Maratha Morcha traffic change: मराठा आरक्षणासाठी (maratha reservation) मराठ्यांचा मोर्चा घेऊन मनोज जरांगे पाटील आज सकाळी शिवनेरीवर पोहोचले आहेत. छत्रपती शिवाजी महाराजांना नतमस्कत होऊन ते पुण्याच्या दिशेने मार्गस्थ होणार आहेत. आज दुपारी साधारण एक वाजेदरम्यान ते पुण्याच्या (Manoj Jarange Patil Maratha Morcha) दिशेने निघतील अशी माहिती आहे.
हा मोर्चा शिवनेरीहून नारायणगाव, चाकण मार्गे मुंबईकडे रवाना होती. शिवनेरी गड ते चाकण हा प्रवास 65 किलोमीटर अंतरावर आहे. अवघ्या अडीच ते तीन तासात पुण्यात दाखल होतील अशी आशा आहे. मराठा मोर्चा पुण्यात दाखल झाल्यानंतर गोंधळ टाळण्यासाठी वाहतुकीत मोठे बदल करण्यात आले आहेत. या पार्श्वभूमीवर जिल्ह्याचे जिल्हाधिकारी तथा जिल्हादंडाधिकारी जितेंद्र डूडी यांनी मोटार वाहन कायदा, 1988 नुसार वाहतुकीमध्ये तात्पुरते बदल करण्याचे आदेश जारी केले आहेत. सुरळीत वाहतूक व्यवस्था आणि कायदा-सुव्यवस्था राखण्यासाठी हे बदल करण्यात आले आहेत.
मोर्चाचा मार्ग आणि कालावधी
काय आहेत पर्यायी मार्ग?
- नगर-कल्याण मार्गावरील वाहतूक: 14 नंबर जांबुत फाटा येथून अहमदनगरकडे जाणारी वाहने बोर, बेल्हे, अळकुटी, पारनेर मार्गे अहमदनगरला जातील.
- नारायणगावकडून जुन्नरकडे जाणारी वाहतूक: ही वाहतूक ओझर फाटा, कारखाना फाटा आणि शिरोली बुद्रुक मार्गे वळवण्यात आली आहे.
- नारायणगावकडून पुण्याकडे जाणारी वाहतूक: पुणे-नाशिक महामार्ग क्र. 50 व बायपास महामार्ग क्र. 60 वरील नारायणगावकडून चाकणकडे जाणारी वाहने नारायणगाव बायपासमार्गे कारफाटा, मंचर पोलिस स्टेशन, नागापूर, रोडेवाडीफाटा ते लोणी-पाबळ मार्गे शिक्रापूर-नगर रोडवरून पुण्याकडे जातील.
- खेड शहराकडून पुण्याकडे जाणारी वाहने: ही वाहने पाबळ मार्गे वळवण्यात आली आहेत.
नक्की वाचा - Manoj Jarange Patil Maratha Morcha LIVE : आंदोलन दाखल होण्यापूर्वी रॅपिड अ‍ॅक्शन फोर्सची तुकडी आझाद मैदानात
पुणे-मुंबई महामार्गांवरील बदल
- जुन्या पुणे-मुंबई महामार्ग (क्र. 48): या महामार्गावरील वाहतूक नव्या पुणे-मुंबई द्रुतगती मार्गावर (Expressway) वळवण्यात आली आहे.
- चाकण-देहुरोडकडून मुंबईकडे जाणारी वाहतूक: ही वाहने वडगाव फाट्यावरून द्रुतगती मार्गाने उर्से टोलनाकामार्गे मुंबईकडे जातील.
- मुंबईहून पुण्याकडे येणारी वाहतूक: खंडाळा-वलवण एक्झिटवरून लोणावळा शहरात किंवा जुन्या महामार्गावर न वळता ती थेट पुण्याकडे जाईल.
- मुंबईकडे जाणारी वाहने: वलवण एक्झिटवरून लोणावळा शहरात न जाता थेट मुंबईकडे जातील.
- लोणावळा शहरातील वाहतूक: पुणे व मुंबईकडे जाणारी वाहने जुन्या महामार्गाचा वापर न करता वलवण पुलावरून द्रुतगती मार्गाने प्रवास करतील.
Track Latest News Live on Marathi.NDTV.com and get news updates from India and around the world
