळीत झाल्याचं मध्य रेल्वेने स्पष्ट केलं आहे.
Mainline Train Update- Service on the Mainline from CSMT to Thane/Kalyan has been restored at 19:03 hrs. https://t.co/xaU7tBOLU1
— DRM Mumbai CR (@drmmumbaicr) August 19, 2025
Maharashtra Rain LIVE: उजनीतून भीमा नदी पात्रात विसर्ग वाढवला
उजनी धरणातून भीमा नदी पात्रात पाण्याचा विसर्ग वाढवण्यात आलाय. सायंकाळी पाच वाजल्यापासून उजनी धरणाच्या 16 दरवाजांमधून भीमा नदी पात्रात 26 हजार 600 क्युसेक इतक्या दाबाना पाण्याचा विसर्ग करण्यात येतोय.
उजनी धरण साखळीतील वरील धरणांमधून पाण्याचा विसर्ग सुरू करण्यात आल्यामुळे उजनी धरण व्यवस्थापनाने देखील भीमा नदी पात्रात आज दुपारी बारा वाजल्यापासून पाण्याचा विसर्ग सुरू केला आहे. सुरुवातीला हा विसर्ग 6 हजार 600 क्युसेक दाबाने होता पुढे त्यामध्ये वाढ करून तो 11,600 क्युसेक करण्यात आला त्यानंतर आता सायंकाळी पाच वाजल्यापासून यामध्ये वाढ करून तो 26 हजार सहाशे क्युसेक इतका करण्यात आला आहे.
Raigad Rain news: सावित्री, कुंडलिका नदीने इशारा पातळी ओलांडली, आंबा इशारा पातळीवर
आज दिवस भर पडलेल्या पावसामुळे आंबा नदीने धोका पातळी ओलांडली आहे. खोपोली पाली वाकण राज्य महामार्गावर पाली येथील आंबा नदी पुला जवळ पाणी साचले आहे. त्यामुळे वाहतुकीला फटका बसला आहे. वाहतूक धीम्या गतीने सुरू आहे.
पाली पोलिसांनी या ठिकाणी बॅरी गेट्स लावून बंदोबस्त ठेवला असून प्रशासन दक्ष आहे. काल पासून रायगड जिल्ह्याला रेड अलर्ट असून पावसाने अक्षरशः झोडपून काढले आहे.
आज दुपार नंतर मात्र आंबा नदीने धोका पातळी ओलांडली असून सावित्री व कुंडलिका नदीने इशारा पातळी ओलांडली आहे.
आंबा नदीने 9 मीटरची धोकादायक पातळी ओलांडून 10.15 मी. धोका पातळी गाठली आहे तर सावित्री नदीने इशारा पातळी तर कुंडलिका नदी धोका पातळी च्या जवळपास आहे.
Rain News : हतनूर धरणाचे 30 दरवाजे उघडले
जळगाव जिल्ह्यातील हतनुर धरणाचे 30 दरवाजे उघडण्यात आले असून धरणातून 1 लाख 55 हजार 51 क्युसेक पाण्याचा विसर्ग हा तापी नदी पात्रात सोडण्यात येत आहे. धरणात पाण्याची आवक सुरू असल्याने धरणाचे 24 दरवाजे पूर्णपणे तर 6 दरवाजे 1 मीटरने उघडण्यात आले असून मोठ्या प्रमाणात तापी नदी पात्रात पाण्याचा विसर्ग होत असल्याने तापी नदी काठी प्रशासनाने अलर्ट घोषित केला आहे.
Maharashtra Rain LIVE: रायगड जिल्ह्यात घरावर दरड कोसळून महिलेचा मृत्यू
रायगड जिल्ह्यात घरावर दरड कोसळून महिलेचा मृत्यू झाला आहे. मुरूड तालुक्यातील मिठेखार गावातील घटना आहे. पहाटेच्या सुमारास घरावर दरड कोसळली होती. विठाबाई गायकर असे 75 वर्षीय मृत महिलेचे नाव आहे. मुरूड तहसीलदार यांच्यासह महसूल यंत्रणा घटनास्थळी दाखल झाली. रायगड जिल्ह्यातील मुरुड येथील घरावर दरड कोसळून वृध्द महिलेचा मृत्यू झाला आहे.
Rain Update: कल्याण शीळ रस्त्यावर साचलेल्या पाण्यामुळे वाहतूक कोंडी
कल्याण शीळ रस्त्यावर साचलेल्या पाण्यामुळे वाहतूक कोंडी झाली आहे. कल्याण ग्रामीणचे आमदार राजेश मोरे यांनी जेसीबी लावून पाण्याचा केला निचरा केला. त्यानंतर वाहतूक सुरळीत झाली आहे.
Rain News: भिवंडीतील नारपोली येथील देवजी नगरमध्ये मार्बलचे छत कोसळले
भिवंडीतील नारपोली येथील देवजी नगरमध्ये आज एक मोठी दुर्घटना टळली. येथे मुसळधार पावसामुळे ए१ मार्बलचे छत अचानक कोसळले. घटनेच्या वेळी काही कामगार आत काम करत होते, परंतु सुदैवाने सर्व कामगार सुरक्षितपणे बाहेर पडण्यात यशस्वी झाले आणि कोणतीही जीवितहानी झाली नाही. अपघातानंतर घटनास्थळी गोंधळ उडाला, परंतु दिलासा देणारी बाब म्हणजे कोणीतीही जीवितहानी झाली नाही.
Maharashtra Rain LIVE: वाई गणपती मंदिर पाण्यात, धोम धरणातून 6000 क्युसेक्स पाणी कृष्णा नदीत
वाई गणपती मंदिर पाण्यात गेले आहे. धोम धरणातून 6000 क्युसेक्स पाणी कृष्णा नदीत सोडण्यात आले आहे. कोयना धरणाचे दरवाजे 11 फुटांवर आणण्यात आलेत. 80 हजार 500 क्युसेक्स पाण्याचा विसर्ग कोयना धरणातून करण्यात येत आहे.
Pune Rain: पुण्यातील खडकवासला धरणातून विसर्ग वाढवला
पुण्यातील खडकवासला धरणातून विसर्ग वाढवला
चालू असलेला 19 हजार 334 क्युसेकचा विसर्ग वाढवून 24 हजार 827 इतका करण्यात आला आहे.
जर पावसाचा जोर असाच राहिला तर विसर्ग वाढवण्याची शक्यता पण वर्तवली आहे
नागरिकांना सतर्कतेचा इशारा
Rain News: ठाणे -बेलापूर हायवेवर महापे सर्कल येथील सबवेमध्ये पाणी
ठाणे - बेलापूर हायवेवर महापे सर्कल येथील सबवेमध्ये पाणी साचल्याने सबवे बंद
4 ते 5 फुटा पर्यंत साचले पाणी
सब वे बंद झाल्याने वाहतूक कोंडी
ठाणेवरून बेलापूर दिशेला जाणाऱ्या मार्गावर वाहतूक कोंडी
वाहतूक डीसीपी आणि अधिकाऱ्यांकडून वाहतूक कोंडी फोडण्याचा प्रयत्न
Maharashtra Rain LIVE: खेडच्या जगबुडी नदीने ओलांडली धोका पातळी
खेडच्या जगबुडी नदीने ओलांडली आहे धोका पातळी
तर जिल्ह्यातील पाच नद्यांनी ओलांडली इशारा पातळी
चिपळूण मधील वाशिष्टी, संगमेश्वर मधील शास्त्री, सोनवी, बावनदी
लांजा तालुक्यातील काजळी तर राजापूर मधील गोदावरी नदीने ओलांडली इशारा पातळी
काही नद्या धोका पातळीजवळ
वाशिष्ठीचं पाणी चिपळूणच्या बाजारपेठ आणि अन्य परिसरात
तर कोदवलीचं पाणी राजापूर शहरात जवाहर चौकापर्यंत
काजळी नदीने पात्र सोडल्याने चांदेराई, हरचेरी, सोमेश्वर गावात पाणी
Mumbai Rain : घाटकोपर अंधेरी लिंक रोडवर मोठ्या प्रमाणात पावसाचं पाणी भरले
घाटकोपर अंधेरी लिंक रोडवर मोठ्या प्रमाणात पावसाचं पाणी भरले आहे
हा संपूर्ण रस्ता पाण्याखाली गेला असून वाहनं या पाण्यात बंद पडली आहेत .
या पाण्यात काही मोटार सायकल वाहत आली आहेत.
Rain News: नागोठणे रोहा मार्गांवरील कुंडलिका नदीवरचे दोन्ही पूल वाहतुकीसाठी बंद
दुपारी 2 नंतर कुंडलिका नदीचे पाणी धोक्याच्या पातळीवरून वाढून जुन्या पुलावरून सुमारे 2 ते 2.5 फूट उंचीवर वाहत आहे. त्यामुळे सर्व वाहतूक शेजारी असलेल्या नवीन पुलावरून चालू होती. परंतु नवीन पुलावर काही खड्डे असल्याने दोन्ही पूल बंद ठेवण्यात आले आहेत. प्रशासनाने खबरदारीचा उपाय म्हणून पुलाच्या दोन्ही बाजूस बॅरिकेट्स लावून पोलीस बंदोबस्त ठेवला आहे. रोहा तहसीलदार व नगरपरिषदेकडून नागरिकांना आवाहन, फक्त अत्यावश्यक असल्यासच बाहेर पडा व पाण्याचा अंदाज घेऊनच हालचाल करा.
Maharashtra Rain LIVE: वसई पूर्वेला सारजा मोरी येथे 5 जण पुराच्या पाण्यात अडकले
वसईत भोयदा पाडा पन्नास लोक अडकले होते, त्यांचं रेस्क्यु सुरू करण्यात आलंय.. जवळपास छाती भर पाण्यातून दोरांच्या साहाय्याने लोकांना बाहेर काढण्याचे काम सुरु आहे..आत्तापर्यंत 497 लोकांना महापालिकेच्या अग्निशमन दलाकडून सुखरूप बाहेर काढून सुरक्षित स्थळी हलवण्यात आले आहे. तर वसई पूर्वेला सारजा मोरी येथे 5 जण अडकले आहेत. त्यांच्या बचावचे प्रयत्न सुरु आहेत..
Maharashtra Rain LIVE: वसई पूर्वेला सारजा मोरी येथे 5 जण पुराच्या पाण्यात अडकले
वसईत भोयदा पाडा पन्नास लोक अडकले होते, त्यांचं रेस्क्यु सुरू करण्यात आलंय.. जवळपास छाती भर पाण्यातून दोरांच्या साहाय्याने लोकांना बाहेर काढण्याचे काम सुरु आहे..आत्तापर्यंत 497 लोकांना महापालिकेच्या अग्निशमन दलाकडून सुखरूप बाहेर काढून सुरक्षित स्थळी हलवण्यात आले आहे. तर वसई पूर्वेला सारजा मोरी येथे 5 जण अडकले आहेत. त्यांच्या बचावचे प्रयत्न सुरु आहेत..
Rain News: मुंबई गोवा महामार्गा बंद, वाहतूक वळवली
रायगड मधील मुंबई गोवा महामार्गा बंद करण्यात आला असून वाहतूक वळविण्यात आली आहे.
Kalyan News: कल्याण मध्ये घराची भिंत कोसळली
कल्याण मध्ये घराची भिंत कोसळली
सतत पडत असलेल्या पावसामुळे कल्याणच्या ठाणकर पाडा परिसरात एका घराची भिंत कोसळली
भिंत कोसळल्याने मागच्या घराची भिंत देखील तुटली
कल्याण डोंबिवली महापालिकेचे सहाय्यक आयुक्त धनंजय थोरात यांनी घटनास्थळाची पाहणी केली
सुरक्षिततेच्या दृष्टिकोनातून घरातील नागरिकांना सुरक्षित स्थानी हलवण्यात येत आहे
Mumbai Rain :भांडुप पश्चिम इथे कांबळे कंपाऊंड हनुमान नगर मधील संरक्षण भिंत कोसळली
भांडुप पश्चिम इथे कांबळे कंपाऊंड हनुमान नगर मधील संरक्षण भिंत कोसळली
याच्या आजुबाजूला लोकवस्ती असून काही लोकांचे घरांचे नुकसान झाले आहे
Rain News : गडचिरोली जिल्ह्यात मुसळधार पाऊस. भामरागड तालूक्यातील शाळा महाविद्यालयांना सुट्टी
गडचिरोली जिल्ह्यातील भामरागड तालुक्यात दिनांक १९ ऑगष्ट, २०२५ रोजी सरासरी १३० मि.मि. पाऊस पडलेला आहे. तसेच भामरागड लगत असलेल्या पर्लकोटा, पामुलगौतम आणि इंद्रावती नद्याची पाण्याची पातळी वेगाने वाढत आहे. तसेच भामरागड तालुक्यातील जुवी नाल्याला पुर आल्या मुळे मौजा जूवी, दर्भा, भटपर, बोर्डगे, गोलागूडा, हितलवारा, घोटपाडी, इरपणार, कुचेर, परायनार, गोंगवाडा, नेलगुंडा, मालेंगा, मिळदापल्ली, कवंडे या गावांचा तालुका मुख्यालयाशी संपर्क तुटलेला आहे. तसेच पर्लकोटा, पामुलगौतम आणि इंद्रावती नदयांच्या पाणी पातळीत सतत वाढ होत असल्याने नदीकाठी असलेल्या भागात तसेच काही स्थानिक भागात पूर परिस्थिती निर्माण होऊ शकते, अतिवृष्टी तसेच पूरपरिस्थिती बाबतची स्थानिक परिस्थिती लक्षात घेता भामरागड तालुक्यातील सर्व अंगणवाड्या / शाळा महाविद्यालय दिनांक १९ ऑगष्ट, २०२५ रोजी बंद ठेवण्याचे आदेश देण्यात येत आहे.
Pune Rain: पुण्यात सतत पावसामुळे धरणांचा विसर्ग वाढला
पुण्यात सकाळपासून सुरू असलेल्या मुसळधार पावसामुळे खडकवासला आणि मुळशी धरणांमधून पाण्याचा विसर्ग सुरू करण्यात आला आहे. त्यामुळे मुळा आणि मुठा नदीकाठच्या सोसायट्या तसेच नदीपात्राजवळून वाहतूक करणाऱ्या वाहनधारकांना प्रशासनाकडून सावधगिरी बाळगण्याचे आवाहन करण्यात आले आहे.
Rain News: अप्पर दुधना प्रकल्पाच्या क्षेत्रीत चांगला पाऊस पडल्याने धरणाच्या पाणीपातळीत कमालीची वाढ
जालना जिल्ह्यात गेल्या 24 तासात सरासरी 35.90 मिली मीटर पाऊसाची नोंद झालीय त्यातच छत्रपती संभाजीनगर जिल्ह्यातील अनेक भागात मुसळधार पाऊस पडल्याने जालना जिल्ह्यातील बदनापूर तालुक्यातील अप्पर दुधना प्रकल्पात मोठ्या प्रमाणात पाण्याची आवक सुरू असल्याने पाणी पातळीत कमालीची वाढ झालीय.उन्हाळ्यात अप्पर दुधना प्रकल्पात मृत्यु साठा शिलक राहिला होता. त्यामुळे मे महिन्यात परिसरातील 40 पेक्षा अधिक गावांना प्रशासनाला टँकर ने पाणी पुरवठा करावा लागला होता.अप्पर दुधना गेल्या 24 तासात पाण्याची आवक वाढल्याने प्रकल्पाची पाणी पातळी 98 टक्क्यांवर पोचली आहे.त्यामुळे परिसरात असणाऱ्या 25 गावासह बदनापूर शहराच्या पाणी पुरवठ्याची समस्या सुटलीय त्याच बरोबर धरण क्षेत्रातील जमीन ही ओलिताखाली येणार असल्याने शेतकरी वर्गातून समाधान व्यक्त केल्या जात आहे.
Rain News: राजापूरच्या जवाहर चौकात पाणी शिरले
जिल्ह्यातल्या राजापूर शहरातील जवाहर चौकात पुराचे पाणी आले. त्यानंतर या पाण्यामध्ये पाणमांजर मुक्तपणे वावरताना दिसले. पावसाचा जोर वाढल्यानंतर कोदवली आणि अर्जुना नदीला पूर आला. त्यानंतर या पुराचे पाणी जवाहर चौकापर्यंत शिरलं आहे..
Rain Update: न्हावा शेवा पोलीस ठाण्याच्या इमारतीत शिरलं पावसाचे पाणी
जागतिक कीर्तीच्या जेएनपीए बंदराची व परिसरातील नागरिकांच्या सुरक्षेसाठी नेहमी मेहनत घेणाऱ्या न्हावा शेवा पोलीस ठाण्याच्या इमारतीत पावसाचे पाणी शिरल्याची घटना घडली आहे. यामुळे पोलीसांना कामकाज करताना अनेक अडचणींचा सामना करावा लागत आहे. नागरिकांच्या सुरक्षेसाठी नेहमी तत्पर असणारे पोलिसच आता निसर्गाच्या विळख्यात असुरक्षित झाले आहेत.
Maharashtra Rain LIVE: तनसा नदीवरील पंढरतारा पूल पाण्याखाली
तनसा नदीवरील पंढरतारा पूल पाण्याखाली.. 6-7 गावानचा संपर्क तुटला.. जिल्ह्यातील सर्व नद्यानी धोक्याची पातळी ओलांडली आहे.
Mumbai Rain Update: न्हावा शेवा पोलीस ठाण्याच्या इमारतीत शिरलं पावसाचे पाणी
जागतिक कीर्तीच्या जेएनपीए बंदराची व परिसरातील नागरिकांच्या सुरक्षेसाठी नेहमी मेहनत घेणाऱ्या न्हावा शेवा पोलीस ठाण्याच्या इमारतीत पावसाचे पाणी शिरल्याची घटना घडली आहे.यामुळे पोलीसांना कामकाज करताना अनेक अडचणींचा सामना करावा लागत आहे.एकंदरीत प्रशासनाच्या नाकर्तेपणामुळे नागरिकांच्या सुरक्षेसाठी नेहमी तत्पर असणारे पोलिसच आता निसर्गाच्या विळख्यात असुरक्षित झाले आहेत.
ठाण्यामध्ये मुसळधार पाऊस कोसळत असताना ठाण्यातील अनेक सकल भागात पाणी साचल्याचे चित्र पाहायला मिळालं, मात्र गणरायाच्या आगमनाच्या आधीच माजीवडा परिसरातील गणपती कारखान्यांमध्ये पावसाचे पाणी शिरल्याने गणेश मूर्तीच मोठ्या प्रमाणात कारखानदारांना नुकसान सोसावं लागत आहे...
Mumbai Rain LIVE: ठाण्यात गणपती कारखान्यात पावसाचे पाणी
ठाण्यामध्ये मुसळधार पाऊस कोसळत असताना ठाण्यातील अनेक सकल भागात पाणी साचल्याचे चित्र पाहायला मिळालं, मात्र गणरायाच्या आगमनाच्या आधीच माजीवडा परिसरातील गणपती कारखान्यांमध्ये पावसाचे पाणी शिरल्याने गणेश मूर्तीच मोठ्या प्रमाणात कारखानदारांना नुकसान सोसावं लागत आहे...
LIVE Updates: मुळशी धरणाच्या पाणी पातळीत वाढ,
मुळशी धरण ९६.५०% भरले आहे व पाऊस अधिक प्रमाणात होत आहे आणि पाणी पातळीत झपाट्याने वाढ होत आहे.
मुळशी धरणाच्या सांडव्यातून मुळा नदीत 5000 Cusecs ने सुरू असणाऱ्या विसर्गामध्ये वाढ करून दुपारी १:०० वाजता 10600 Cusecs करण्यात येईल, तसेच पाऊस चालू/वाढत राहिल्यास व येवा वाढत गेल्यास परिस्थितीनुसार विसर्ग कमी /जास्त करण्यात येईल.
तरी सर्वांना याद्वारे विनंती करण्यात येते की कृपया नदीपात्रात कोणीही उतरू नये आणि नदीपात्रात तत्सम साहित्य अथवा जनावरे असल्यास तात्काळ हलविण्यात यावेत. कृपया सखल भागातील संबंधित नागरिकांना सूचना देण्यात याव्यात व सर्वांनी योग्य ती खबरदारी व दक्षता घ्यावी.
Mumbai Rain Local Train Update: लोकलची सेवा कुठे कुठे सुरु? मध्यरेल्वेकडून सर्वात मोठी अपडेट
मध्य रेल्वे अपडेट:
लोकल सेवा सुरु असलेले मार्ग:
हार्बर मार्ग - पनवेल -वाशी.
ट्रान्स हार्बर -ठाणे -वाशी.
मुख्य मार्ग -ठाणे -कल्याण-कसारा.
ठाणे-कल्याण-कर्जत.
पाणी साचल्यामुळे प्रभावित विभाग -
तसेच पश्चिम रेल्वे मुंबई उपनगरीय विभागातील सर्व मार्ग सुरू आहेत आणि चर्चगेट - डहाणू रोड विभाग आणि हार्बर मार्गांवरून १०-१५ मिनिटे उशिराने गाड्या धावत आहेत.
Maharashtra Rain LIVE Update: मुंबईसह राज्याला पुढील 24 तास महत्त्वाचे!
मुंबई पुण्यासह राज्याला पुढचे 24 तास अति महत्त्वाचे
मुंबईत पुढील 24 तासांत अति मुसळधार पाऊस
मुंबई सह पुण्याला रेड अलर्ट
तर राज्यातील अनेक भागात देखील आज दिवसभर मुसळधार पाऊस
पुणे वेधशाळेकडून सतर्कतेचा इशारा
सॅटॅलाइट द्वारे जाणून घ्या राज्यासह मुंबईत पावसाची काय परिस्थिती
कुठे रेड तर कुठे ऑरेंज अलर्ट ?
पुढील 24 तास राज्यासाठी महत्त्वाचे
ढगफुटी म्हणजे एखाद्या परिसरात एका तासात १०० mm पेक्षा जास्त पाऊस पडला असेल म्हणजे ढगफुटी त्याला म्हणतात
सर्वाधिक पाऊस कोकण किनारा पट्टीत झालेला असून तिकडे २०० mm पावसाची नोंद आहे तर पुण्य जवळील ताम्हिणी घाटात ३२० mm पावसाची नोंद आहे
Mumbai Rain Update: हयात जंक्शन ते हंसभूग्रा जंक्शन वाहतूक बंद
हयात जंक्शन ते हंसभूग्रा जंक्शन याठिकाणी ३ ते ३.५ फूट पाणी साचल्याने दक्षिणवाहिनीकडे येणारी सर्व वाहतूक बंद करण्यात आलेली आहे.
Mumbai Rain News: मिठी नदीच्या पाणी पातळीत वाढ, ३५० नागरिकांचे स्थलांतर
बृहन्मुंबई महानगरपालिका परिसरात सुरू असलेल्या मुसळधार पावसामुळे मिठी नदीची पातळी ३.९ मीटर इतकी वाढली होती. ही बाब लक्षात घेता प्रतिबंधात्मक उपाययोजना म्हणून क्रांतीनगर, कुर्ला या परिसरातील सखल भागातील सुमारे ३५० नागरिकांचे स्थलांतर हे तात्पुरत्या निवाऱ्याचे ठिकाण असणाऱ्या बृहन्मुंबई महानगरपालिकेच्या मगनदास मथुराम मनपा शाळेत करण्यात आले आहे. या ठिकाणी सदर नागरिकांच्या खानपानाची व्यवस्था बृहन्मुंबई महानगरपालिकेतर्फे करण्यात आली आहे.
तसेच आता समुद्राची भरती ओसरू लागल्यानंतर मिठी नदीची पातळी देखील ओसरू लागली असून ही पातळी ३.९ मीटर वरून आता ३.६ मीटर इतकी झाली आहे.
मुसळधार पावसाच्या अनुषंगाने बृहन्मुंबई महानगरपालिका क्षेत्रात राहणाऱ्या सर्व नागरिकांना विनंती करण्यात येते की, त्यांनी बृहन्मुंबई महानगरपालिका व मुंबई पोलीस यांच्याद्वारे वेळोवेळी देण्यात आलेल्या सूचनांचे काटेकोरपणे पालन करावे.
Mumbai Local Train Update: सीएसएमटी आणि ठाणे स्थानकादरम्यानची मुख्य रेल्वे बंद
मुंबई परिसरात मुसळधार पाऊस आणि # रुळावर पाणी साचल्यामुळे, सीएसएमटी आणि ठाणे स्थानकादरम्यानची मुख्य रेल्वे सेवा पुढील सूचना मिळेपर्यंत बंद करण्यात आली आहे. ठाणे - कर्जत, खोपोली आणि कसारा स्थानकादरम्यान शटल सेवा सुरू आहे.
Mumbai Rain LIVE Update: मुंबईची लाईफलाईन थांबली! मध्य आणि हार्बर लाईन पूर्णपणे ठप्प, रेल्वे प्रशासनाची माहिती
मुंबईत पावसाने कहर केला आहे. मुंबईतील मुसळधार पावसामुळे मध्य रेल्वे आणि हार्बर रेल्वे ठप्प झाली आहे. ठाणे ते सीएसटीकडे जाणारी वाहतूक थांबवण्यात आली आहे. याबाबत रेल्वे प्रशासनाकडूनही माहिती देण्यात आली आहे.
Maharashtra Rain: सिंधुदुर्गात मुसळधार!
सिंधुदुर्ग जिल्ह्यात कालपासून मुसळधार पाऊस सुरू आहे. जिल्ह्यातील प्रमुख नद्या दूथडी भरून वाहत असून निर्मला नदीला पूर आल्याने कुडाळ तालुक्याच्या माणगाव खोऱ्यातील २७ गावांचा संपर्क तुटला आहे. जिल्ह्यात अजूनही पावसाची संततधार कायम आहे. तसेच जिल्ह्यात होणाऱ्या मुसळधार पावसाच्या पार्श्वभूमीवर शाळा, विद्यालयांना सुटी जाहीर करण्यात आली आहे.
Pune Rain Alert: पुणेकरांनो काळजी घ्या! हवामान खात्याकडून रेड अलर्ट जारी
पुणे जिल्ह्याला हवामान खात्याकडून रेड अलर्ट जारी
तर पुढील तीन तास मुंबई, ठाणे, पालघर, रायगड, आणि पुण्यातील घाट परिसरात ४०-४५ किमी प्रतितास वेगाने पावसाची शक्यता हवामान खात्याकडून वर्तवली जात आहे
६० किमी प्रतितास वेगाने वारे असतील तर मुसळधार पावसाची शक्यता देखील सांगण्यात आली आहे
प्रशासनाकडून नागरिकांना सतर्कतेचा इशारा देण्यात आला आहे
नागरिकांनी सावधांगी बाळगणे गरजेचे
Mumbai Rain: बुलेट ट्रेनच्या कामामुळे संतोष भवन परिसरातील घरांमध्ये पाणी, नागरिकांचा संताप
नालासोपारा संतोष भवन परिसरामध्ये बुलेट ट्रेन च्या कामामुळे पाणी तुंबून लोकांच्या घरात गुडघाभर पाणी शिरलं आहे. त्यामुळे येथील संतप्त रहिवाशांनी रस्त्यावर येऊन रस्ता रोको केला आहे. संतोष भवन गरेड पाडा मायकल कंपाऊंड या परिसरातील नागरिक रस्त्यावर आल्याने नालासोपारा रस्ता आडवला आहे. त्यामुळे याठिकाणी मोठी वाहतूक कोंडी निर्माण झाली आहे.
Mumbai Rain LIVE Updates: उपमुख्यमंत्री अजित पवार यांनी घेतला आढावा
राज्य आपत्कालीन नियंत्रण कक्षात जाऊन मुंबई शहर आणि परिसर तसंच राज्यातील इतर भागात मुसळधार पावसामुळे उद्भवलेल्या परिस्थितीची माहिती घेतली आणि आवश्यक त्या सूचना केल्या.
— Ajit Pawar (@AjitPawarSpeaks) August 19, 2025
📍मंत्रालय, मुंबई pic.twitter.com/RZdTvbcfU5
Mumbai Rain LIVE Update: मुंबईत सर्वाधिक नोंद झालेली ठिकाणे
मुंबईत सर्वाधिक पाऊस झालेली ठिकाणे:
🌧 मुंबईत काल १८ ऑगस्ट २०२५ रोजी सकाळी ८ ते आज १९ ऑगस्ट २०२५ रोजी सकाळी ८ वाजेपर्यंत (२४ तास) पावसाची सर्वाधिक नोंद झालेली ठिकाणे ☔
— माझी Mumbai, आपली BMC (@mybmc) August 19, 2025
(पावसाची नोंद मिलिमीटरमध्ये)
🔹पश्चिम उपनगरे
१) चिंचोली अग्निशमन केंद्र - ३६१
२) कांदिवली अग्निशमन केंद्र - ३३७
३) दिंडोशी वसाहत महानगरपालिका…
Maharshtra Rain: कण्हेर धरण क्षेत्रातून मोठ्या प्रमाणात विसर्ग
: कण्हेर धरणाच्या पाणलोट क्षेत्रात पडणाऱ्या पाऊसामुळे कण्हेर धरणातून सद्यस्थितीत ४२०० क्युसेक विसर्ग सुरू आहे या सोडण्यात आलेल्या विसर्गात पाणलोट क्षेत्रात होणाऱ्या पाऊसाच्या प्रमाणात वाढ करणे आवश्यक आहे. दिनांक १९ ऑगस्ट २०२५ रोजी सकाळी ११:०० वा विसर्गात वाढ करून ६२०० क्युसेक विसर्ग करण्यात येणार आहे.
वेण्णा नदी वरील खालील दोन गावांना जोडणाऱ्या वेण्णा नदीवरील पुल पाण्याखाली जाणार आहेत. तरी संबंधित गाव रस्ता पूल वाहतुकीसाठी वापरणाऱ्या येऊ नये. पर्यायी रस्ताचा वापर करावा.
Mumbai Rain LIVE Updates: कुर्ला कमानी परिसरात पाणी भरलं; दुकाने बंद
कुर्ला कमानी विभागात मोठ्या प्रमाणात रस्त्यावर पाणी भरले आहे. एलबीएस मार्गला कमानी शी जोडणारा काळे रस्ता पाणी भरल्याने ठप्प झाला आहे. सुमारे तीन ते चार फूट पाणी भरले आहे. इथल्या दुकानात पाणी भरल्याने दुकाने बंद करण्यात आली आहे
Mumbai Rain Local Status: पावसाचा सर्वात मोठा फटका, मध्य रेल्वे ठप्प
मुंबईतील पावसाचा सर्वात मोठा फटका! मध्य रेल्वे ठप्प, सायन दादरजवळ लोकल सेवा खोळंबली आहे. गेल्या अर्धा तासांहून अधिक वेळ लोकल सायन आणि दादर दरम्यान थांबली आहे. रेल्वे ट्रॅकवर पाणी भरल्याने ही लोकल ठप्प झाली आहे.
Raigad Rain: जळगाव जिल्ह्यातील रावेर तालुक्यात पावसाचा हाहाकार
जळगाव जिल्ह्यातील रावेर तालुक्यात झालेल्या अतिवृष्टीमुळे नदी नाल्यांना पूर आला असून पुराचे पाणी शेतांमध्ये शिरल्याने अनेक शेतातून शेती साहित्य वाहून गेल्याने शेतकऱ्यांच्या पिकांसह शेती साहित्याचे मोठ्या प्रमाणात नुकसान झाले आहे. अशातच रावेर तालुक्यातल्या निंबोल शिवारात शेतातून वाहून जाणारे शेती साहित्य वाचवण्यासाठी शेतकऱ्याची धडपड सुरू असून निंबोल येथील शेतकरी शरद पाटील यांनी शेतातून वाहून जाणाऱ्या ठिबक सिंचनाच्या नळ्या व इतर शेती साहित्य वाचण्याचा प्रयत्न केला आहे.
Pune Rain LIVE Updates: मुळशी धरण ९५% भरले
मुळशी धरण ९५% भरले आहे व पाऊस अधिक प्रमाणात होत आहे.
मुळशी धरणाच्या सांडव्यातून मुळा नदीत 5000 Cusecs विसर्ग सकाळी १२:०० वाजता सुरू करण्यात येईल, तसेच पाऊस चालू/वाढत राहिल्यास व येवा वाढत गेल्यास परिस्थितीनुसार विसर्ग कमी /जास्त करण्यात येईल.
तरी सर्वांना याद्वारे विनंती करण्यात येते की कृपया नदीपात्रात कोणीही उतरू नये आणि नदीपात्रात तत्सम साहित्य अथवा जनावरे असल्यास तात्काळ हलविण्यात यावेत. कृपया सखल भागातील संबंधित नागरिकांना सूचना देण्यात याव्यात व सर्वांनी योग्य ती खबरदारी व दक्षता घ्यावी.
हे आपल्या माहितीसाठी सविनय सादर.
Pune Rain:पुण्यातील सिंहगड रोड जॅम, वाहनांच्या लांबच लांब रांगा
पुण्यातील सिंहगड रोड जॅम
पुण्यातील सिंहगड रोड वर परिस्थिती जैसे थे
पुण्यात मुसळधार पाऊस आणि वाहतूक कोंडीमुळे पुणेकर हैराण
सिंहगड रोड वरील वाहतूककोंडी वर उपयोजना कधी? पुणेकरांचा प्रश्न
सकाळच्या वेळी परिसरात मोठी वाहतूक कोंडी
सिंहगड रस्त्यावर वाहनांच्या लांबच लांब रांगा
Pune Rain LIVE Updates: पुणे जिल्ह्यातील धरण पाणलोट क्षेत्रात जोरदार पाऊस
पुणे जिल्ह्यातील धरण पाणलोट क्षेत्रात जोरदार पाऊस
सलग २ दिवस सुरू असलेल्या पावसामुळे जिल्ह्यातील अनेक धरणातून पाण्याचा विसर्ग सुरू
खडकवासला धरणातून मुठा नदीत होणारा विसर्ग वाढवला
सध्या कुठल्या धरणातून किती विसर्ग
कासारसाई: ५६० क्युसेक्स
वरसगाव धरण: ३९०९ क्युसेक्स
खडकवासला धरण: ४१७० क्युसेक्स
भाटघर धरण: १२,११४ क्युसेक्स
पानशेत: ३९९६ क्युसेक्स
पवना: २८६० क्युसेक्स
Pune Rain News: पुण्यात आज सकाळपासून पुन्हा मुसळधार पाऊस
पुण्यात आज सकाळपासून पुन्हा मुसळधार पाऊस
पुणे शहरासह जिल्ह्याला हवामान खात्याचा आज ऑरेंज अलर्ट
शहरातील अनेक भागात आज सकाळपासून मुसळधार पाऊस
पुणे शहरासह घाट माथ्यावर देखील कालपासून जोरदार पाऊस
पावसामुळे रस्त्यावर हळूहळू पाणी साचायला सुरुवात
शहरात आज दिवसभर मुसळधार पावसाची शक्यता
Pune Rain LIVE Update: खडकवासला धरणातून मोठा विसर्ग
खडकवासला धरणाच्या सांडव्यावरून मुठा नदी पात्रामध्ये सुरू असणारा 4170 क्युसेक वाढवून सकाळी 11.00 वा.7561क्यूसेक करण्यात येत आहे. आवश्यकतेनुसार बदल संभवू शकतो. कृपया नोंद घ्यावी.
तसेच पावसाच्या प्रमाणानुसार व येव्यानूसार विसर्ग पुन्हा कमी/जास्त करण्याची शक्यता आहे याची नोंद घेण्यात यावी.
Mumbai Rains Update : मुंबईत मिठी नदी धोक्याच्या पातळीवर, कुर्ल्यात NDRF टीम तैनात
मुंबई मिठी नदी धोक्याच्या पातळीवर, कुर्ला पुलावरील क्रांतीनगर येथे पाणी पातळीत वाढ, खबरदारीचा उपाय म्हणून एनडीआरएफची टीम घटनास्थळी तैनात, जवळपासच्या रहिवाशांना BMC कडून सतर्क राहण्याच्या सूचना
🚨 Mithi River Update
— WARD L BMC (@mybmcWardL) August 19, 2025
The water level of Mithi River has touched the danger mark at Kranti Nagar, Kurla Bridge. An NDRF team has been deployed on-site and nearby residents have been alerted as a precautionary measure. (1/2)
#MyBMCUpdates#MumbaiRains pic.twitter.com/r4209Ggps1
Mumbai Rain LIVE Updates: कल्याणमध्ये मुसळधार
कल्याण डोंबिवली सकाळपासून मुसळधार पाऊस
कल्याण कोर्टासमोर रस्त्यावर साचले पाणी
या साचलेला पाण्यामुळे वाहन चालक, रिक्षाचालक आणि नागरिकांना प्रचंड त्रास
Mumbai Rain LIVE Updates: मुंबईत पावसाचे थैमान: सर्वाधिक पावसाची नोंद झालेले परिसर
मुंबईत पावसाचे थैमान: सर्वाधिक पावसाची नोंद झालेले परिसर...
🌧️ मुंबईत आज १९ ऑगस्ट २०२५ रोजी पहाटे ४ ते सकाळी ८ वाजेपर्यंत (४ तास) सर्वाधिक पावसाची नोंद झालेली ठिकाणे☔
— माझी Mumbai, आपली BMC (@mybmc) August 19, 2025
(पावसाची नोंद मिलिमीटरमध्ये)
पश्चिम उपनगरे
१) चिंचोली अग्निशमन केंद्र - १०७
२) वर्सोवा उदंचन केंद्र - १०६
३) दिंडोशी वसाहत महानगरपालिका शाळा - ९७
४) सुपारी टॅंक…
Mumbai Rain LIVE Updates: कळवा मुंब्रा खाडीला भरतीला सुरुवात
कळवा मुंब्रा खाडीला भरतीला सुरुवात...
सतत दोन दिवसात पडत असलेल्या पावसामुळे मोठ्या प्रमाणात पाणी साचायला सुरुवात...
ठाण्याला लागूनच असणारा कळवा खाडी आणि मुंब्रा या ठिकाणी मोठ्या प्रमाणात खाडीला भरतीला सुरुवात झाली असून खाडी मध्ये असणाऱ्या बोटीला प्रशासनाच्या वतीने सतर्कतेचा इशारा देण्यात आला आहे....
Mumbai Local Train Stutus: पावसामुळे मुंबईची लाईफलाईन विस्कळीत! तिन्ही मार्गावरील लोकल उशिरा
मध्य रेल्वे (Central Railway) ३० ते ४० मिनिटे उशिरा, पश्चिम रेल्वे (Western Railway) १५ ते २० मिनिटे उशिरा धावत आहे. त्याचबरोबर हार्बर (Harbour Line) मार्गावरीलही गाड्या 25 ते 30 तसेच ट्रान्स हार्बर रेल्वे- 20 ते 25 मिनिटं उशिरा धावत असल्याची माहिती मिळत आहे. क
Mumbai Rains : इंडिगो एअरलाईनकडून प्रवाशांसाठी गाईडलाईन जारी
इंडिगो एअरलाइन्सने प्रवाशांसाठी गाईडलाईन जारी केली आहे. मुंबईत मुसळधार पावसामुळे विमानतळाकडे जाणाऱ्या अनेक मार्गांवर पाणी साचले आहे आणि वाहतूक मंदावली आहे. यामुळे ऑपरेशनल अडचणी निर्माण झाल्या आहेत, ज्यामुळे उड्डाणे आणि आगमन दोन्हीमध्ये विलंब होत आहे.
इंडिगो एयरलाइंस ने एक यात्रा एडवाइजरी जारी की है। ट्वीट में लिखा है, "मुंबई में भारी बारिश के कारण, हवाई अड्डे तक पहुँचने वाले कई मार्गों पर जलभराव और यातायात में सुस्ती देखी जा रही है। इसके कारण परिचालन संबंधी चुनौतियाँ पैदा हुई हैं, जिससे प्रस्थान और आगमन दोनों में देरी हो रही… pic.twitter.com/aRx0BjPp6Q
— ANI_HindiNews (@AHindinews) August 19, 2025
Pune Rains Update: पुणे जिल्ह्यासाठी ऑरेंज अलर्ट जारी, पूढील ३ तास महत्त्वाचे
पुणे जिल्ह्यासाठी ऑरेंज अलर्ट जारी करण्यात आला आहे. हवामान खात्याच्या माहितीनुसार, पुढील ३ तासांत छत्रपती संभाजीनगर, बीड, धुळे, जळगाव, जालना, लातूर, नांदेड, नंदुरबार, नाशिक, पुणे, सातारा आणि कोल्हापूर या जिल्ह्यांमध्ये मध्यम स्वरूपाचा पाऊस पडण्याचा अंदाज वर्तविण्यात आला आहे.
Mumbai Rains Update: दादर टीटी परिसरात पाणी साचलं
दादर टीटी परिसरात पाणी साचलं
नागरिकांना गुडघाभर पाण्यातून काढवी लागतेय वाट
वाहतुकीवरही परिणाम
Maharashtra Rain: रत्नागिरी जिल्ह्यात तुफान पाऊस,हरचेरी बाजारपेठेत पाणी भरण्याची शक्यता
जिल्ह्यात रात्रीपासून पावसाची संततधार
रत्नागिरीतल्या काजळी नदीने ओलांडली इशारा पातळी
नदीने पातळी ओलांडल्याने चांदेराई लांजा रस्त्यावर पाणी
रसत्यावर जवळपास तीन फुट पाणी,चांदेराई लांजा अशी वाहतुक ठप्प
हरचेरी बाजारपेठेत पाणी भरण्याची शक्यता
भितीने व्यापाऱ्यांकडून सामानाची हलवाहलव
Raigad Rain LIVE Update: रायगड जिल्ह्यात पावसाची संततधार सुरू
रायगड जिल्ह्यात आजही पावसाची संततधार सुरू आहे. जोर कमी झाला असला तरी अधून मधून पावसाच्या हलक्या ते मध्यम सरी बरसत आहेत. महाडच्या सावित्री नदीची पाणी पातळी कमी झाल्याने महाडकरांनी सुटकेचा निःश्वास सोडला आहे. मात्र माणगाव मधील पाणी अद्याप ओसरलेले नाही.
माणगावात बामणोली रोडवर अजूनही पाणी साचले असून नागरिकांनी उभी करून ठेवलेली वाहने पाण्यात बुडाली आहेत. हवामान खात्याने आज जिल्ह्यासाठी पावसाचा रेड अलर्ट दिल्याने प्रशासन सतर्क आहे. सर्व यंत्रणांना सज्ज राहण्याच्या सूचना देण्यात आल्या आहेत. जिल्ह्यातील शाळा महाविद्यालयांना सुट्टी देण्यात आली आहे.
Mumbai Rain Local Train LIVE Stutus: कल्याणमधून निघणाऱ्या लोकल गाड्यांचाही खोळंबा
कल्याण डोंबिवलीत सकाळपासून मुसळधार पाऊस कोसळत आहे. या पावसामुळे लोकल गाड्या उशिराने धावत आहेत. सध्या लोकल गाड्या दहा ते पंधरा मिनिटं उशिराने धावत असल्याची रेल्वे प्रशासनाची माहिती
Mumbai Rain Local Stautus: पावसाचा लोकल सेवेवर परिणाम! पश्चिम रेल्वेवरील गाड्या उशिरा
मुंबईतील पावसाचा लोकल सेवेवर मोठा परिणाम झाला आहे. पश्चिम रेल्वे मार्गावरील गाड्या 15- ते २० मिनिटे उशिरा धावत असल्याचे समोर आले आहे. रेल्वे रुळांवर पाणी साचल्याने लोकलचा खोळंबा झाला आहे. सध्या पंपाद्वारे पाणी काढण्याचे पाणी सुरु आहे.
Mumbai Rain LIVE Updates: वसई विरार नालासोपारा परिसरात मुसळधार पावसाचा तडाखा, सखल भागामध्ये पाणी साचले
वसई विरार नालासोपारा परिसरात मुसळधार पावसाचा तडखा.. अनेक सखल भागामध्ये पाणी साचले असून जनजिवन विस्कळीत झाले आहे. नालासोपाराअचोले रोड नालासोपारा वसई लिंक रोड, डॉन लेन, स्टेशनं परिसरात पाणी भरले, तर विरार पश्चिम भागातील रस्ते पाण्याखाली.. अतिवृष्टी च्या पार्श्वभूमीवर जिल्ह्यातील सर्व अंगणवाडी, प्राथमिक, माध्यमिक, उच्च माध्यमिक तसेच खासगी आणि अनुदानित शाळांना शाळांना सुट्टी जाहीर केली आहे
Mumbai Rain LIVE Updates: मुंबई उपनगरात सकाळपासून जोरदार पाऊस सुरु, एलबीएस मार्गावर पाणी
मुंबई उपनगरात सकाळपासून जोरदार पाऊस सुरू
Lbs मार्गावर पावसाचे पाणी भरण्यास सुरुवात
घाटकोपर,विक्रोळी, कांजूर मार्ग, भांडुप मधील सकल भागात पाणी भरण्यास सुरुवात
Kolhapur Rain LIVE Updates: कोल्हापुरात पावसाचा जोर वाढला, राधानगरीच्या सातही धरणातून पाणी विसर्ग सुरु
कोल्हापुरात पावसाचा जोर वाढला
रात्रभर संततधार पाऊस
राधानगरी धरणच्या सातही धरणातून पाणी विसर्ग सुरु
पंचगंगा नदीची पाणी पातळी 34.9 फुटावर
प्रशासनाकडून वेळोवेळी नागरिकांना सतर्कतेचे आवाहन
आपत्तीव्यवस्थापन विभाग सज्ज
Buldhana Rain LIVE Updates: सिंदखेडराजा तालुक्यात अतिवृष्टीने बांध फुटला; शंभर एकर शेतीचे नुकसान
बुलढाणा जिल्ह्याच्या सिंदखेडराजा तालुक्यातील जांभोरा येथिल शेततलाव फुटला मुळे शेतीचे मोठ्या प्रमाणात नुकसान सदर मातीनाला शेत तलावांचे निर्माण आठ वर्षापूर्वी झाले होते या माती नालाबांध तलावाचे व्यवस्थित देखरेख न झाल्याने या भागात मुसळधार पाऊस पडल्याने हा फुटल्याने परिसरातील शंभर एकर शेतीचे नुकसान झाले आहे रमेश खरात उध्दव खरात यांच्या शेता लगत हा बांधारा.होता फुटल्याने शेतीचे मोठ्या प्रमानत नुकसान झाले आहे.
Mumbai Rain LIVE Update: भांडुपच्या सकल भागात पाणी साचलं
सकाळपासून उपनगरात जोरदार पावसाची हजेरी: भांडुपच्या सकल भागात पाणी साचायला सुरुवात; सकळ भागात पाणी साचल्यामुळे घरात आणि दुकानात मोठ्या प्रमाणात पाणी
Konkan Rain LIVE Updates: तळकोकणात मुसळधार, मासेमारीसाठी जाऊ नये, नितेश राणेंचे आवाहन
तळकोकणाला रात्रभर मुसळधार पावसाने झोडपून काढलं. त्यामुळे सह्याद्रीच्या पट्ट्यातू वाहणाऱ्या कर्ली नदीच्या उगमा जवळील तीन ते चार पूल पाण्याखाली गेली. आंबोली मधील मुख्य धबधब्याचे रौद्ररूप धारण केलं. जिल्हाला आज ऑरेंज अलर्ट जारी करण्यात आला असून मुसळधार ते अतिमुसळधार पाऊस कोसळणार असल्याची शक्यता हवामान विभागाने वर्तवली आहे. सिंधुदुर्ग किनाऱ्यावर विजयदुर्ग ते तेरेखोल पर्यंत उंच लाटांचा इशारा आज दुपार नंतर ते उद्या दुपारी २:३० या वेळेत ३.५-३.७ मीटर उंचीच्या लाटा उसळण्याचा अंदाज आहे. त्यामुळे मच्छीमारांनी समुद्रात मासेमारीसाठी जाऊ नये असं आवाहन मंत्री नितेश राणेंनी देखील सोशल मीडियावरून केलं आहे.
Mumbai Rain LIVE Updates: गांधी मार्केट परिसरातही पाणी साचलं
मुंबईमधील गांधी मार्केट परिसरात पाणी साचले..
🚨 Gandhi Market, Sion already waterlogged due to heavy rains.. 5:30 AM ⛈️ #MumbaiRains pic.twitter.com/t44fMg64Wm https://t.co/WZkSNH0FSy
— Mumbai Rains (@rushikesh_agre_) August 19, 2025
Mumbai Rain LIVE Updates: खडकवासला धरणातून विसर्ग वाढणार, नागरिकांनी सतर्क राहावे!
खडकवासला धरण क्षेत्रात झालेल्या अतिपर्जन्यमुळे धरणातील पाण्याची पातळी झपाट्याने वाढत आहे. त्यामुळे आज सकाळी 8 वाजता धरणातून 2178 क्युसेक तर सकाळी 9 वाजता 4170 क्युसेक पाणी नदीपात्रात सोडण्यात येणार आहे, अशी माहिती मुठा कालवे पाटबंधारे उपविभाग, पुणे यांनी दिली आहे.
पुढील काळात पावसाचे प्रमाण आणि धरणातील येव्या नुसार विसर्गाचे प्रमाण कमी-जास्त होऊ शकते.
प्रशासनाने नागरिकांना नदीकाठच्या भागात अनावश्यक वावर टाळण्याचे आणि सतर्क राहण्याचे आवाहन केले आहे.
Mumbai Rain LIVE Updates: दादर टीटी परिसर, अंधेरी सवबे परिसरात पाणी साचलं
मुंबईमध्ये पावसाचे धुमशान सुरु असून दादर टीटी सर्कलला पाणी साचलं आहे. रस्त्याच्या दोन्ही बाजूला पाणी साचल आहे, त्यामुळे वाहनचालकांना मोठी कसरत करायला लागत आहे.
Maharashtra Rain: अकरावी प्रवेशाबाबत प्रशासनाचा मोठा निर्णय
राज्यात विविध ठिकाणी होत असलेल्या जोरदार पावसामुळे शाळा व कनिष्ठ महाविद्यालयांना सुटी जाहीर करण्यात आली आहे
त्यामुळे अकरावीला प्रवेश घेणान्या विद्यार्थयाची होणारी गैरसोय टाळण्यासाठी शिक्षण संचालनालयाने विद्यर्थयाना प्रत्यक्ष महाविद्यालयात जाऊन प्रवेश् घेण्याठी दोन दिवसांची मुदतवाढ दिली आहे
त्यानुसार ११ ते २० ऑगस्टपर्यत असलेली मुदत २२ ऑगस्टपर्यत वाढविण्यात आली आहे
Mumbai Rain LIVE Updates: मुंबईत सलग पाचव्या दिवशी पावसाचे तुफान
मुंबईत सलग चौथ्या दिवशी पावसाची बॅटिंग पाहायला मिळत आहे
मुंबईत आज रेड अलर्ट जाहीर केलं आहे
पुढचे काही तास पाऊस असाच सुरु राहिला तर काल सारखी परिस्थिती होऊ शकते
Mumbai Rain LIVE Updates: पुढील 3 तास महत्त्वाचे... मुंबई शहर, उपनगरात मुसळधार पावसाचा इशारा
पुढील ३ तासांत मुंबई शहर, मुंबई उपनगर, पालघर, रायगड, रत्नागिरी, ठाणे या जिल्ह्यांमध्ये काही ठिकाणी मुसळधार पाऊस पडण्याची शक्यता आहे. तरी नागरिकांनी सतर्क राहावे.
Mumbai Rain LIVE Updates: कल्याण, बदलापूरमध्ये रस्त्यांवर पाणी...
कल्याण -बदलापूर रोडवर वीमको नाका परिसरात रस्त्यावर साचले पाणी.. या पाण्यातून मार्ग काढताना मुंबईकरांची मोठी कसरत पाहायला मिळत आहे.
Mumbai Rain: मुसळधार पावसामुळे माती खचून झाडे पडली
लातूर जिल्ह्यात झालेल्या मुसळधार पावसामुळे सर्वच नद्यांना पूर आल्याचे पहायला मिळत आहे तर शेती पीकांचंही मोठं नुकसान झालं आहे. काही ठिकाणी माती खचुन झाडं आडवी पडली असल्यामुळे रस्ते बंद झाले आहेत. शेतीतला उस आडवा पडला आहे तर हाता तोंडाशी आलेली उडीद आणि मुगाची पिकं जाण्याची शक्यता वर्तवली जात आहे.
Mumbai Rain LIVE Updates: मुंबईत पावसाची बॅटिंग सुरुच
मुंबईमध्ये सोमवारपासून सुरु झालेला पाऊस आजही सुरु आहे. शहरातील ठाणे, कळवा, नवी मुंबई, घाटकोपर, साकीनाका परिसरात तुफान पाऊस कोसळत आहे. हवामान खात्यानेही आज रेड अलर्ट जारी केला आहे.
