ओंकार कुलकर्णी, बीड:
Santosh Deshmukh Murder Case: संपूर्ण महाराष्ट्राला हादरवणाऱ्या, मरणालाही भय वाटेल, अशा मस्सजोगचे सरपंच संतोष देशमुख यांच्या हत्याकांडाला आज एक वर्ष पूर्ण झाले. 9 डिसेंबर 2024 रोजी सरपंच संतोष देशमुख यांची निर्घृण हत्या करण्यात आली. या हत्येने अवघ्या महाराष्ट्रात संतापाची लाट उसळली. याप्रकरणी धनंजय मुंडे यांचे निकटवर्तीय वाल्मिक कराड यांच्यासह 7 आरोपींना अटक करण्यात आली आहे. मात्र जोपर्यंत या नराधमांना फाशीची शिक्षा होत नाही, तोपर्यंत सरपंचांना न्याय मिळणार नाही, अशी प्रतिक्रिया बंधु धनंजय देशमुख यांनी दिली आहे.
महाराष्ट्राला हादरवणारी निर्घृण हत्या!
9 डिसेंबर रोजी सरपंच संतोष देशमुख यांचे अपहरण करून खून करण्यात आला, कौर्याची परिसीमा गाठणाऱ्या या क्रुर हत्येने संपूर्ण महाराष्ट्रात संतापाची लाट उसळली होती. आरोपींच्या अटकेसाठी राज्यभरात मोर्चे, आंदोलने झाली. याप्रकरणात एकूण आठ आरोपींचा समावेश होता, ज्यामध्ये सात जणांना अटक करण्यात आली आहे. वाल्मीक कराड, विष्णू चाटे, सुदर्शन घुले, प्रतिक घुले, जयराम चाटे, सुधीर सांगळे अशी अटकेत असलेल्यांची नावे आहेत, तर कृष्णा आंधळे अद्यापही फरार आहे.
माझा प्रियकर मरूनही जिंकला! मृतदेहाशी केले तरूणीने लग्न; नांदेडमधली 'सैराट' घटना
धनंजय देशमुख रडले..
सरपंच संतोष देशमुख यांच्या पुण्यतिथीनिमित्त आज मस्सजोगमध्ये कीर्तन कार्यक्रमाचे आयोजन करण्यात आले आहे. सकाळी दहा वाजल्यापासून कीर्तनाचा कार्यक्रम आहे. त्यानंतर मराठा आंदोलक मनोज जरांगे पाटील देखील देशमुख कुटुंबाची भेट घेणार आहेत. दिवसभरात जिल्ह्यातील अनेक नेते मस्साजोग ला भेट देणार आहेत.
आज माध्यमांशी बोलताना संतोष देशमुख यांचे भाऊ धनंजय देशमुख यांना अश्रु अनावर झाले. आमचा निष्पाप माणूस गेला आहे. त्याच कुटुंब उघड्यावर पडलं असेल याविषयी खंत व्यक्त करण्यापेक्षा 22 ,25 गुन्हे असलेला कुख्यात आरोपीची आठवण येणं म्हणजे जिल्ह्याच दुर्दैव आहे, असं म्हणत त्यांनी मंत्री धनंजय मुंडेंवर निशाणा साधला. तसेच जोपर्यंत सगळ्या आरोपींना फाशीची शिक्षा मिळत नाही तोपर्यंत लढत राहणार आहे, असा निर्धारही त्यांनी व्यक्त केला.
नक्की वाचा: 'माघार घे, अन्यथा ठार करेन...' महिला उमेदवाराला धमकी, घरात घुसला, हात पकडला अन्..
वडिलांच्या हत्येला 1 वर्ष झाले तरी आजही आम्ही न्यायाच्या अपेक्षेत आहोत. आरोपी आहेत, सर्व पुरावे आहेत तरीही या खटल्यात उशिर का होत आहे? हे समजत नाही. आमची सरकारला विनंती आहे की लवकरात लवकर न्याय मिळवून द्यावा. समाजाने दिलेली साथ यामुळेच हा लढा उभा राहिला. आठवणींना कोणताही दिवस नसतो. मी त्यांचं डॉक्टर होण्याचं स्वप्न नक्की पूर्ण करेन, पण ते माझ्यासोबत नसतील, याचं वाईट वाटतं. असं म्हणत वैभवी देशमुखलाही अश्रु अनावर झाले.
नक्की वाचा: Viral Couple: जोडप्याची प्रेमकहाणी आली समोर, नवरदेवाचं ट्रोलर्सना सडेतोड उत्तर; टीकाकारांची बोलती बंद
Track Latest News Live on Marathi.NDTV.com and get news updates from India and around the world
