अहिल्यानगर शहरातील नाराज उद्धव ठाकरे शिवसेनेच्या माजी महापौर नगरसेवकांनी आज मुंबईत  उपमुख्यमंत्री एकनाथ शिंदे यांच्या उपस्थितीमध्ये शिंदे गट शिवसेनेमध्ये प्रवेश केला आहे. या सर्वांच्या प्रवेशाने  अहिल्यानगर शहरातील उद्धव बाळासाहेब ठाकरे शिवसेना गटाला मोठे खिंडार पडलं आहे. आज शिंदे गटात प्रवेश करणारे शहर प्रमुख संभाजी कदम, माजी महापौर संजय शेडगे यांच्यासह अनेक नगरसेवकांनी प्रवेश केला आहे. 

पुण्यात ठाकरे गटाला मोठा धक्का बसला आहे. माजी आमदार शिंदे गटात प्रवेश करणार आहेत. ठाकरे गटाचे माजी आमदार महादेव बाबर शिंदेंच्या शिवसेनेत प्रवेश करणार असल्याचे आता स्पष्ट झाले आहे. फेब्रुवारी महिन्याच्या पहिल्या आठवड्यात महादेव बाबर शिवसेनेत प्रवेश करतील. महादेव बाबर यांनी नुकतीच उपमुख्यमंत्री एकनाथ शिंदे यांची भेट घेतली. महादेव बाबर यांच्यासोबत शहरातील आणखी काही नगरसेवक शिवसेनेत प्रवेश करणार असल्याचा दावा त्यांनी केला आहे. विधानसभा निवडणुकीत तिकीट न मिळाल्यामुळे बाबर नाराज होते. 

पुण्यात जीबीएस रुग्णांची संख्या 130 वर गेली आहे. काल पासून फक्त 3 रुग्णांमध्ये वाढ झाली आहे. 130 रुग्णांपैकी 73 रुग्णांना जीबीएसची लागण झाल्याची पुष्टी झालेली आहे. तर बाकीचे हे संशयित जीबीएस रुग्ण आहेत. सध्या 20 रुग्ण हे वेंटीलेटर सपोर्टवर आहेत. 

मराठा आंदोलक मनोज जरांगे पाटील यांना छत्रपती संभाजी नगरच्या गॅलेक्सी रुग्णालयात दाखल करण्यात आले आहे.  6 दिवसाच्या उपोषणानंतर आज उपचारासाठी जरांगे पाटील रुग्णालयात दाखल झाले आहेत.  डॉक्टरांकडून मनोज जरांगे पाटील यांच्या प्रकृतीची तपासणी करण्यात येत आहे.

मुंबईत बांगलादेशींची घुसखोरी रोखण्यासाठी समिती स्थापन करण्याच्या सुचना मंत्री मंगल प्रभात लोढा यांनी दिल्या आहेत. मुंबईत बांगलादेशी आणि रोहिंग्यांची घुसखोरी वाढली आहे. त्यासाठी एक समिती गठीत करावी. शिवाय एनजीओंना सोबत घ्यावे. असं ही त्यांनी सांगितलं आहे. संक्रमण शिबिरात ही घुसखोरी वाढली आहे. या घुसखोरांना बाहेर काढण्यासाठी एक मोहिम हाती घ्यावी अशी सुचनाही लोढा यांनी दिल्या आहेत. 

पीएलजी बटालियन क्रमांक 1 मध्ये सक्रिय असलेल्या 2 नक्षली जोडप्यांसह 9 कट्टर नक्षलवाद्यांनी आत्मसमर्पण केले आहे आत्मसमर्पण केलेल्या सर्व नक्षलवाद्यांवर छत्तीसगड सरकारने एकूण 52 लाख रुपयांचे बक्षीस जाहीर केले होते. आत्मसमर्पण केलेल्या नक्षलवाद्यांमध्ये 2 पुरुष आणि 4 महिलांनी प्रत्येकी 8 लाख रुपये, एका महिलेवर 2 लाख आणि 2 महिला नक्षलवाद्यांवर प्रत्येकी 1 लाख रुपयांचे बक्षीस जाहीर केले होते. नेड नेल्लानारच्या योजनेने प्रभावित होऊन, त्याने सुकमा पोलिसांना शरण गेले.

अंतरवाली सराटी इथं सुरू असलेलं उपोषण स्थगित करत असल्याची घोषणा मनोज जरांगे पाटील यांनी केली आहे. आता उपोषण नाही तर समोरा समोर लढाई करणार असं ही जरांगे यांनी यावेळी सांगितलं. मागण्या मान्य झाल्या नाहीत तर मुंबईला जाणार असंही ते म्हणाले. 

मराठा आरक्षणासाठी मनोज जरांगे यांचे उपोषण सुरु असून त्यांची मनधरणी करण्याचे प्रयत्न सध्या सरकारकडून सुरु आहेत. आमदार सुरेश धस आणि खासदार बजरंग सोनवणे हे उपोषणस्थळी दाखल झाले आहेत. मात्र सरकारजर लेखी आश्वासन देत नसेल तर मुंबईला धडकणार असल्याचे मोठे संकेत जरांगे पाटील यांनी दिले आहेत. 

बीड जिल्हा नियोजन समितीच्या बैठकीमध्ये राज्याचे अन्न व नागरी पुरवठा मंत्री तथा जिल्ह्याचे माजी पालकमंत्री धनंजय मुंडे यांनी मागील पाच वर्षातील त्यांच्या चार वर्षाच्या पालकमंत्री कार्यकाळातील कामकाजाचा लेखाजोखा आज उपमुख्यमंत्री तथा बीड जिल्ह्याचे नवनिर्वाचित पालकमंत्री अजितदादा पवार यांच्यासमोर बैठकीदरम्यान  मांडला.

मागच्या पाच पैकी चार वर्षे मी बीड जिल्ह्याचा पालकमंत्री होतो. त्यात साधारण दोन ते अडीच वर्षे ही कोविड मध्ये गेली. त्या काळात रुग्णांना तातडीचे योग्य उपचार मिळवून देणे तसेच लोकांचे प्राण वाचवणे आरोग्य यंत्रणा अधिक बळकट करणे ही कामे प्राधान्याने करत कोविडच्या काळामध्ये जिल्ह्यातील जनतेच्या आरोग्याची काळजी घेण्यासाठी पुरेपूर प्रयत्न करण्यात आले. अनेक कोविड सेंटर विविध वैद्यकीय साहित्य त्याचप्रमाणे रुग्णवाहिका अशा आरोग्य यंत्रणांना बळकटी देणाऱ्या बाबींवरती मोठ्या प्रमाणात जिल्हा नियोजन समितीचा निधी त्याकाळी खर्च केला गेला, अशी माहिती धनंजय मुंडे यांनी जिल्हा नियोजन समितीच्या सभागृहात दिली.

नाशिकच्या  येवल्यात दोन वेगवेगळ्या घटनामध्ये दोन युवकांनी आत्महत्या केल्याची घटना समोर आली.मेकॅनिकल च्या प्रथम वर्षाला शिक्षण घेत असलेल्या आशिष काळे या विद्यार्थ्याने येवला पाटोदा रोड वरील 38 गाव नळ पाणीपुरवठा योजनेसमोर असलेले साठवण तलावात उडी घेऊन आपले जीवन संपवले.दुसरी घटना येवल्याच्या चिचोंडी गावात घडली. तुषार घोटेकर या  32 वर्षीय सेंट्रिंग काम करणाऱ्या तरुणाने घरातच गळफास लावून आत्महत्या केली.दोन्ही घटनेचा पोलिस तपास करीत आहे.

आपल्या मित्रांसोबत शिरोडा-वेळागर येथे पर्यटनासाठी आलेल्या एका रशियन युवतीचा विनयभंग झाल्याची तक्रार वेंगुर्ले पोलीस ठाण्यात दाखल करण्यात आली आहे. या प्रकरणी वेंगुर्ला रेडी येथील  सचिन शशिकांत रेडकर याच्यावर गुन्हा दाखल करण्यात आला आहे. ही घटना 28 जानेवारीला घडली होती. मित्रांसोबत शिरोडा- वेळागर येथे फिरण्यासाठी ही युवती आली असता फिरून झाल्यानंतर पुन्हा आपल्या गोवा येथील हॉटेलमध्ये जात असताना रेडी हुडा येथे तीच्या मित्रांच्या गाडीचा अपघात झाला यावेळी त्यांना मदत करण्याच्या निमित्ताने आलेल्या सचिन शशिकांत रेडकर या इसमाने तिचा विनयभंग केला.

अकोला जिल्हा मुख्यमंत्री युवा कार्य प्रशिक्षणार्थी यांच्या वतीने अकोल्याच्या जिल्हाधिकारी कार्यालयावर स्वराज्य भवन येथून काढला मूक मोर्चा.. शहरातील गांधी मार्गावरून हा मोर्चा जिल्हाधिकारी कार्यालयावर काढलाय. दरम्यान युवाकार्य प्रशिक्षणार्थी यांचे सहा महिन्याची मुदत संपत असल्याने वाढीव मुदत देण्यात यावी.. या मागणीला घेऊन हा मूक मोर्चा काढण्यात आलाय.

जमलेल्या माझ्या तमाम हिंदू, बांधवांनो आणि भगिनींनो.... 

हे बाळा नांदगावकर... निवडणुकीच्या काळात प्रचारादरम्यान, पायाला फ्रॅक

बऱ्याच दिवसांनी मी

निकालावरती प्रतिक्रिया मी दिली होती, त्यानंतर मी बोललो नव्हतो. शांत आहे याचा अर्थ विचार

करत नव्हतो असं नाही. सगळ्या गोष्टींचे विवेचन, आकलन चालू होते. दोन महिन्यात बरेच लोक भेटले.

परवा माझ्याकडे छावा चित्रपटाचे दिग्दर्शक आले होते. प्रत्येक मराठी माणसाने तो चित्रपट पहावा.

छत्रपती शिवाजी महाराज ही प्रेरणा आहे, संभाजीराजे हे बलिदान आहे. मी हा ट्रेलर पाहिला नव्हता.

मला अमय खोपकरने सांगितले, त्यांना तुम्हाला भेटायचं आहे. अर्थात लेझीम हा  आपला पारंपारिक

खेळ आहे, संभाजीराजेंनी हातात घेतलीही असेल, काय माहित? मी त्यांना म्हच

हल्ली सगळ्यांना इतिहास समजायला लागलाय, भावना उफाळून येतात. बरेच लोक मला भेटले.

निकालानंतर ज्या दिवशी निकाल लागला त्या

महाराष्ट्रात निकाल लागल्यानंतर पहिल्यांदा असं बघितलं की सन्नाटा आला. असा कसा निर्णय आला.

लोकांमध्ये संभ्रम होता. माझ्याकडे संघाशी संबंधित व्यक्ती होती, त्यांच्याही मनामध्ये दिसलं की

हे पटलेलं नाही. इतना सन्नाटा क्यु है भाई.. काही गोष्टींवर विश्वासच बसत नाही.

त्यांच एक गाव आहे, पाटलांचेच गाव त्यांनाच मतदान होतं. १४०० लोकांच्या गावामध्ये राजू पाटलांना

एकही मतदान झालं नाही. अख्ख्या गावात एक मतदान नाही पडतं. १४०० च्या १४०० मत पडायची.

त्यापैकी एकही मत पडत नाही. आपला मराठवाड्यातला एक पदाधिकारी आहे.

त्याला नगरसेवक असताना साडेपाच हजार मतदान आहे, त्याला आत्ता विधानसभेला त्याच्या वार्डामध्ये

अडीच हजार मतदान झाले. अनेक असे निर्णय आहेत, ज्यावर विश्वास बसत नाही. निवडून आलेल्यांचा

विश्वास नाही

बाळासाहेब थोरात काँग्रेसचे नेते, सात वेळा आमदार झाले.. सात वेळा जो आमदार ७० हजार मतांनी

निवडून यायचे त्यांचा १० हजार मतांनी पराभव होतो. उद्या अनेक लोक बोलतील राज ठाकरेंचा पराभव झाला म्हणू

बोलतातेय. मी काय आख्खा महाराष्ट्र बोलतोय.. निवडून आलेल्यांचे, सत्तेत असलेल्यांचे

सुद्धा मला बोलतील.

२०१४ ला १२२ जागा होत्या, अजित पवारांना ४२... चार पाच जागा येतील असं वाटत असताना

इतक्या जागा.. आणि ज्यांच्या नावावर हे आले त्या शरद पवारांना १० जागा मिळतात..

लोकसभेला सर्वात जास्त खासदार काँग्रेसचे आले. एका खासदारामागे चार ते पाच आमदार येतात.

अशावेळी काँग्रेसचे १४ आमदार येतात. लोकसभेला ज्या अजित पवारांचा एक खासदार आला त्याचे

४२ आमदार येतात. काय झालं, कशामुळे झालं का संशोधनाचा होत आहे..

लोकांनी आपल्याला मतदान केलं आहे, मात्र ते आपल्यापर्यंत आलेल नाही. 

बीडच्या जिल्हा नियोजन समितीची बैठक आज होत आहे. उपमुख्यमंत्री तथा बीड जिल्ह्याचे पालकमंत्री अजित पवार यांच्या उपस्थितीत ही बैठक होतेय. या बैठकीच्या पूर्वसंध्येलाच शासनाने नियोजन समितीच्या नामनिर्देशित सदस्यांची नियुक्ती केली. बीडमधून गेवराईचे आमदार विजयसिंह पंडित आणि केजचे आमदार नमिता मुंदडा यांची नियुक्ती करण्यात आलीय. यावेळी मात्र आमदार सुरेश धस व आमदार प्रकाश सोळंके यांना डावल्याची चर्चा सुरू झाली आहे.

मुख्यमंत्री देवेंद्र फडणवीस यांच्या हस्ते 98 व्या अखिल भारतीय मराठी साहित्य संमेलनाच्या दिल्ली कार्यालयाचं आज उद्घाटन

आज सकाळी 10  वाजता होणार उद्घाटन

दिल्लीतील महाराष्ट्र सदनातील "हेमंत” कक्षात साहित्य संमेलनाचं नवीन कार्यालय सुरू करण्यात येणार आहे. याचं उद्घाटन मुख्यमंत्र्यांच्या हस्ते होणार आहे

नवी दिल्ली इथ २१ फेब्रुवारी ते २३ फेब्रुवारी अखिल भारतीय मराठी साहित्य संमेलन पार पडणार आहे. या संमेलनाच्या दैनंदिन कामकाजासाठी हे कार्यालय सुरू करण्यात येणार आहे.

 नागपुर येथील कळमना पोलीस स्टेशनच्या हद्दीत स्ट्रॉंगरूम वर असलेल्या पोलीस कर्मचाऱ्याची विष प्राशन करत आत्महत्या केली. रामचंद्र रोहनकर अस पोलीस कर्मचाऱ्याच नाव आहे. रामचंद्र यांनी काल कर्तव्यावर असताना विष प्राशन केलं होतं.