वडापावमध्ये चटणी नाही, गाडी पुसायचे कापड चोरीला.. मुंबई पोलिसांना येतात 'असे' कॉल, वाचून हैराण व्हाल!

Mumbai Police: देशाची आर्थिक राजधानी असलेल्या मुंबईमध्ये (Mumbai) कायदा व सुव्यवस्था राखण्याचे शिवधनुष्य मुंबई पोलीस (Mumbai Police) सतत पेलत आले आहेत. नागरिकांना तक्रारी करणे सोपे व्हावे यासाठी पोलिसांनी अनेक हेल्पलाईन क्रमांक (Helpline Numbers) जारी केले आहेत, जसे की १००, १०३, ११२ आणि १९३० (सायबर हेल्पलाईन). 

मात्र, प्रत्यक्षात अनेक नागरिक या महत्त्वाच्या क्रमांकांवर काही वेळा अत्यंत क्षुल्लक आणि विनोदी कारणांसाठी संपर्क साधत असल्याचे समोर आले आहे. कधीकधी हास्यास्पद तक्रारींनाही मुंबई पोलीस यंत्रणा अतिशय संयमाने (Patience) आणि गांभीर्याने प्रतिसाद देत त्यांचे निवारण करतात.

Thane News : मैत्रिणीशी झालं भांडण; संतापाच्या भरात तरुणाने उचललं धक्कादायक पाऊल

पोलिसांकडे येतात अशा मजेशीर तक्रारी...

सकाळ वृत्तपत्राच्या बातमीनुसार, वडापावमधील चटणी (Vada Pav Chutney) न मिळाल्यापासून ते चोरीला गेलेले कापड आणि चहावाल्यांचे तंटे (Tea Vendor Disputes) इथपर्यंतचा प्रत्येक फोन आपल्यासाठी महत्त्वाचा आहे, असे पोलिसांचे म्हणणे आहे. तक्रारी कितीही विनोदी असल्या तरी कामात कोणतीही हेळसांड (Negligence) केली जात नसल्याचे यंत्रणेकडून सांगण्यात आले आहे.

मुंबईकरांच्या काही 'विनोदी' तक्रारींचा उल्लेखही एका पोलीस कर्मचाऱ्याने केला. ज्यामध्येवडापाव विक्रेत्याने वडापावमध्ये चटणी टाकली नाही. ग्राहक निराश झाला आहे आणि त्याला पोलिसांची मदत हवी आहे." असा एक फोन दोन आठवड्यांपूर्वी काळाचौकी पोलिसांना आला होता. तर  १०० या आपत्कालीन हेल्पलाईन क्रमांकावर "माझा कार साफ करण्याचे कापड, जे दोरीवर वाळत होते, ते चोरीला गेले आहे. कृपया मला ते शोधण्यास मदत करा." असा फोन भोईवाडा पोलिसांना आला होता.

मागील दोन महिन्यांत पोलिसांना "एक चहा विक्रेता काचेच्या कपाऐवजी प्लास्टिकच्या कपमध्ये चहा देत आहे. या प्रकरणात पोलिसांच्या हस्तक्षेपाची (Intervention) आवश्यकता आहे," असा कॉल काळाचौकी पोलिसांना आला होता. लोक रात्री उशिरा कुत्रे भुंकत असल्याची तक्रार करतात. यावर पोलीस बीएमसीच्या प्राणी नियंत्रण (Animal Control) आणि स्वयंसेवी संस्थांशी समन्वय साधून नसबंदी मोहीम राबवतात, जेणेकरून समस्या कमी होईल.

Inspirational Story: ठाणे RTO  ते 'इस्रो' शास्त्रज्ञ! 29 वर्षांच्या सुजाता मडके यांची मोठी भरारी

पोलिसांनी 'कापड चोरी' कशी सोडवली?

भोईवाडा येथील एका अधिकाऱ्याने सांगितले की, कार साफ करण्याचे कापड चोरीला गेले, तेव्हा पोलिसांनी तातडीने 'एका कॉलरने त्याची कार साफ करणारे सीसीटीव्ही फुटेज (CCTV Footage) नोंदवले, ते घेणाऱ्या माणसाची ओळख पटवली आणि कापड परत मिळवले." पोलिसांनी गुन्हा दाखल केला नाही, पण त्याला पुन्हा असे न करण्याचा इशारा दिला.

मालाडमधील (Malad) दुसऱ्या एका अधिकाऱ्याने सांगितले की, "आम्हाला दोन मजल्यांमध्ये कापड अडकल्याचा फोन आला. ते ऐकायला मजेदार वाटले, परंतु आम्ही ते गांभीर्याने घेतले. ते कापड बाहेर काढणे धोकादायक होते, कारण आमच्या अधिकाऱ्याला खिडकीजवळ पोहोचावे लागले." यावरून पोलीस प्रत्येक लहान-मोठी समस्या सोडवण्यासाठी तत्पर असल्याचे दिसून येते.