Amravati News: महाराष्ट्र राज्य विद्युत मंडळ म्हणजेच महावितरण विभागामध्ये दरवर्षी भरती निघत नसल्याने उमेदवारांमध्ये तीव्र नाराजी व्यक्त केली जात आहे. दुसरीकडे झालेल्या परीक्षांमध्ये मोठा घोटाळा आरोप झाल्याचाही आरोप उमेदवार तसेच स्पर्धा परीक्षा संघटनांकडून होत आहे. 2019 पासून उपकेंद्र सहायक पदासाठी भरती होत नसल्याने शिकून फायदा काय? असा सवाल उमेदवारांकडून उपस्थित होत आहे. याचसंदर्भात अमरावतीमध्ये केंद्रे इन्स्टिट्युटचे संचालक सहदेव केंद्रे यांनी लाखो बेरोजगार विद्यार्थ्यांच्या वतीने राज्याच्या उर्जामंत्री मेघना बोर्डीकर यांच्याकडे एमएसईबी भरती घोटाळ्यासह विविध मागण्यांचे निवेदन देण्यात आले.
Amravati News: पोलीस भरतीच्या सरावात खोळंबा; अमरावती ग्रामीण पोलिसांचा मोठा निर्णय
काय आहेत उमेदवारांच्या मागण्या?
1) महावितरण (विद्युत सहाय्यक) 50% वेटिंग लिस्ट कम्प्लीट करून तिसरी सिलेक्शन यादी लावण्यात यावी.
2) महावितरण (सहाय्यक अभियंता) व कनिष्ठ अभियंता यांची वेटिंग लिस्ट क्लिअर करण्यात यावी.
3 ) महापारेषण (विद्युत सहाय्यक) वेटिंग लिस्ट मधील उमेदवारांना लवकरात लवकर नियुक्ती देण्यात यावी.
4) MSEB मधील तिन्ही विभागात ITI, POLYTECHNIC, ENGINEERING आणि विभागांतर्गत रिक्त सर्व प्रकारचे असणारे पदे दरवर्षी नियमितपणे भरावीत.
5) MSEB मधील ITI वरील 3 वर्षांची कंत्राटी पद्धत 1 वर्षावर आणावी व कंत्राटी वेतन खूप कमी असल्याने विद्यार्थ्यांना स्वतःच्या जिल्ह्यात नियुक्ती द्यावी.
6) MPSC, UPSC, SSC, च्या परीक्षांप्रमाणे MSEB मधील सर्व पदांच्या भरती प्रक्रियेचे Calendar दरवर्षी प्रदर्शित करावे.
7) MSEB मधील सर्व पदांच्या भरती मधील वेटिंग लिस्ट मधील सर्व उमेदवारांना लवकरात लवकर नियुक्ती द्यावी.
8) महावितरण मधील सहाय्यक अभियंता पदासाठी पूर्णपणे GATE सक्ती रद्द करावी.
9) दरवर्षी भरती प्रक्रिया न राबवल्यामुळे बऱ्याच विद्यार्थ्यांच्या वयोमर्यादा संपल्यात किंवा संपत आल्यात त्यामुळे वयोमर्यादा वाढवण्यात याव्यात
10) Account LDC चा निकाल लवकरात लवकर जारी करावा.
11) महावितरण Jr. Accountant यांची वेटिंग लिस्ट जाहीर करण्यात यावी
12) निकाल जाहीर करताना प्रत्येक विषयातील गुण (Marks) उमेदवारांना दाखवावेत जेणेकरून भरती प्रक्रियेबद्दल शंका निर्माण होणार नाहीत.
13) दिव्यांग विद्यार्थी आणि EWS मधील विद्यार्थ्यांची लवकरात लवकर जॉइनिंग करून घ्यावी तरी महोदयांनी महाराष्ट्रातील इलेक्ट्रिकलच्या विद्यार्थ्यांचे वरील सर्व मुद्दे मार्गी लावावे ही विनंती..
Track Latest News Live on Marathi.NDTV.com and get news updates from India and around the world
