'काले कौवे से डरियो…किती काळ हवेत बाण सोडणार?' राहुल गांधींच्या आरोपांना फडणवीसांचं चोख उत्तर

रामराजे शिंदे, प्रतिनिधी 

Rahul Gandhi vs Devendra Fadnavis : लोकसभा निवडणूक 2024 आणि विधानसभा निवडणूक 2024 या दरम्यान फक्त पाच महिन्यांचा फरक होता. पण, या कालावधीमध्ये मतदार भरमसाठ कसे वाढले? या प्रश्नावर विरोधक आक्रमक झाले आहेत. गेल्या काही दिवसांपासून काँग्रेस नेते राहुल गांधी यांनी महाराष्ट्रातल्या विधानसभा निवडणुकीत फिक्सिंग झाल्याच्या आरोपांची माळ लावली आहे. आज (मंगळवार, 24 जून 2025) तर राहुल गांधी यांनी खुद्द देवेंद्र फडणवीसांच्या मतदारसंघाचीच आकडेवारी काढली आणि फक्त पाच महिन्यात तब्बल 8 टक्क्यांनी मतदार कसे वाढले? असा सवाल केला.

('NDTV मराठी' चं अधिकृत व्हॉट्सअ‍ॅप चॅनल जॉईन करा )
 

राहुल गांधींचा सवाल काय?

मुख्यमंत्र्यांचं उत्तर 

राहुल गांधी यांनी फडणवीसांच्या मतदारसंघावरच अशी शंका घेतल्यानंतर खुद्द फडणवीसांनीच द्विट करुन उत्तर दिलं. त्यांनी हे उत्तर देत असताना आकडेवारीही मांडली. मुख्यमंत्री फडणवीस म्हणाले, राहुल गांधी, महाराष्ट्रातील अपमानास्पद पराभवाचे तुमचे दुःख दिवसेंदिवस वाढत आहे हे खरे आहे. पण तुम्ही किती काळ हवेत बाण सोडत राहणार आहात? तसे तुमच्या माहितीसाठी, महाराष्ट्रात 25 पेक्षा जास्त मतदारसंघ आहेत.  जिथे लोकसभा आणि विधानसभा निवडणुकीदरम्यान 8% पेक्षा जास्त मतदार वाढले आहेत. यामधील अनेक ठिकाणी काँग्रेसने विजय मिळवला आहे.

हे मतदारसंघ कोणते आहेत? तिथे किती टक्के मतदार वाढले? आणि तिथे कोण जिंकलं? याची जंत्रीच मुख्यमंत्र्यांनी मांडली आहे

मुख्यमंत्र्यांच्याच नागपूर जिल्ह्यात पश्चिम नागपूरमध्ये 7 टक्के मतदान वाढलं तिथं काँग्रेसचे विलास ठाकरे विजयी झाले. उत्तर नागपूरमध्ये 7 टक्के मतदान वाढलं. तिथंही काँग्रेसच्या नितीन राऊत यांनी विजय मिळवला. पुणे जिल्ह्यातील वडगाव शेरीमध्ये 10 टक्के मतदान वाढलं. वडगावमध्ये राष्ट्रवादी काँग्रे,स शरदचंद्र पवार पक्षाचे बापूसाहेब पठारे विजयी झाले. मुंबईतील मालाड पश्चिममध्ये 11 टक्के मतदान वाढलं. तिथं काँग्रेसचे अस्लम शेख आणि ठाणे जिल्ह्यातील मुंब्रा मतदारसंघात 9 टक्के मतदान वाढलं तिथं राष्ट्रवादी काँग्रे,स शरदचंद्र पवार पक्षाचे जितेंद्र आव्हाड विजयी झाल्याची आठवण मुख्यमंत्र्यांनी करुन दिली. 

झूठ बोले कौवा काटे
काले कौवे से डरियो…

राहुल गांधी,
माना की महाराष्ट्र की करारी हार की आपकी पीड़ा दिन प्रतिदिन बढ़ती जा रही है.
लेकिन कब तक हवा में तीर चलाते रहोगे?
वैसे आप की जानकारी के लिए, महाराष्ट्र में ऐसे 25 से अधिक चुनाव क्षेत्र है जहाँ 8% से अधिक मतदाता लोकसभा और… https://t.co/YtpuKNeUNE

— Devendra Fadnavis (@Dev_Fadnavis) June 24, 2025

राहुल गांधींनी सांगितलेले पाच टप्पे कोणते?

दोन आठवड्यांपूर्वी राहुल गांधी यानी महाराष्ट्रातल्या विधानसभा निवडणुकीत पाच टप्प्यांमध्ये घोटाळा झाल्याचा आरोप करणारा लेख लिहिला होता. त्यातले पाच टप्पे कोणते होते बघा

काही दिवसांपूर्वीच निवडणूक आयोगाने नियमांमध्ये बदत करत. ज्या निवडणुकांना 45 दिवस पूर्ण झाले आहेत, अशा निवडणुकीतले सीसीटीव्ही फुटेज, वेबकास्टिंग आणि सीडीआर डिलीट करण्याचे आदेश दिले होते. ज्या मतदारसंघातल्या निकालाबद्दल आक्षेप किंवा याचिका दाखत करण्यात आलेल्या नाहीत. अशा ठिकाणच्या मतदानाचे सगळे पुरावे निष्ट केले जाणार आहेत. अशा प्रकारच्या व्हिडीओंचा वापर करुन, गैरसमज पसरवल्याची उदाहरणे समोर आल्यानं, हा निर्णय घेण्यात आल्याचं निवडणूक आयोगानं स्पष्ट केलं होतं.

निवडणूक आयोगाच्या या निर्णयामुळे राहुल गांधी यांनी 10 सवाल विचारले होते.

राहुल गांधींच्या या सवालांना उत्तर देणारा लेख दुसऱ्याच दिवशी देवेंद्र फडणवीसांनी लिहिला होता. आजही राहुल गांधींचं द्विट येताच देवेंद्र फडणवीसांनी आकडेवारीसह उत्तर दिलं. राज्यातील विधानसभा  निवडणुकीला अजून एक वर्ष व्हायचंय आणि काँग्रेस आणि भाजपमध्ये या कथित फिक्सिंगवरुन सामना संपत नाहीये