माझा प्रियकर मरूनही जिंकला! मृतदेहाशी केले तरूणीने लग्न; नांदेडमधली 'सैराट' घटना

Woman Marries Boyfriend's Dead Body: प्रेमसंबंधाला विरोध असल्याने मुलीच्या वडील आणि भावाने मिळून तरुणांची  हत्या केल्याची घटना नांदेड मध्ये घडली.  प्रियकराची हत्या झाल्यानंतर प्रेयसीने त्याच्या मृतदेहासोबत विवाह केल्याची घटना घटना नांदेड येथे घडली आहे. सक्षम ताटे (20 वर्षे, रा. मच्छी मार्केट) याची हत्त्या त्याची प्रेयसी आंचल मामिडवार हिचे वडील आणि भावाने मिळून केली होती. गुरूवारी संध्याकाळी या दोघांनी सक्षमचा खून केला होता. आंचलचे त्याच्यासोबत असलेले प्रेमसंबंध पसंत नसल्याने या दोघांनी सक्षमला ठार मारण्याचं ठरवलं होतं. सक्षमचा मृतदेह जेव्हा घरी पोहोचला तेव्हा आंचलने त्याच्या मृतदेहाशी लग्न केलं. या घटनेचा व्हिडीओही व्हायरल झाला असून आंचलने जी प्रतिक्रिया दिलीय ती अत्यंत हृदयद्रावक आहे. 

नक्की वाचा: 'माघार घे, अन्यथा ठार करेन...' महिला उमेदवाराला धमकी, घरात घुसला, हात पकडला अन्..

वडील आणि भाऊ हरले, माझा प्रियकर जिंकला!

आंचलने प्रतिक्रिया देताना म्हटले की,  "प्रेम संबंधाला विरोध असल्याने  माझ्या वडिलांनी भावाने मारले पण ते हरले आणि माझा प्रियकर मरून पण जिंकला" हे बोलत असताना आंचलला अश्रू अनावर होत होते. वाक्य संपताच तिने हंबरडा फोडला. सक्षमची हत्या करणाऱ्या आपल्या वडिलांना आणि भावाला फाशीची शिक्षा व्हावी अशी मागणी तिने केली आहे.  नांदेडच्या इटवारा भागात सक्षमची हत्या करण्यात आली होती. आंचलचे वडील आणि भाऊ या दोघांनी सक्षमवर तीन गोळ्या झाडल्या होत्या. हे दोघे इतक्यावरच थांबले नाही. त्यांनी सक्षमच्या डोक्यात दगड घालून त्याला ठार मारले होते.  

नक्की वाचा: Viral Couple: जोडप्याची प्रेमकहाणी आली समोर, नवरदेवाचं ट्रोलर्सना सडेतोड उत्तर; टीकाकारांची बोलती बंद

आंचलच्या वडिलांसह 5 जणांना अटक 

पोलिसांनी आंचलचे वडील गजानन मामिडवार यांच्यासह पाच जणांना पोलिसांनी अटक केली आहे.  जयश्री मदनसिंह ठाकूर,गजानन बालाजीराव मामिडवार,साहील ठाकूर,सोमाश लखे,वेदांत अशी आरोपींची नावे आहेत. सक्षम ताटे आणि आणि आंचल यांचं एकमेकांवर प्रेम होतं आणि या दोघांनी लग्न करण्याचा निर्णय घेतला होता. हे कळताच आंचलचे वडील गजानन भयानक संतापले होते. सक्षम हा वेगळ्या जातीचा असल्याने त्यांना आंचलचे सक्षमसोबतचे प्रेमसंबंध मान्य नव्हते.