विशाल पुजारी, कोल्हापूर
विधानसभा निवडणुकीच्या निकालानंतर सर्वच विजयी उमेदारांनी मोठा जल्लोष केला. शेकडो कार्यकर्त्यांसह विजयी मिरवणुका काढून आनंद साजरा केला. मात्र कोल्हापूरच्या चंदगडमध्ये विजय मिरवणुकीत आगीचा भडका उडाल्याची घटना घडली आहे. सुदैवाने या घटनेची कुणाचीही जीवितहानी झालेली नाही.
('NDTV मराठी' चं अधिकृत व्हॉट्सअ‍ॅप चॅनल जॉईन करा )
कोल्हापुरातील चंदगडमध्ये विजयी उमेदवाराचा जल्लोष साजरा करत असताना अचानक आग लागल्याचा प्रकार समोर आला आहे. नूतन आमदार शिवाजी पाटील यांच्या विजयाच्या आनंदात समर्थकांकडून मिरवणूक काढण्यात आली. यावेळी जेसीबीमधून गुलालाची उधळण करत करण्यात येत होती.
( नक्की वाचा : निवडणूक हरणं कुणी राहुल गांधींकडून शिकावं, भाजपा, संघही मानेल गांधींचे आभार )
काही तरुण या मिरवणुकीत नाचत असताना अचानक अगीचा भडका उडाला. या आगीत काहीजण किरकोळ जखमी झालेत. महागावमध्ये शिवाजी पाटील आमदार यांची मिरवणूक चालू असताना झालेली गुलाल उधळत असताना ही दुर्घटना घडली.
( नक्की वाचा : महायुतीच्या दिग्विजयात RSS चं मोठं योगदान, वाचा संघानं कसा केला प्रचार? )
आग कशामुळे लागली याबाबत अद्याप माहिती मिळू शकलेली नाही. मात्र एक महिला या विजयी उमेदवाराचे औक्षण करत असताना ही घटना घडल्याच सांगितलं जात आहे.
